E mena Ikai te Ekaretia

Nairobi, Kenya

te mwabe ma te mronron ni katobibia Kenya

te man te ria n te tawaana ma tamnein taian kateitei aika a rietaata mai ibukina

Uoman ake a moan rairaki nakon ana Ekaretia Iesu Kristo ibukiia Aika Itiaki ni Boong aika Kaitira i Kenya a bwabetitoaki ao ni kamatoaki n te ririki 1979. Te ririki are i mwiina ao uoman mitinare, aika taanga, a roko i aon Kenya. N te ririki 1981 ao a kateaki uoua mwaanga, i Nairobi ao i Kiboko. N te bong aei, te Ekaretia i aon Kenya iai:

• 17,430 membwa (katautauaki)

• 2 titeiki, 57 uoote ao mwaanga, 1 te mition

• 1 te tembora ae katanoataaki (Nairobi)

Ukora te Kimwareirei iroun te Uea

Ngkai bon te membwa ngaia ae boou n te Ekaretia, Gladys Ondwari ao e kunea te kimwareirei n te euangkerio e ngae ngkana e kaitara ma taian kataaki: “I bon rangi ni kukure! E a tia ni kaurea matau te Uea n te tai ae riai. I ataia bwa bon ti Iesu Kristo nneu ae N na mano iai ngkana i kaitibo ma angibuakan te maiu.”

te aine ae wiingare ma oneana ni kuuka

Tamnei iroun Lucy Stevenson Ewell

Rongorongon riki te Ekaretia i aon Kenya

• Te ataeinimwaane mai Kenya e beku n ana mition i northwest United States, ike e a reke iai ana tai ni buokiia i Aberika ake a maeka ikekei.

• Te kabwarabwara ae kimototo iaon rongorongon ma ana koaua temanna te kairake n ataeinaine are e maeka i Kenya.

• Te ataeinimwaane ae maeka i Kenya e tibwaia bwa e kanga Kristo n anganna te kakorakoraaki bwa e na karaoi bwaai aika a kangaanga.

• Maiuakinan te euangkerio, irouia kain te aro i Kenya e bon karekea te tabo ae mano ni kaitarai kangaanga n te aonaaba.

• Te tia rabakau n rongorongon te Ekaretia e taekina rikiraken te Ekaretia i Chyulu, Kenya.

tamnein te kaawa ae Nairobi

Te tienta n te kaawa ae Nairobi. Te moan titeiki n te Ekaretia i Kenya e bon kateaki i Nairobi n Tebetembwa 9, 2001.

Unimwaane Sitati ma taan mwakuri n te tabo are e na kateaki iai te tembora

N ana tai ni beku bwa te Beretitenti n te Aono n Aberika, Unimwaane Joseph W. Sitati, bon kain ngaia Kenya, e mwananga n neweabaa te tabo are e tei iai te Nairobi Kenya Tembora ma taan kairiiri tabeman n te Ekaretia n Meei 21, 2022.

a uaia n tekateka uoman mwaane

E rang kakawaki te mwakuri ibukin rongorongon te utu. Bon iai nimaua tienta ibukin te FamilySearch i Kenya, iai ake a katabeaki bwa a na nako ni rikoi rongorongon te Ekaretia ni kawai bwa aonga ni kawakinaki ibukiia te roro are imwiina.

te tina ma uoman ataeinnaine

E moan waaki te Ekaretia i Kenya ni bobotaki n taromauri man kain te aro n te mweenga teuana. Te bong aei, ao e raka iaon 50 te umwantabu i Kenya ibukin bobotakiia aika itiaki i Kenya.