Ang Simbahan Ania Dinhi

Reykjavík, Iceland

Ang unang mga misyonaryo sa Ang Simbahan ni Jesukristo sa mga Santos sa Ulahing mga Adlaw miabot sa Iceland niadtong 1851. Sa ika-20 nga siglo, daghang miyembro mibalhin ngadto sa ubang mga nasod. Karon, hinuon, ang mga miyembro sa Simbahan sa Iceland nagagikan sa nagkalainlaing mga nasod, ug daghang lumad nga mga Icelander mibalik sa pagsangyaw sa ebanghelyo ni Jesukristo ug mitabang sa bag-ong mga kinabig nga mangulo sa Simbahan. Bisan gamay ra, sila mahigugmaon ug mahigaloan nga komunidad. Ang Simbahan sa Iceland adunay:

• 380 ka miyembro (bana-bana)

• 4 ka branch (lakip sa usa nga Spanish)

• 1 ka sentro sa FamilySearch

Usa ka Komunidad sa mga Santos

Ang mga miyembro sa Iceland nagsalig sa usag usa. Sa dihang ang bana ni Bettina Gudnason namatay, nakakaplag siya og kahupayan sa pamilya sa mga Santos palibot kaniya: “Ang mga miyembro sa Simbahan kanunay nga anaa sa akong palibot ug nag-uban kanako. Nasayod ako sa akong kasingkasing nga ang Langitnong Amahan ug si Jesukristo nakahibalo sa tanan nga nahitabo sa atong palibot. Sila nakaila kanato sa ngalan.”