“Elder David L. Buckner,” Liaona, Māe 2024.
Elder David L. Buckner
Ritōl Eutiej an Jiljilimjuonn̄oul
Elder David L. Buckner ekar ļotak ilo Jeptōm̧ba 27, 1963, ilo Ogden, Utah, USA, ak “rūttoļo̧k” ke ekar jokwe ium̧win jilu iiō ko ilo Sacramento, California, USA.
Diktata iaan ajri ro ļalem nejin Melba im E. LaMar Buckner, 11-iiō-rūtto David kar em̧m̧akūt n̄an California ippān baam̧le eo an ke jemān ekar kūr n̄an tōl ioon mijen an Kabun̄ in ilo Sacramento. Ettoļo̧k jān ro m̧ōttan ilo Utah, ekar ekkatak wāween eo n̄an kōm̧m̧an ro m̧ōttan rekāāl im kar loe “300 brother im sister ro rerūtto” ilubwilijin ro rekar jerbal in mijenede.
Eļaptata, naan in kam̧ool eo an gospel eo an Jisōs Kraist ekar kajoor. “En̄jake in mijen ņe ekar ukōt men otemjej,” ekar ba.
Tokālik ekar jerbal ilo Ecuador Guayaquil Mission. Baj jilu allōn̄ ko n̄an mijen eo an, ke ekar jerbal āinwōt branch būreejtōn ilo bukwon eo Jipijapa, ekar liajļōl ippān membōr ro an branch eo im ro jet ālkin an kar juon ļaddik 11 iiō kar maļo̧n̄ ke ekar bōk koņaan ilo juon m̧akūtkūt an Kabun̄ in.
Ke ej akweļap ippān Jemedwōj Ilan̄ ilo wiik ko im allōn̄ ko tokālik, ekar bōk juon naan in kam̧ool ekajoor kōn karōk in lo̧mo̧o̧r eo. Ej barāinwōt kam̧ool kōn tūriam̧o̧ eo an Irooj āinwōt ro jet ilo jukjukinpād rekar kautiej gospel eo. Ippān doon rekar meļeļe kwojarjar an mour im kajoor in tūriam̧o̧ an Irooj.
Ālkin mijen eo an, Elder Buckner ekar deļo̧n̄e Brigham Young University, ijo ekar ioon Jennifer Romney Jackson. Rekar m̧are ilo Okwoj 30, 1990, ilo Salt Lake Temple. Sister Buckner ekar rūttoļo̧k ilo New York, USA, ijo ripālele rein rekar em̧m̧akūt n̄ane ālkin m̧are eo aerro. Rekar karūttoļo̧k ajri ro ļalem ilo Manhattan, ijo Elder Buckner ekar bōk jikin Kabun̄ in ilo prominent Commission of Religious Leaders.
Elder Buckner ekar bōk juon bachelor of science degree ilo jāān jān BYU ilo 1988 im juon master of business administration degree jān Durham University ilo 1991. Ekar barāinwōt bōk juon master of international relations jān BYU ilo 1995 im juon juris doctorate jān BYU ilo 1996. Ekar juon rūkaki in kaļōj im, jān 1999, būreejtōn an Bottom Line Training and Consulting Inc. Elder Buckner ekar jerbal āinwōt juon Eria Jiljilimjuonn̄oul, stake būreejtōn, ko̧o̧njeļ eutiej, im bisop.