Þakklát fyrir spámann

Russell M. Nelson forseti heilsar konu á Havaí — Russell M. Nelson forseti heilsar Síðari daga heilögum í Kona, Havaí, 16. maí 2019, í þjónustuferð sinni um Kyrrahafseyjar.

Kæru foreldrar,

í þessum mánuði heldur Russell M. Nelson forseti upp á 100 ára afmælið sitt. Greinar í þessu blaði leggja áherslu á það hvernig hann og aðrir spámenn vísa okkur til Jesú Krists.

Ein leið fyrir ungmenni til að fylgja spámanninum er að bregðast við boði hans um að sækja trúarskólann reglulega og lesa ritningarnar daglega. Hann hefur lofað þeim dásamlegum blessunum sem það gera, þar á meðal að læra að meðtaka persónulega opinberun, finna svör við erfiðum spurningum lífsins og kynnast frelsaranum. Hafa unglingar ykkar heyrt þetta spámannlega boð? Farið á seminary.ChurchofJesusChrist.org til að finna frekari upplýsingar.

Trúarlegar umræður

Minnist sáttmála ykkar

Í grein Jeffreys R. Holland forseta á bls. 4, lærum við hvernig það mun vernda okkur og halda okkur í nálægð andans að halda sáttmála okkar og vera í klæðum hins heilaga prestdæmis, eftir að við höfum hlotið musterisgjöfina. Þið gætuð miðlað fjölskyldu ykkar tilvitnun í greinina og rætt hvernig það „táknar ytri tjáningu á innri skuldbindingu“ að vera í klæðunum. Hver er önnur ytri tjáning okkar á skuldbindingu sem lærisveinar?

Haldið boðorðin

Öldungur Isaac K. Morrison bað Nelson forseta um persónuleg skilaboð fyrir eiginkonu sína og börn. Svar spámannsins var: „Haldið boðorðin.“ (Sjá bls. 20.) Þið gætuð spurt börn ykkar: Hvernig gætuð þið hafa valið öðruvísi ef spámaðurinn sæti til borðs með ykkur og bæði ykkur að halda boðorðin?

Fylgið spámanninum

Nelson forseti verður 100 ára í þessum mánuði! Dallin H. Oaks forseti miðlar sumu því sem hann hefur lært af spámanninum (sjá bls. 12). Hvað hafa börn ykkar lært af spámanninum? Hefur einhver ákveðin ræða eða trúarsamkoma staðið upp úr hjá þeim? Miðlið hugsunum ykkar. Þið gætuð horft á myndbandshugvekju frá honum.

Kom, fylg mér Fjölskylduskemmtun

Hlýða á rödd Guðs

3. Nefí 11:5

Í 3. Nefí 11 lesum við hvernig Nefítarnir gátu ekki heyrt rödd Guðs fyrr en þeir beindu augum sínum að röddinni og luku upp eyrum sínum.

Standið andspænis einhverjum. Snúið ykkur við svo þið horfið ekki hvort á annað.
Annar aðilinn talar og hinn hlýðir á. Fáið hlustandann til að halda fyrir eyrun.
Látið þann sem talar segja hljóðlátri röddu eitthvað eins og: „Mig langar að líkjast Jesú.“
Sjáið hvort hlustandinn geti greint hvað sagt er.
Fáið nú þann sem hlustar til að taka hendur frá eyrum og snúa sér að þeim sem talar.
Sá sem talar endurtekur sömu setninguna.

Umræða: Var auðveldara að heyra röddina þegar hlustandinn horfði framan í þann sem talaði? Lesið 3. Nefí 11:5. Hvernig getið þið beint augum ykkar að og lokið upp eyrum ykkar fyrir rödd Guðs í dag?