Hunyo

Ang Unang mga Baruganan ug mga Ordinansa sa Ebanghelyo Naghimong Posible alang Kanako sa Pagpuyo og Usab Kauban sa Dios

Kanta nga imong gusto gikan sa Children’s Songbook

“Kami nagtuo nga ang unang mga baruganan ug mga ordinansa sa Ebanghelyo mao: una, Hugot nga pagtuo diha ni Ginoong Jesukristo; ikaduha, Paghinulsol; ikatulo, Bunyag pinaagi sa pagpaunlod alang sa kapasayloan sa mga sala, ikaupat, Pagpandong sa mga kamot alang sa mga gasa sa Espiritu Santo” (Mga Artikulo sa Hugot nga Pagtuo 1:4).

Dugangi ang mga ideya nga gihatag dinhi og pipila nga gikan sa imong kaugalingon. Pagplano og mga paagi sa pagpaila sa doktrina ngadto sa mga bata ug tabangi sila sa pagsabut niini ug sa paggamit niini diha sa ilang mga kinabuhi. Pangutan-a ang imong kaugalingon, “Unsa ang buhaton sa mga bata aron makakat-on, ug unsaon nako sa pagtabang kanila nga mobati sa Espiritu?”

Semana 1: Ang hugot nga pagtuo kang Ginoong Jesukristo modala kanato sa paghigugma Kaniya, pagsalig Kaniya, ug sa pagsunod sa Iyang mga kasugoan.

Ipaila ang doktrina ug awhaga ang pagsabut niini: Isulat sa pisara “Ang hugot nga pagtuo kang Ginoong Jesukristo modala kanato sa paghigugma Kaniya, pagsalig Kaniya, ug sa pagsunod sa Iyang mga kasugoan.” Ipakita sa mga bata ang pipila ka liso. Pangutan-a: “Unsa ang mamahimo niini nga liso?” “Giunsa nimo sa pagkahibalo nga motubo kini nga liso?” “Unsa ang angay natong buhaton aron kini motubo?” Ipasabut nga ang atong hugot nga pagtuo kang Jesukristo, sama sa liso, mahimong motubo kon kita moatiman niini. Paghisgot og mga butang nga atong mahimo sa pagtabang sa atong pagtuo nga motubo, ug ipasabut kon sa unsang paagi nga kining mga butanga mogiya kanato sa paghigugma ug sa pagsalig ni Jesukristo ug sa pagsunod sa Iyang mga kasugoan. Kantaha ang “Faith” (CS, 96–97). Paghimo og yano nga mga lihok sa kamot nga mohaum sa una nga bersikulo.

Ang painting anaa sa sharingtime.lds.org

Pagbalik-balik: Ang mga bata makakat-on pinaagi sa pagbalik-balik. Hunahunaa ang pagdugang sa leksyon nga maggamit og mga butang diha sa semana 1sa paglig-on sa baruganan sa hugot nga pagtuo. Itanom ang mga liso sa kaang, ug panagsa dalha ang nagtubo nga tanom ngadto sa Primary. Sultihi sila kon unsay imong nabuhat sa pagtabang sa tanom nga motubo. Itandi ang pag-amuma sa bag-ong tubo nga tanom ngadto sa pag-amuma sa hugot nga pagtuo kang Jesukristo.

Semana 2: Ang paghinulsol modala og kapasayloan.

Ipaila ang doktrina: Dapita ang mga bata sa pag-abli sa ilang mga kasulatan ug magbasa sa Doktrina ug mga Pakigsaad 58:42–43. Hangyoa sila sa pag-ila kon unsay mahitabo kon maghinulsol kita sa atong mga sala. (Kon mahimo, dapita ang mga bata sa pagmarka niini nga mga bersikulo diha sa ilang mga kasulatan.) Sa daklit sultihi ang mga bata mahitungod ni Enos (tan-awa sa Enos 1:1–4), ug pabasaha ang usa ka bata sa Enos 1:5–8. Ipamatuod nga ang Pag-ula ni Kristo naghimong posible alang kanato nga mapasaylo sa atong mga sala.

Awhaga ang pagsabut niini: Ipasabut nga ang mga tawo nga naghinulsol ug napasaylo sa ilang mga sala adunay tinguha sa pag-alagad sa Dios. Bahina ang mga bata ngadto sa tulo ka grupo, ug hatagi ang matag grupo og usa sa mosunod nga mga litrato ug mga pakisayran sa kasulatan: Si Alma nagbunyag didto sa Katubigan sa Mormon (Mosiah 17:2–4; 18:1–17); Si Jonas (Jonas 1–3); ang mga Anti-Nephi-Lehi nga naglubong sa ilang mga espada (Alma 23:4–18; 24:6–19). Ipasabut nga kining mga istorya naghisgot mahitungod sa mga tawo kinsa naghinulsol sa ilang mga sala ug miserbisyo sa Ginoo. Hangyoa ang matag grupo sa pagribyu sa mga kasulatan ug sa pag-andam ug sa pagpresentar og usa ka role play nga nagpakita kon giunsa niining mga tawhana sa paghinulsol ug dayon miserbisyo sa Ginoo (pinaagi sa pagtudlo sa ebanghelyo, pag-alagad og misyon, ug dili na makiggubat).

Semana 3: Kon ako bunyagan, ako mohimo og pakigsaad uban sa Dios.

Awhaga ang pagsabut niini: Paghangyo og usa ka bata sa pag-adto sa atubangan sa kwarto ug ipadupa ang iyang mga kamot. Dayon butangi og libro ang matag kamot. Basaha ang Mosiah 18:7–11. Ipasabut nga usa sa mga pakigsaad nga atong gihimo sa dihang kita gibunyagan mao ang “pagpas-an sa palas-anon sa uban, nga kini mahimong gaan.” Pangutan-a ang bata nga naggunit sa mga libro kon ang iyang kamot gikapoy ba. Patabangi og alsa sa duha pa ka bata ang iyang mga kamot. Hisguti ang pipila ka mga palas-anon nga tingali maanaa sa mga bata, sama sa pagsungog, sa pagkasakit, pagbati nga nag-inusara, o sa paningkamot sa eskwela. Pangutan-a ang mga bata kon unsaon nila sa pagtabang nga mogaan ang palas-anon sa uban.

Ang paggamit sa mga bata isip biswal sa pagdemonstrar makakuha sa ilang atensyon ug makaandam kanila sa pagkat-on. Sama pananglit, kini nga kalihokan nagpakita sa mga bata nga nagpasundayag sa konsepto mahitungod sa pagtabang sa mga buluhaton sa uban.

Awhaga ang paggamit niini: Sultihi ang mga bata nga ang bunyag mao ang ganghaan nga naggiya ngadto sa dalan sa kinabuhing dayon (tan-awa sa 2 Nephi 31:17). Sa pikas kilid sa kwarto pagbutang og litrato sa usa ka bata nga gibunyagan. Sa pikas nga kilid sa kwarto pagbutang og litrato sa Manluluwas, ug ipasabut nga niining kalihokan kini nga litrato nagrepresentar og kinabuhing dayon. Sultihi ang mga bata nga magpabilin kita sa dalan ngadto sa kinabuhing dayon kon atong huptan ang atong mga pakigsaad sa bunyag. Ribyuha sa makadiyot kini nga mga pakigsaad (paghinumdom ni Jesukristo, pagsunod sa mga kasugoan, ug pagtabang sa uban). Hatagi ang matag bata og papel nga nagporma og taming nga CTR nga naka-drawing niini. Pasulati sa mga bata ang ilang papel og usa ka kasugoan nga makatabang kanila sa paghupot sa ilang mga pakigsaad sa bunyag (mahimo silang mag-drawing og mga litrato sa pagrepresentar sa kasugoan nga ilang gipili). Pagdapit og usa ka bata sa pagbutang sa iyang papel sa salog sa tunga sa duha ka litrato. Kon mahimo, tabangi ang mga bata sa pagpangita sa kasugoan diha sa ilang mga kasulatan ug sa pagbasa niini og dungan. Balik-balika hangtud ang mga bata makahimo og agianan sa tunga sa mga litrato.

Ang Logo anaa sa sharingtime.lds.org

Semana 4: Ang Espiritu Santo maghupay ug maggiya kanako.

Awhaga ang pagsabut niini: Grupo-grupoha ang mga bata ngadto sa mga grupo, ug hatagi ang matag grupo og piraso nga papel nga adunay mosunod nga mga kasulatan:

• “Sa pagkatinuod, sa pagkatinuod, Ako moingon nganha kanimo, Ako mohatag nganha kanimo sa akong Espiritu, nga mohatag og kahayag sa imong hunahuna, nga mopuno sa imong kalag uban sa (D&P 11:13–13).

• “Kon kamo mosulod pinaagi sa agianan [bunyag],ug modawat sa Espiritu Santo, kini mopakita nganha kaninyo sa tanan nga mga butang nga kinahanglan ninyong buhaton” (2 Nephi 32:5).

• “Apan ang Manlalaban, ang Espiritu Santo, … maga- kaninyo sa tanang butang, ug maga- , sa tanan nga akong gikasulti kaninyo” (Juan 14:26).

• “Itugyan ang imong pagsalig diha niana nga Espiritu nga nagtultol sa pagbuhat —oo, sa paghimo sa makiangayon, sa paglakaw nga mapainubsanon, sa ; ug kini ang akong Espiritu” (D&P 11:12).

• “Ug pinaagi sa gahum sa Espiritu Santo kamo sa tanan nga mga butang.” (Moroni 10:5).

Hangyoa ang mga bata sa pagtan-aw sa mga kasulatan ug sulatan ang mga blanko. Dayon ipahisgot nila kon unsay gitudlo niini nga mga kasulatan kon sa unsang paagi nga ang Espiritu Santo makatabang kanato. Dapita sila sa pagpaambit og mga kasinatian sa panahon nga ang Espiritu Santo mitabang kanila.

Mga kasulatan: Importante alang sa mga bata ang pagkat-on sa kamatuoran sa ebanghelyo gikan sa mga kasulatan (tan-awa sa PWLMT, 50–51). Dapita ang mga bata nga itudlo ang matag pulong samtang basahon nimo ug kusog ang usa ka kasulatan. Hangyoa ang mas gagmayng mga bata sa pagpaminaw sa usa ka piho nga pulong o hugpong sa mga pulong ug ipaisa ang ilang mga kamot kon madungog nila kini.

Awhaga ang paggamit niini: Ingna ang mga bata nga ang Espiritu Santo makatabang kanato sa daghang mga paagi. Kantaha ang “The Holy Ghost” ( CS, 105). Hangyoa ang mga bata sa pag-isa sa ilang mga kamot kon ilang makanta ang mahitungod sa paagi nga ang Espiritu Santo makatabang kanila. Pahunonga sa pagkanta ug hisguti kon unsay ilang nakat-unan mahitungod sa Espiritu Santo. Ipadayon ang pagpanganta ug ang paghisgot. Ipakigbahin ang usa ka panahon sa dihang ang Espiritu Santo mihupay og migiya kanimo.

Ang handout anaa sa sharingtime.lds.org