Við berum vitni um lifandi spámann okkar

Vorn spámann vér þökkum þér, Drottinn

Ég veit að Russell M. Nelson forseti er spámaður Guðs og ég er þakklát fyrir að Guð talar til hans. Elska Nelsons forseta til okkar er ein birtingarmynd elsku Guðs. Ég ann Nelson forseta. Loforðin sem hann gefur koma frá Guði.

Justine Hinautan, Filippseyjum

Nelson forseti kennir mér að mikilvægast sé að velja Krist með því að virða og varðveita sáttmála.

Ryan Hulme, Nýja-Sjáland

Ég er svo þakklátur fyrir spámanninn, Russell M. Nelson. Ég ber vitni um að hann er maður kallaður af Guði, til að leiða okkur og styrkja á síðustu dögunum. Ef við fylgjum leiðsögn hans, mun allt fara vel.

Nelson Almeida, Grænhöfðaeyjum

Þakka þér, Nelson forseti, frá dýpstu hjartarótum okkar fyrir að veita okkur vísdómsorð frá himneskum föður okkar. Guð bless þig, kæri spámaður okkar.

Brenda Boyle, Skotlandi

Þakka þér, Nelson forseti, fyrir hvetjandi og upplyftandi kenningar. Við elskum þig.

Thuong Putheary, Kambódíu

Ég er svo þakklátur fyrir kærleikann og innsýnina sem Nelson forseti veitir sem spámaður. Ræða hans um musterið hvatti mig til að hljóta musterisgjöf mína, hollusta hans við unga fullorðna fólkið minnti mig á að vera meðvitaður um sjálfsmynd mína sem barn Guðs og barátta hans fyrir samansöfnun hins dreifða Ísraels hefur verið stöðugt umræðuefni meðal fjölskyldu minnar og deildarsamfélagsins. Mikilvægast er þó að hann hefur hjálpað mér að komast nær frelsara mínum.

Grace Burt, Bandaríkin

Ég hef einlæglega íhugað kenningar okkar ástkæra spámanns, Russell M. Nelson. Kenningar hans hafa innblásið líf mitt. Spámannleg orð hans hafa hvatt mig til að sækja fram og lifa betur eftir fagnaðarerindinu í þessum heimi ringulreiðar og ágreinings. Það fyllir mig öryggi að vita að við höfum spámann á okkar tíma, sem hvetur okkur til að hafa anda friðar, forðast ágreining við samferðafólk okkar. Ég met mikils hinar miklu kenningar hans.

Ana Montoya, Hondúras

Ég hef staðfastan vitnisburð um að Russell M. Nelson sé spámaður Guðs fyrir hina síðar daga. Ég hef notið þeirra forréttinda að fylgjast náið með auðmýkt hans, einfaldleika og þeim kærleika sem hann ber til fólks. Hann er vissulega útvalinn til að leiða ríki Guðs á jörðu á þessum einstaka tíma. Ég hef hlustað á og fylgt leiðsögn hans, sem hefur leitt mig til að lifa réttlátu lífi og takast á við áskoranir jarðlífsins. Ég ber mikla elsku til Nelsons forseta og er meðvitaður um hið einstaka framlag hans til framdráttar ríkis Guðs og samansöfnunar Ísraels, í gegnum innblástur hans og tilkynningar um byggingu mustera um heim allan.

David G. Fernandes, Brasilía

Hinn 24. ágúst 2019 talaði spámaðurinn á spænsku og bauð okkur að halda boðorð Drottins. Ég skynjaði elsku Jesú Krists mjög vel í viðleitni spámannsins til að læra tungumál okkar. Ég veit að Guð hvetur, leiðbeinir, verndar, leiðir og blessar okkur með lifandi spámanni.

Saúl Alfredo Rojas de León, Gvatemala