Ọ̀rọ̀ Oṣooṣù Fún Okun àwọn Ọ̀dọ́, Oṣù Kẹsan 2024

Ẹ̀ Nbẹ̀rù Ìrònúpìwàdà bí?

Jessica Zoey Strong

Àwọn Ìwé Ìròhìn Ìjọ

Gẹ́gẹ́bí Ààrẹ Russell M. Nelson ti sọ, nihin ni ìdí tí ẹ kò níláti jẹ́ bẹ́ẹ̀.

Kíni ohun tí ẹ̀ nbẹ̀rù fún? Onírurú ìgbòkègbodò? Kílásì Ìṣiró? Gbígbìyànjú láti ní òye Ìsàíàh?

Báwo ni ti ìrònúpìwàdà? Bí èrò ríronúpìwàdà bá mu yín fẹ́ láti sápamọ́ sí abẹ́ àwọn ìbora yín tàbí ẹ̀ njẹ ṣokoléètì púpọ̀ jù, àtẹ̀kọ yí wà fún yín.

“Ẹ jọ̀wọ́ ẹ máṣe bẹ̀rù tàbí sún ìrònúpìwàdà síwájú,” ni Ààrẹ Russell M. Nelson wí. Àti pẹ̀lú èrèdí rere. Nihin ni àwọn ohun díẹ̀ tí ìrònúpìwàdà jẹ́ àti tí kò jẹ́, gẹ́gẹ́bí Ààrẹ Nelson ti sọ.

Àwọn ìjúwe láti ọwọ́ Corey Egbert

Ìrònúpìwàdà jẹ́: Fún gbogbo ènìyàn.

Ìrònúpìwàdà KÌÍ ṣe: Fún àwọn ènìyàn “búburú” nìkan.

“‘Njẹ́ gbogbo ènìyàn nílò láti ronúpìwàdà?’ Ìdáhùn náà ni bẹ́ẹ̀ni.”

“Ìrònúpìwàdà ni a nílò láti ọ̀dọ̀ gbogbo ẹni tí ó njíyìn tí ó si nfẹ́ ògo ayérayé. Àwọn ayọkúrò kankan kò sí. … Ríronúpìwàdà ni kọ́kọ́rọ́ sí ìlọsíwájú.”

Ìrònúpìwàdà ni: Ọ̀nà kan láti dárasíi lójojúmọ́.

Ìrònúpìwàdà KÌÍ ṣe: ìṣẹ̀lẹ̀ tó ṣọ̀wọ̀n fún àwọn ẹ̀ṣẹ̀ “títóbi” nìkan.

“Ẹ ní ìrírí agbára ìfúnnilókun ti ìrònúpìwàdà ojojúmọ́—ti ṣíṣe àti jíjẹ́ dídára síi díẹ̀díẹ̀ lọ́jọ́ kọ̀ọ̀kan.

“Nígbàtí a bá yàn láti ronúpìwàdà, a yàn láti yípadà! A nfàyè gba Olùgbàlà láti yí wa padà sínú ẹ̀yà dídárajùlọ ti ara wa. …

“… Olúwa kò retí pípé láti ọ̀dọ̀ wa ní ìkóríta yi nínú ìtẹ̀síwájú ayérayé wa. Ṣùgbọ́n Ó nretí kí a di mímọ́ síi lọ́pọ̀lọpọ̀.”

Ìrònúpìwàdà ni: Ọ̀nà kan láti ní ìmọ̀lára àláfíà àti ayọ̀.

Ìrònúpìwàdà KÒ sí: Níbẹ̀ láti mú wa ní ìmọ̀lára ìtìjú àti ẹ̀rù.

“Ìrònúpìwàdà … ni kọ́kọ́rọ́ sí ìdùnnú àti àláfíà ọkàn. …

“Nígbàtí a bá yàn láti ronúpìwàdà, … a yàn láti dàgbà ní ti ẹ̀mí àti láti gba ayọ̀—ayọ̀ ìràpadà nínú [Jésù Krístì].” (Bákannáà wo Álmà 36:17–23.)

Ìrònúpìwàdà jẹ́: Ìbùkún kan láti ọ̀dọ̀ Baba Ọ̀run àti Olùgbàlà, tí wọ́n nífẹ wa.

Ìrònúpìwàdà KÌÍ ṣe: Ìjìyà kan.

“Àwọn ènìyàn púpọ̀jù gbèrò ìrònúpìwàdà bí ìjìyà—ohun kan tí a níláti yẹra fún àyàfi nínú àwọn ipò líle jùlọ. Ṣùgbọ́n ìmọ̀lára ti gbígba ìbáwí yí ni ó njẹ́ mímúwá lati ọwọ́ Sátánì. Ó ngbìyànjú láti dènà wa kúrò ní wíwo Jésù Krístì, ẹnití ó dúró pẹ̀lú ọwọ́ ṣíṣí sílẹ̀, ní rírètí àti ṣíṣetán láti wòsàn, dáríjì, wẹ̀mọ́, fún-lókún, sọdi-ọ̀tun, àti láti yà wá símímọ́.”

Ẹ̀yin jẹ: Nínilò nínu Ìjọ Olúwa.

Ẹ KÒ tíì: Lọ jìnnà jù láti ronúpìwàdà.

“Bí ẹ bá nímọ̀lára pé ẹ ti ṣìnà kúrò ní ipá ọ̀nà májẹ̀mú jìnnà jù tàbí gùn jù, ẹ jẹ́ kí nfi dáa yín lójú pé ìyẹn kìí ṣe òtítọ́. Nípasẹ̀ Ètùtù Jésù Krístì, ọjọ́-ọ̀la yín lè di dídán—àní lílóye. Ẹ sọ̀rọ̀ pẹ̀lú àwọn òbí yín àti bíṣọ́ọ̀pù tàbí ààrẹ ẹ̀ka yín. … Ẹ jọ̀wọ́, ẹ padà wá sínú ayọ̀ àti ààbò ti ipa-ọ̀nà májẹ̀mú. A nílò yín pẹ̀lú wa.”

Ẹ tẹ́wọ́gba Ẹ̀bùn Pípé Ọlọ́run

Nítorínáà, njẹ́ ẹ ṣetán láti gbẹ́kẹ̀lé Olùgbàlà láti borí ẹ̀rù ìrònúpìwàdà yín? Ẹ kò ní kabamọ rẹ̀.

Ààrẹ Nelson wípé: “Nítorípé ayé nílò gbígbàlà, àti nítorípé ẹ̀yin àti èmi nílò gbígbàlà, [Baba Ọ̀run] rán Olùgbàlà kan sí wá.

“… Ẹ jẹ́ kí a tẹ́wọ́gba ẹ̀bùn pípé àti iyebíye ti Ọlọ́run. Ẹ jẹ́ kí a gbé àwọn àjàgà àti àwọn ẹ̀ṣẹ̀ wa sí ibi ẹsẹ̀ Olùgbàlà kí a sì ní ìrírí ayọ̀ tí ó nwá láti inú ìrònúpìwàdà àti ìyípadà.”

© 2024 nípasẹ̀ Intellectual Reserve, Inc. Gbogbo àwọn ẹ̀tọ́ ní a pamọ́. A tẹ̀ẹ́ ní USA. Àṣẹ Èdè Gẹẹsì: 6/19. Àṣẹ Ìyírọ̀padà: 6/19. Ìyírọ̀padà ti Ọ̀rọ̀ Oṣooṣù Fún Okun àwọn Ọ̀dọ́, Oṣù Kẹsan 2024. Yoruba. 19343 779

Àwọn Àkọsílẹ̀ ránpẹ́

1. Russell M. Nelson, “Ipa Agbára ti Ẹ̀mí,” ìpàdé àpapọ̀ gbogbogbò Oṣù Kẹ́rin 2022 (Làìhónà, Oṣù Karun 2022, 98).

2. Russell M. Nelson, “A Lè Ṣe Dáradára Síi kí a sì Jẹ́ Dáradára Síi,” ìpàdé àpapọ̀ gbogbogbò Oṣù Kẹ́rin 2019 (Ẹ́nsáínì tàbí Làìhónà, Oṣù Karun 2019, 67).

3. Wo Russell M. Nelson, “Agbára Ipa Ti Ẹ̀mí” (98).

4. Russell M. Nelson, “A Le Ṣe Dáradára Síi Kí A Sì Jẹ́ Dáradára Síi” (67–68).

5. Russell M. Nelson, “A Le Ṣe Dáradára Síi Kí A Sì Jẹ́ Dáradára Síi” (67).

6. Russell M. Nelson, “A Le Ṣe Dáradára Síi Kí A Sì Jẹ́ Dáradára Síi” (67).

7. Russell M. Nelson, nínú “Ọjọ́ Ijẹri Káríayé: Mo Lè Ṣe Ohun Gbogbo Nípasẹ̀ Krístì,” broadcasts.ChurchofJesusChrist.org.

8. Russell M. Nelson, Instagram, Dec. 24, 2021, instagram.com/russellmnelson.