“Disanka dia Kashidi didi Difuma ku Diteka dia Lumu Luimpa mu Tshienzedi,” Liahona, Ngondu Muibidi 2024.
Mukenji wa ku Ngondu wa Liahona, Ngondu Muibidi 2024
Disanka dia Kashidi didi Difuma ku Diteka dia Lumu Luimpa mu Tshienzedi
Dinanukila mu disanka didi difuma ku dinanukila mu lumu luimpa lua Yezu Kilisto ne mu kuambuluisha bakuabu bua benza bia momumua.
The Garden of Eden (Budimi bua Edene), kudi Grant Rommey Clawson; Leaving the Garden of Eden (Diumuka mu Budimi bua Edene), kudi Joseph Brickey.
Muaku wa tshikosu wa tshiena bualu tshia mioyo yetu udi mua kupeteka mu malongesha a buambi a Lehi pa bidi bitangila ntuandijilu wa moyo wa bantu pa buloba. Mu Budimi bua Edene, Adama ne Eva bakasomba mu ngikadilu wa kabayi bamanya bualu to. Bu bobu bashala mu mushindu ewu, kabavua mua “[kupeta] disanka, bualu kabavua bamanya dikenga, kabavua mua kuenza buimpa, bualu kabavua bamanya bubi” (2 Nefi 2:23). Nanku, bu mudi Lehi unvuija, “Adama wakapona bua ne bantu bikalaku; ne bantu badiku, bua ne bikala ne disanka.” (2 Nefi 2:25; tangila kabidi Mose 5:10–11).
Bu mutudi tukola mu buloba buponibua, tudi tulonga dishilangana pankatshi pa buimpa ne bubi kupitshila ku biobi ke kutudi tulongeshibua ne kupitshila ku biobi ke kutudi tuibidila. Tudi “tulabula bubi, buane [tumuna] mua kumanya mushinga wa buimpa” (Mose 6:55). Disanka didi dilua patudi tulekela bubi ne tunanga biabunyi ne tukuata bikola ku buimpa.
Kupeta Disanka
Kupitshila ku dinanga dikezuka dienda kutudi, Tatu wetu wa mu Diûlu udi musua kutupa dinanga dikezuka, bionsu bua mpindiewu ne bua tshiendelela. Atshi tshidi tshikala nsakilu Wenda kubangila ku ntuadijilu, biangata dilongolola dia butumbi dia lupandu Dienda ne mulambu wa Muanenda Umuepela bua kutusungila.
Nzambi kena uteta bua kutupesha disanka anyi diakalengela ku makanda to, kadi udi utulongesha mushindu wa kudipeta. Udi kabidi utuambila muaba udi disanka mua kupetshibua—“Bubi [kabuena] kabutu buanji kuikala disanka nansha” (Alama 41:10). Tatu wetu wa mu Diulu udi utubuluila njila wa disanka kupitshila ku mikenji Yenda.
Mulombodi mukulu Russell M. Nelson wakatshiamba mu mushindu ewu:
“Etshi tshidi bulelela bunena: padi ba pa buloba bashindamena pa ne bukokeshi, bintu bikala nabi, tshimanyanga tshia bantu banbungi, ne masanka a mubidi bidi bituala disanka, kabiena bidituala to! Kabiena mua kudituala! Tshidibi bifila tshidi anu tshintu tshikesa ku ‘ngikadilu mubeneshibua ne wa disanka wa aba [badi] balama mikenji ya Nzambi’ [Mosiya 2:41].
“Bulelela budi ne bidi menamena dipungi dia bungi bua kukeba disanka muaba uwudi kuyi mua kudipeta! Kadi, panudi nulamata Yezu Kilisto ne nuenza mudimu wa mu nyuma udi ulombibua bua kutshimuna malu a pa buloba, anu yeya nkayenda ki udi ne bukola bua kukuambuluisha bua kutshimuna mateta a pa buloba”1
Nanku, disanka dia ndekelu didi dipetshibua mu kulama mikenji ya Nzambi, ne mikenji ya Nzambi idi ipetshibua mu lumu luimpa lua Yezu Kilisto. Kadi bidi bikala disungula dietu. Patudi mu mateketa etu tupangila tshikondu kapanda bua kulama mikenji, tudi kabidi mua kushintuluka, kulekela bubi, ne tshia kabidi kulonda buimpa. Dinanga dia Nzambi kadiena diumbusha bubi to—abi ne bikala bu diba dia buakana bua lusa—kadi ku Bupikudi Buenda, Yezu Kilisto udi ufila disungila ku bubi:
“Amuleka … wakamba … ne bushuwa Mukalenga nealua bua kusungila bantu Benda, kadi kakulua bua ku basungila mu mibi yabu, kadi kubasungila ku mibi yabu.
“Ne tatu udi mumupesha bukola bua kubasungila ku mibi yabu bua bualu bua dikudimuna mutshima; bua nanku uvua mutuma banjelu benda bua kumanyisha lumu lua mabangu a dikudimuna dia mutshima, didi dituala ku bukola bua musungidi, bua lupandu lua anyima yabu” (Helamana 5:10–11; nshindamenu mukambaja).
Yezu wakamba:
“Binuatumikila mikenji yanyi, nenushala mu dinanga dianyi, bu munankutumukila mikenji ya Tatu wanyi, ne mundi nshala mu dinanga dienda.
“Nankunuambila malu aa, bua disanka dianyi kuikaladi munda muenu, ne disanka dienu kukumbanadi” (Yone 15:10–11).
Lehi wakunvua biende tshiotshi etshi mu tshilota pakalabulaye tshimuma tshia mutshi wa moyo—udi uleja dinanga dia Nzambi. Wakamba, “Bu mumvua ndia tshimuma tshiawu tshiakuwuja anyima wanyi ne disanka dinena menamena” (1 Nefi 8:12; tangila kabidi 11:21–23).
Lehi wa kubuluila kabidi mushindu muibidi utudi mua kutuala disanka mu mioyo yetu pakambaye, “Bua nanku, ngakabanga kujinga ne diku dianyi ditshidia padi ” (1 Nefi 8:12).
Tree of Life [Mutshi wa Moyo], kudi Kazuto Uota
Diambuluisha Bakuabu bua Kupeta Disanka
Bu bantu ba Mfumu Benyamina, tudi “buwujibua ne disanka” patudi tupeta dilekeledibua dia mibi yetu ne patudi tupeta “ditalala mu menji” (Mosiya 4:3 Tudi tudiumvua kabidi patudi tutangila pambelu ne tukeba bua kuambuluisha bidimba bia diku ne bakuabu bua bapeta disanka ne ditalala bia momumua.
Pavuaye nsongaluma, Alama wakakeba disanka mu bionsu bivua bishilangana ne lumu luimpa lua Yezu Kilisto. Kunyima kua mubedibua kudi muanjelu, wakenda njila mula kumbuka ku “bubi” too ne ku “buimpa” kupitshila ku dikudimuna dia mutshima “pabuipi ne lufu” (Mosiya 27:28) ne ngasa muvula wa Mupandishi. Bidimu bipita, Alama wakajadika ne disanka kudi muanenda Helamana:
“ Ne O, disanka kayi, ne bukenka bua dikema kayi bungakumona; eyowa, anyima wanyi uvua muwula ne disanka dipita dikenga dianyi! …
“Eyowa, ne katshia ku diba adi to ne mpindiewu, ndi muenza mudimu kakuyi dilekela to, bua nduisha anyima ku dikudimuna dia mutshima; bua mbaluisha ku dilabula dia disanka dipita dingakulabula. …
“Eyowa, ne mpindiewu mona, O muananyi wa baluma, Mukalenga udi umpesha disanka dinena menamena bu difutu dia midimu yanyi;
“Bualu bua diyi [lumu luimpa lua Yezu Kilistot] divuaye mumpesha, mona, babungi bavua baledibua kudi Nzambi, bavua balabula bu mumvua mulabula” (Alama 36:20, 24–26).
Mu tshikondu tshikuabu, Alama wakajidika:
“Etshi ki butumbi buanyi, ne pamuapa bua ngikala tshiamu tshia mudimu mu bianza bia nzambi bua kuluisha imua anyima ku dikudimuna dia mutshima, ne edi ki disanka dianyi.
“Ne monayi, pandi mmona bana betu ba bungi bakudimuna mutshima bulelela, ne balua kudi Mukalenga Nzambi wabu, apu anyima wanyi udi muwula tenta ne disanka” (Alama 29:9–10).
Alama wakatungunuka ne kukobola disanka dipita bunena diakumvuaye padi bakuabu bakumbaja dituala anyima kudi Kilisto:
“Kadi tshiena nsaka amu bua tshipeta tshianyi tshimpa to, kadi disanka dianyi didi diuwula tenta kupita bua tshipeta tshimpa tshia bana betu [bana ba Mosiya], bavua babanda ku buloba bua Nefi.
“Monayi, bavua bakuata mudimu menamena, ne bavua bakuama bimuma bia bungi; ne bu muikaladi dinena difutu diabu!
“Mpindiewu pandi ngela menji a tshipeta tshimpa tshia bana betu aba nyuma wanyi udi uya kula, mena to ne ku ditapulukangana dienda dia mubidi, ne bu muvuabi nanku, disanka dianyi dipita bunena” (Alama 29:14–16).
Tudi mua kupeta disanka dia momumua patudi tunanga bakuabu ne “dinanga dikezuka dia Kilisto” (Moloni 7:47; tangila kabidi mvese wa 48), tangalaja bulelela bupinguluja nabu, ne babikila bua kusangila ne bantu ba ndondu.
O My Father (O, Tatu Wanyi),O Tatu Wanyi) kudi Simon Dewey
Disanka Munkatshi mua Ntatu
Katuikadi ne bowa bua ne ntatu ne mateta bitudi tuluangana nabi kabiyi bipanga mu tshifuaka bidi bitupumbisha anyi binyangakaja disanka dietu. Alama uvua umua uvua diambuluisha dia bakuabu divua kadiyi difutu dimulomba biabungi. Wakakenga mu buloko, bikondu bila bia nzala ne nyota, mikumu, pabuipi ne dijimija moyo wenda, ne difuishibua bundu ne dipatshibua misangu mivula. Kadi nansha naku, bionsu ebi bivua “bidinyibua kudi disanka dia Kilisto” (Alama 31:38). Pamuapa dikenga dia Alama diakenza disanka dia kalonda dinena.
Mulombodi Mukulu Nelson udi utuvuluija ne disanka dia kukuata mudimu mu dikenga dia Mupandishi—“bua disanka diakatekibua kumpala kuandi [Wa] kankamana pakanyende ku mutshi mutshiamakana” (Ebelu 12:2).
Elayi meji bua bualu ebu! Bua Yeye kukenga ne lutatu lupita lutu muntu kayi muanji kutata pa buloba, mupandishi wetu wakajalamina pa disanka!
“Ne disanka kayi divua ditekibua kumpala Kuenda? Bushuwa divua disanka dia kutokesha, kondupa, ne kutukankamika; disanka dia kufuta bua mibi ya bonsu bakudimuna mitshima; disanka dia dienza bipepela bua wewa ne mema bua kupingana kunzubu—batokeshibua ne bakumbana—bua kusomba ne Baledi Betu ba mu Diulu ne meku etu.
“Patudi tujalama pa disanka dialua kutudi, anyi kudi batudi bananga tshinganyi tshitudi mua kunanukila natshi tshidi tshimueneka tshipita kuikala bukola, ne busami buvula, tshienza bowa, katshiyi tshikumbana, anyi tshidi katshiyi mua kuenzeka bipepela?”2
Dinanukila mu disanka didi difuma ku dinanukila mu lumu luimpa lua Yezu Kilisto ne mu kuambuluisha bakuabu bua benza bia momumua. Disanka dia ndekelu didi dilua patudi tushala mu dinanga dia Nzambi, mu kutumikila mikenji Yenda ne mu kupeta ngasa wa Mupandishi. Mu njila wa lumu luimpa, mudi disanka mu luendu momumua kabidi ne kundekelu. Lumu luimpa lua Yezu Kilisto ludi njila wa disanka dia dituku.
© 2024 kudi Intellectual Reserve, Inc. All rights reserved. Bipatula mu USA Dianyisha mu Angele: 6/19. Dianyisha dia dikudimuna: 6/19. Dikudimuna dia Monthly Liahona Message, February 2024. Language. 19276 760