ʻOku Maʻu Atu ʻi he Taimí Ni ʻa e Pulusinga Hongo Ua ʻo e Malangaʻaki ʻEku Ongoongoleleí

Hili ha meimei taʻu ʻe uongofulu mei hono pulusi ʻo e Malangaʻaki ʻEku Ongoongoleleí: Ko ha Fakahinohino ki he Ngāue Fakafaifekaú, kuo pulusi ʻe he Siasí ha pulusinga hono ua (ʻa ia ʻoku ʻi ai ʻa e ʻuluʻitohi ko e Ko Ha Fakahinohino ki Hono Vahevahe ʻo e Ongoongolelei ʻo Sīsū Kalaisí).

Naʻe fanongonongo ʻe Palesiteni Lāsolo M. Nalesoni ʻa e pulusinga hono uá ʻi he seminā ʻa e Siasí maʻá e kau taki fakamisiona foʻoú ʻi Sune. Naʻá ne pehē, “ʻOku hoko mai ʻa e pulusinga foʻou ko ʻení ʻi ha taimi ʻoku vave ai ʻa e liliu ʻa e māmaní.” “ʻOkú ne fakahaaʻi ha ongoʻingofua ki ha konga lahi ʻo e ngaahi liliu ko iá. ʻOku ʻi ai ha niʻihi ʻo e ngaahi fakahinohino lelei taha kuó u mātā ke tokoniʻi ʻa e kakaí ke nau tali ʻa e fakaafe ʻa e ʻEikí ke haʻu kiate Iá.”

ʻOku kau ʻi he pulusinga fakamuimuitahá ha ngaahi akonaki mei he kau taki ʻo e Siasí talu mei hono pulusi ʻo e ʻuluaki tataú ʻi he 2004. ʻOku fenāpasi ia mo e Tohi Tuʻutuʻuni Fakakātoá mo e ngaahi tuʻutuʻuni foʻou kehé. ʻOku kau foki ai ʻa e ngaahi maluʻi mo e ngaahi fakahinohino ki hono fakaʻaongaʻi ʻo e tekinolosiá ʻi hono vahevahe ʻo e ongoongoleleí.

Naʻe pehē ʻe Poni H. Kotoni ko e Palesiteni Lahi ʻo e Kau Finemuí: “Ko e meʻa fakaʻofoʻofa moʻoni ʻa e vakai kotoa ʻa e Toko Hongofulu Mā Uá ki he meʻá ni. Kuo lau kakato ia ʻe he Kau Palesitenisī ʻUluakí. Pea ko e tohi moʻoni ʻeni kuo fakangofua ʻe he Fakamoʻuí.”

ʻOku maʻu atu ʻa e pulusinga hono ua ʻo e Malangaʻaki ʻEku Ongoongoleleí ʻi he Gospel Library app pea ʻi he ʻinitanetí ʻi he lea faka-Pilitāniá, faka-Falaniseé, faka-Potukalí, mo e faka-Sipeiní. ʻE maʻu atu ʻa e ngaahi tatau kuo pākí ʻi he fakaʻosinga ʻo e 2023. ʻE lava ke maʻu atu mo ha ngaahi lea fakafonua kehe ʻo kamata ʻi Sānuali 2024.