“Bukenka Buetu mu Tshipela,” Liahona, Ngondu wa Kumpala 2024.
Mukenji wa ku Ngondu wa Liahona, Ngondu wa Kumpala 2024
Bukenka Buetu mu Tshipela
Aba badi babala Mukanda wa Molomo mu bulelela, balonda malongesha awu, ne basambila bua bulelela buawu nebumvua Nyuma wa Tshijila ne kudiundisha ditabuija, ne bujadiki bua Mupandishi.
Tshimfuanyi tshia muanabu ne Yalede ne mabua akenka kudi Normandy Poulter
Nansha pamvua nsongaluma, mvua ne bujadiki bua Mukanda wa Molomo. Mvua mudiumvua sungasunga mukokibua kudi muyuki wa muanabu ne Yalede ne bantu benda mu luendu luabu ku “buloba bua mulayi” (Ether 2:9).
Kumpala kua kuenza luendu mu bibeya, kabiyi bikenkesha, muanabu ne Yalede wakakonka ne “Mona, Ô Mukalenga, neulekela ne tusambuka mâyi manena â mu mîdima anyi?” Mu kuandamuna, Mukalenga wakamba ne “Ntshinyi tshiwudi musua ne ngenza bua nupeta bukenka mu mâtu enu?” (Etele 2:22, 23).
Muanabu ne Yalede uvua mamanya ne Mukalenga uvua ne bukola bonsu. Uvua mumanya ne Mukalenga uvua mushimi wa bukenka bonsu. Uvua mumanya ne Mukalenga uvua mufila mukenji bua kumubikila diba dia dijinga. Nanku, didikija ditabuija mu Mukalenga, muanabu ne Yalede wakalongolola mabua a makesa 16. Vulukayi ne pashisha wakalomba Mukalenga bua alenga mabua ne munu wenda, “bua ankenka mu mîdima” (Etele 3:4).
Tshimfuanyi tshia Mukalenga ulenga mabua â ntshishala tshikanunyibua mu meji anyi katshia ngabala bua musangu wa kumpala muyuki ewu. Ndi mua kumona bualu ebubu buvua buenzeka ku mesu kuanyi. Mpukampuka bualu tshimfuanyi tshia mîdima tshidi mu diumbuka ku bukenka, tshidi bushuwa kundi.
Pandi ntshiyi ngumvua Nyuma wa Tshijila, pandi ntshiyi mu diumvuangana ne Nyuma wa Mukalenga, ndi ngumvua mîdima. Kadi pandi mbala Mukanda wa Molomo, bukenka budi bupingana. Mukanda wa Molomo uvua muikala buanyi mema bu dibua dikenka divua dilengibua kudi Mukalenga. Tshidi tshikenkesha luendu luanyi mu moyo.
Bukenka bua Kashidi
Bumudi aba bavua batuala ku tshianza tshia Mukalenga mu Amelika wa kala, tudi tuluangana bonsu ne makenga ne ntatu mu luendu luetu ku bulaba bulaya bua dizanjikibua. Kadi Mukalenga neatuenzela tshivuaye muenza bua Bena Yalede ne Bena Nefite. Neatulombola ne neakenkesha njila wetu—patudi tumutumikila, tuteka ditabuija mu yeya, ne tulomba diambuluisha dienda.
Mukalenga wakambila Nefi ne, “nengikala kabidi bukenka buenu mu tshipela; ne nendongolola njila kumpala kuenu, bikalabi ne nenulama mikenji yanyi; bua nanku, monsu munualama mikenji yanyi nenulombodibua ku bulaba bulaya; ne nenumanya ne nudi nulombodibua kundi” (1 Nefi 17:13).
Mukalenga wakambila Yakoba, muanabu ne Nefi ne, “nengikala bukenka kudibu bua kashidi, bua badi bateleja mêyi anyi” (2 Nefi 10:14).
Muambi Abinadi wakajadika bua Mukalenga ne, “Yeya udi bukenka ne moyo wa ba pa buloba; eyowa, bukenka budi kabuyi ndekelu, budi kabuyi mua kufîkuluka nansha” (Mosiya 16:9).
Mukalenga wakajadika buenda nkayenda ne “ndi bukenka ne moyo wa ba pa buloba.” Wakakumbaja ne, “Monayi ndi bukenka; nganuleji tshilejilu” (3 Nefi 9:18; 18:16).
Diumvua Bukenka
Ndi munanga muambi wetu, Mulombodi Mukulu Russell M. Nelson. Ndi ne dibenesha dia kusadila ku luseka luenda. Padiyi ubuela mu tshibambalu, tshibambalu atshi tshidi tshipeta dikenka diabungi. Udi wenda ne Bukenka bua Kilisto.
Bukenka bua Kilisto budi bulelela. Tshidi “makanda, bukola anyi buenzeji bua bunzambi budi bufuma kudi Nzambi kupitshila ku Kilisto ne bufila moyo ne bukenka bua bintu bionsu.” Tshidi dipa dia mushinga didi mua kulombola bana ba Nzambi ku Nyuma wa Tshijila ne ku lumu luimpa lua Yezu Kilisto.1 Dibala dia Mukanda wa Molomo didi dikankamika bukenka abu.
Misangu mikuabu tudi tujinga bua kutangununa mu nsombelu yetu bua kuvuluka mushindu utuvua bambuluishibua mu luendu luetu. Bu mutudi tumonanuna, tudi mua kumvua kabidi buenzeji bua Mupandishi. Padi mifundu yamba ne, “Vulukayi, vulukayi” (Helamana 5:12), ndi ngela meji ne idi ituambila, “Kanuvuluki amu binuvua bamanya kala; nansha binuvua numvua kabidi.”
Bua bamua, diumvua dia bukenka bua nyuma didi bualu buteketa. Bua bakuabu, bua kumvua bukenka bua nyuma tshidi bualu bukola bua makenga anyi ditanaji bia pa buloba. Kadi tuetu bikala ne lulamatu, bukenka nebulua—pa diba mu mushindu utudi katuyi bindila.
Mulombodi Mukulu Nelson, udi mutubela bua “kulonga Mukanda wa Molomo mu kusambila matuka onsu,”2 mumvuija mishindu yabungi idi Mukanda wa Molomo ututuala pabuipi ne Mupandishi ne utuambuluisha bua kumvua bukenka bua lumu luimpa, bua lumvu lua malelela a lumu luimpa, ne kuteka mu tshienzedi malongesha a lumu luimpa.
Mulombodi Mukulu Nelson udi wamba ne, patudi tubala Mukanda wa Molomo, diumvua, ne disulakaja bietu bua, Bupikudi bua Yezu Kilisto nebidiunda.
Netumvua dijinga dia kuikala “baledibua kabidi” (Mosiya 27:25) mudi mukanda utuambuluisha bua dimanya dia dishintuluka dia mutshima (tangila Mosiya 5:2).
Bu mutudi tubala ne tulonga malongesha a Mukanda wa Molomo pa disangisha dia Isalele, netumvua ndiundishilu wa dijinga bua dikeba dia bafua betu ne dikumbaja dia milulu ya lupandu ne ya dizanjikibua buabu mu ntempelo.
Netumvua bukenka patudi tupeta mandamuna ku nkonku yetu, buludiki bua kuenza mapangadika, ne dikankamana bua kukudimuna mutshima ne kukandamena mibi
Ne patudi tubala malelela masangana mu Mukanda wa Molomo, tudi tumvua londopu, busambi, dipinguluja, diambuluisha, dikankamika, dikumbula, ne disanka dia anyima wetu.3
“Ô nanku, kabiena bilelela anyi?” Alama udi ukonka pa luteta lua bulelela ludi ludiunda, lutoloka l, dimanya, ne bujadika. “Ndi nnuambila ne, Eyowa, bualu didi muinda; ne tshionsu tshidi muinda, tshidi tshimpa, bualu tshidi tshijunguludibua, bua nanku nudi ne tshia kumanya ne tshidi tshimpa” (Alama 32:35).
Christ’s Image [Tshimfuanyi tshia Kilisto], kudi Heinrich Hofmann
Peta Mupandishi mu Midima
Pavua mulunda wanyi Kamryn ne bidimu 10, wakapeta disama dia lumonu dia mpukampuka kadi dia kashidi diakalenga ditumba dia disu dienda dia baluma.4 Ku misangu, pavua bisama bidisangisha ne mikenyi, Kamryn kavua mua kumona bukenka nansha bumua to. Baledi benda bavua belangana meji ne uvua mua kushala mufofo, bavua bakanga madidishi a tshibambalu tshia tshiladidi tshienda bua kumvuaye bimpa. Mamuenda wa Kamryn, Janna, udi uvuluka:
“Ngondu mitua ku inayi kunyima kua dijandula dia disama dienda, ngakabuela mu tshibambalu tshienda tshia mîdima. Padi mesu anyi amutuishila, ngakamona Kamryn mudikonya mu bulalu buenda bu muana. Uvua ukenga bikola ne kayi mua kunyungana anyi kudila pavuaye mungumvua mbuela. Uvua mushala apu ne mesu enda onsu muula makanga.
“Ngakatua binu ku bulalu buenda, kukuata tshianza tshienda mu tshianyi, ne ngakamubonda misangu isatu—ka tshiambilu ketu ka musokoku ka ne ‘ndi mukunanga.’ Pa tshibidilu uvua ubonda misangu inayi bua kuamba ne ‘ndi mukungana bikola,’ kadi kavua muandamuna to. Uvua mu bisama bikola. Ne binsonji bivua mbimpueka pa matama anyi, ngakatangila muananyi wa bidimu 10 uvua mukolakana unyongama. Moyo wanyi wakatshiubuluka.”
Janna wakamba disambila mu moyo mupuwa.
“Ngakambila Tatu wa mu Diulu ne ndi mumanya ne uvua mumanya tshivua tshimpa, kadi ngakasambila, ‘Suaku umuambuluisha.’ Panguvua musombaku mu disambila, divuala dia luya diakambuikila. Ngakumvua ditalala pavua meji mamvuila mu lungenyi pa Mupandishi Yezu Kilisto: ‘Udi bukenka. Mupeta Yeya mu mîdima.’”
Janna wakashikula mutu wenda ne unungana mu ditshio dia Kamryn: “Udi ne bua kupeta Mupandishi mu mîdima.”
Pashisha, Kamryn wakalala mu diteleja misambu ne mifundu pa application wa tshisangi tshia Ekelezia.
Padi disama dia disu dienda dibanga, Kamryn udi upeta Mupandishi mu mîdima.
Foto mufila kudi dîku dia Kamryn
Disama dia Kamryn diuvua dishala mutantshi mula kadiyi dijuka, kadi padiyi usama mpuishi, Janna ne bayenda, bavua bamukankamika ne babuikila mbulanketa ku madidishi a tshibambalu tshia tshiladidi tshienda. Mu tshikondu tshia makenga aa, Kamryn wakamba ne “ngapetshi Mupandishi mu mîdima.”5.
Padi moyo umueneka bu “tshipela tshia mîdima ne bufîka” (1 Nefi 8:4), Tudi ne dijinga dia kupeta petu Mupandishi mu mîdima. Ndi njadika ne Mukanda wa Molomo, ne bujadiki buenda “bua Yezu udi Kilisto, Nzambi wa Tshiendelela,”6 neutulombola kudiye. Ndi mumanya ne aba badi babala Mukanda wa Molomo mu bulelela, balonda malongesha awu, ne basambila bua bulelela buawu nebumvua Nyuma wa Tshijila ne kudiundisha ditabuija, ne bujadiki bua Mupandishi.
Tudi mua kuleja dinanga bua mukanda ewu “muakana kupita”7 kudiubala, kubutshilamu, ne kuwenzela bua dikankamana dia ditabuija dietu ne dia bakuabu mu bukenka bua ba pa buloba.
© 2024 kudi Intellectual Reserve, Inc. All rights reserved. Bipatula mu USA. Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, January 2024. Language. 19273 760