“Kam̧m̧oolol kōn juōn Rikanaan,” Liaona, Jept. 2024.
N̄an Pāāren Ro
Kam̧m̧oolol kōn juōn Rikanaan
Būreejtōnj Russell M. Nelson ej iakwe Armej ro Rekwojarjar ilo Kona, Hawaii, kar May 16, 2019, ilo iien eo eaar kōm̧m̧ane jerbal in karejar eo an ilo Pacific.
Pāāren Ro Rejitōnbōro,
Allōn̄ in Būreejtōn Russell M. Nelson ej kememe 100 iiō in an mour. Article ko ilo kōnono in rej kallikar ekōjkan an im rikanaan ro jet tōl kōj n̄an Jisōs Kraist.
Juon wāween jodikdik ro remaron̄ ļoor Rikanaan eo ej ilo aer eo̧ron̄ kūr eo an n̄an pād ilo seminary aolep iien im riit jān jeje ko rekwojarjar kajjojo raan. E eaar kallim̧ur kōjeraam̧m̧an ko rem̧m̧an n̄an ro im rej kōm̧m̧an men in, ekoba katak n̄an bōk ad make revelesōn, lo uwaak ko n̄an kajjitōk ko reppen an mour, im itok n̄an jeļā kōn Rilo̧mo̧o̧r. Em̧ōj ke an jodikdik ro nejūm̧ ron̄ kūr in an rikanaan eo? Etal n̄an seminary.ChurchofJesusChrist.org n̄an bōk eļapļo̧k meļeļe.
Kōnono ko kōn Gospel in
Keememej Bujen ko Am̧
Ilo article eo an Būreejtōn Jeffrey R. Holland peij 4, jej katak ekōjkan ad kōjparok bujen ko im kōņak garment eo an priesthood eo ekwojarjar ālkin ad bōk mennin letok kwojarjar enaaj letok kōjparok im kepaak kōj n̄an Jetōb eo. Komaron̄ kwaļok n̄an baam̧le eo am̧ juon naan jen article eo im kōnono kake ekōjkan kōņak garment eo “ej juon nemāme eo itulik im ej kalikaar kijejeto eo an itulowa. Ta bar jet nemāme ko jet jemaron̄ kōm̧m̧ani n̄an kwaļo̧k ad kijejeto āinwōt jet ro rijilōk?
Kōjparok Kien ko
Elder Isaac K. Morrison ekar kajjitōk ippān Būreejtōn Nelson kōn juon ennaan make n̄an kōrā eo ippān im ajri ro nejiero. Uwaak eo an rikanaan eo kar “Kōjparok kien ko.” (Lale peij 20.) Komaron̄ kajjitōk ippān ajiri ro nejum̧: Ewi wāween an kālet ko am̧ naaj kar oktak eļan̄n̄e rikanaan eo eaar jijōt ilo tebōļ ippam̧ im kar kajjitōk bwe kwon kōjparok kien ko?
Ļoor Rikanaan eo
Būreejtōn Nelson enaaj 100 iiō dettan allōn̄ in! Būreejtōn Dallin H. Oaks ej kwaļok jet katak ko eaar ekkatak jān rikanaan eo (lale page 12). Ta ko ajiri ro nejimi rekar ekatak jān rikanaan eo? Enan̄in ke wōr juon kōnono ak devotional eo im ekar em̧m̧an ippāer. Kwaļo̧k ļōmņak ko am̧. Komaron̄ alooj e juon video in ennaan eo jān e.