“Nte Ami Mmoduŋ ‘Ke Inemesit’?,” Enɔde ke Nsɔŋɔnda eke Iwaad Ɔyɔhɔ Ɔfiɔŋ Iba 2024
Ɔfiɔŋ-ke-ɔfiɔŋ Etop emi Enɔde ke Nsɔŋɔnda eke Iwaad , Ɔyɔhɔ Ɔfiɔŋ Iba 2024
Nte Ami Mmoduŋ “Ke Inemesit”?
Se mme usuk ekikere mi ɔnɔ mbufo man edu-uwem ke usuŋ nte Nephi eketiŋde abaŋa nte ikɔt esie ekedude.
Men-ŋwut otode Alyssa Gonzalez
Ikibihike ke ekebahare ekpɔŋ mbon Lamanite, Nephi ete ke ikɔt esie “ekeduŋ ke inemesit.” (2 Nephi 5:27). Kere ete ke eboho mbon efen ema edu emi ekeyomde ediwot mmɔ (se 2 Nephi 5:1--6, 14), emi ekemede edikpa-owo-idem. Didie ke owo ekededi ekeme edinem esit ke idak mme oruk ndaha oro?
Ke akpa ifet, kut ete nnyin ikoduŋ ke inemesit” iwɔ rɔke ke “ofuri mbon Nephite ema enem esit ke kpukpru ini.” Edi ɔwɔrɔ ke mmɔ ekeduŋ ke oruk usuŋ, ndien enam mme oruk ŋkpɔ, ofuri-ofuri emi adade ekesim inemesit. Ofuri-ofuri, kesioho mme afanikɔŋ mmɔ, oro ekedi ini inemeist.
Ntre, nso idi “ido inemesit”? Didie ke nnyin ikeme edi-nam oro nsin ke uwem nnyin, emi enyenede mme afanikɔŋ nko? Yak nnyin ise oro!
-
Kop item. “Nnyin idomo ndinim … mme mbet Jehovah” (2 Nephi 5:10).
Ndi-nam ikɔ Abasi edi Akpa Ŋkpɔ emi edinamde. Afo emekeme edinyene esisit inemesit ke idiɔkŋkpɔ, edi inemesit oro idibighike. Edikokoi miom-uyo Abasi idige “ido inemesit” (se Alma 41:10).
-
Duŋɔ mme ŋwed Abasi. “Ami, Nephi, mma mmen mme ŋwed emi ekemiŋde ke mme usan brass” (2 Nephi 5:12). “Nnyin … ima iduŋɔ mmɔ inyuŋ ikut ite ke mmɔ efɔn; iŋ, kpa eke akamba udori enɔ nnyin” (1 Nephi 5:21) .
Mbon Nephi ema enyene ŋwed Abasi. Ndien mmɔ iki nyeneke mme ŋwed oro kpɔt—mmɔ ema eduŋɔre mme ŋwed Abasi oro.
-
Ekpaŋ-utɔŋ enɔ mme nti adausuŋ. “Ami, Nephi, mma nsio Jacob ye Joseph nnim, man mmɔ edi mme oku ye mme andikpep ke otu … ikɔt mi” (2 Nephi 5:26).
Mme andikpep emi ekekama ŋwed Abasi nte ndausuŋ mmɔ (se 2 Nephi 4:15; 6:4).
-
Ka koduk temple (ye mme ndisana ebiet efen). “Ami, Nephi, mma mbɔp temple” (2 Nephi 5:16).
Edi akpan-ŋkpɔ edinyene ndisana ebiet nte mme ufɔk-mbono ye mme temple nnɔ mbon owo ediboho nyuŋ mkpono Abasi. (Nnyin imikere ke mbon Nephite iki nyeneke temple kpɔt—mmɔ ema enehede eda temple oro enam ŋkpɔ.) Edieke afo mukemeke edika temple ke idem fo, afo emekeme edi-nam utom family history ke ofuri ini.
-
Enam-ŋkpɔ emi enyenede ufɔn. Ami mma mkpep ikɔt mi nte ebɔpde mme ufɔk, ye nte enmade utom. … [Ami] mma nnam ikɔt mi esin ifik enam utom, enyuŋ enam utom ye ubɔk mmɔ” (2 Nephi 5:15, 17).
Ubak- ŋkpɔ eke “ido inemesit” edi edinyene ŋkpɔ emi anamde! Iso-utom, utom, ubiɔŋ-utom ŋkpɔ kiet emi ɔnɔde fi ntiŋ-enyin ye uduak (diana edikem ini man ɔduɔk-odudu, nte ededi). Ɔsɔŋ edidu ke inemesit edieke afo munyeneke ŋkpɔ se anamde ke ofuri ini.
Nte afo emekeme editiŋ ete ke afo oduŋ ke ido inemesit idahaemi? Edieke afo muduhe, uwutŋkpɔ Nephi ekeme edinɔ fi ubak ifiɔk ke nte akpanamde ɔfɔn.
©2024 eketode Intellectual Reserve, Inc. Ekpan kpukpru unen ndimiŋ nwed emi. Ekemiŋ ke USA. Enyime edikabare ke Ikɔ Mbakara: 6/19. Enyime ndikabare: 6/19. Edikabare Ɔfiɔŋ-ke-ɔfiɔŋ Etop Enɔde ke Nsɔŋɔnda eke Iwaad, Ɔyɔhɔ Ɔfiɔŋ Iba 2024. Language. 19276 553