Liaona
Ewi Waween Aō Maron̄ Kōkajoorļo̧k Naan in Kam̧ool eo Aō kōn Rikanaan eo?
Jeptōm̧ba 2024

“Ewi waween aō kōkajoorļo̧k naan in kam̧ool eo Aō kōn Rikanaan Joseph Smith?,” Liaona, Sept. 2024.

Itok, Ļoor Eō

Hilamōn 7–16

Ewi Waween Aō Maron̄ Kōkajoorļo̧k Naan in Kam̧ool eo Aō kōn Rikanaan eo?

Kweilo̧k eo eļap emaron̄ jipan̄ kōj kōkkajoorļo̧k naan in kam̧ool ko ad kōn rikanaan ro remour.

Būreejtōn Russell M. Nelson ej kōnono ilo jikin kōnono eo

Ilo bok in Hilamōn, rikanaan Samuel eo ej riLeman ej kam̧ool kōn Jisōs Kraist im ej leļo̧k kakkōl ko im kūr ko n̄an riNipai ro (lale Hilamōn 13–14). Ilo raan kein ad ebar wōr ippād iien eo em̧m̧an n̄an ron̄jake kakkōl ko jān rikanaan eo ad im ritōl ro jet an Kabun̄ in. Ron̄jake kūr ko aer ej jipan̄ kōj ļoore iaļ in bujen eo.

Kweilo̧k eo eļap ej juon iien ejetjet n̄an ron̄jake naan ko rekāāl tata jān ritōl ro ad reim̧we im epakeļo̧k Jisōs Kraist. Erkein jet iaan wāween ko kwomaron̄ ļōmņak n̄an kōjerbal kwilo̧k eo eļap n̄an kōkōm̧anm̧an naan in kam̧ool eo am̧ kōn rikanaan ro remour.

  1. M̧okta jān kweilo̧k eo eļap, jar ilo kejekļo̧kjeņ kōn etke ej aorōk n̄an an wōr juon am̧ rikanaan. Ļōmņak in jar n̄an bōk kapen eo jān Jetōb bwe Būreejtōn eo an Kabun̄ in kiiō ej rikanaan, rilolo, im ribōk revelesōn an Anij ioon laļ rainin. “Jeļā kōn revelesōn bwe ewōr juon rikanaan emour ioon laļ in ej ukōt aolep men.”

  2. Kappukōt ta meļeļein n̄an bōk jipan̄ im kotak rikanaan im Ritōl Riutiej ro an Kabun̄ in. Ilo m̧wen̄an eo an Jādede ālkin raelep, bōk kuņaan ilo rejtake er ilo kūr ko aer.

    eEm̧m̧aan eo ilo Im̧ōn Kweilo̧k eo ej kajutak anbwijmaron̄ in pein n̄an bout in rejtak

  3. “Kōn kajoor eo an Jetōb Kwōjarjar kom̧ maron̄ jeļā m̧ool eo kōn men ko otemjej” (Moronai 10:5). Ilo am̧ ron̄jake enaan ko jen ritōl ro an Kabun̄ in, lukkun ron̄jake Jetōb eo an kam̧ool bwe naan ko aer rej m̧ool.

  4. Juon iaan eddo ko reļļap an rikanaan eo ej kwaļok an kam̧ool kōn Jisōs Kraist im katakin kōj n̄an “reilo̧k n̄an Anij kōn tamak” (lale Hilamōn 8:13–16). Komaron̄ kōņaan je ta eo rikanaan eo im rikonono ro jet rej katakin kōn Rilomo̧r eo.

  5. “Kōn [Būreejtōn Russell M. Nelson], jekar bōk elōn̄ kūr ko im kar kallim̧uri kōj kōn kōjeraam̧m̧an ko raiboojoj eļan̄n̄e jenaaj pedpede mour ko ad ioon ad Rilo̧m̧o̧o̧r, Jisōs Kraist. Ļōmņak n̄an kōm̧m̧ane juon laajrak in kōjeraam̧m̧an ko im kakkōl ko im rej tilmaaki jen rikanaan eo im rikonono ro jet ilo iien juon kwelo̧k. Lale laajrak eo n̄an jipan̄ eok niknik ilo am̧ erom̧ einwōt Kraist.

  6. Kemejmej kūr eo an Būreejtōn Nelson: “Ij rōjan̄ kom̧ n̄an ekkatak jān ekōnono kein an kweilo̧k in ilo emakijkij—aaet bar āliji—ilowaan jiljiino allōn̄ kein rej pedtok.” Ilo am̧ ron̄jake im riiti enaan kein bar juon juon allen, lale jet iaan men ko im rej lukkun alikkar im kareel eok.

  7. Būreejtōn Nelson ej kūr kōj n̄an “kappukot im kōtmāne kabwilōn̄lōn̄ ko.” Ilo am̧ pokake kapilōk ko an rikanaan eo im kōm̧m̧an oktak ilo mour eo am̧, lale kōjeram̧m̧an ko koj bōki im menin kabwilōn̄lōn̄ ko koj loi (lale Hilamōn 16:4–5).

Ilo am̧ ļoor bun̄tōn kein n̄an kōļapļo̧k naan in kam̧ool eo am̧ kōn juon rikanaan, rilolo, im ribōk revelesōn, pedpede tōmak eo am̧ ilo Jisōs Kraist im Jemād Ilan̄ eo ej iakwe. Anij ear kwaļok an iakwe ilo an letok rikanaan ro n̄an tōl kōj bwe jen jepļaakļo̧k Ippen—ro im rej jerbal einwōt rikonono An n̄an boktok An kilaan n̄an laļin. (Lale Katak im Bujen Ko 1:38; 21:5–6.) N̄e jej kāālet n̄an ļoore kapilōk ko an rikaļoor ro An, jej kāālet n̄an ļoor E.