Abril

Jesukristo Nagtudlo Kanako sa Pagpili sa Matarung

“Kay usa ka panig-ingnan akong gihatag kaninyo, aron nga kamo usab kinahanglan magabuhat sama sa akong gibuhat kaninyo” (Juan 13:15).

Awit: Awit nga imong pinili mahitungod ni Jesukristo gikan sa Songbook sa mga Bata

Dugangi ang mga ideya nga gihatag dinhi og pipila sa imong kaugalingon. Matag semana, pagplano og mga paagi sa (1) pag-ila sa doktrina, (2) pagtabang sa mga bata sa pagsabut niini, ug (3) pagtabang kanila sa paggamit niini diha sa ilang mga kinabuhi. Pangutan-a ang imong kaugalingon, “Unsa ang buhaton sa mga bata aron makakat-on, ug unsaon nako sa pagtabang kanila nga mobati sa Espiritu?”

Semana 1: Si Jesukristo ang perpekto nga ehemplo alang kanako.

I-awhag ang pagsabut (nagbasa sa mga kasulatan ug nagdrawing og mga hulagway): Diha sa usa ka dako nga papel isulat ang hugpong sa mga pulong, “Si Jesukristo ang perpekto nga ehemplo alang kanako.” Guntinga ang papel ngadto sa upat ka bahin sa yano nga puzzle. Isulat ang usa sa mosunod nga mga sentence sa luyo sa matag bahin sa puzzle:

Gipakita niya kanato ang paagi sa pagbunyag (tan-awa sa Mateo 3:13–17).
Gipakita niya ang paghigugma sa uban (tan-awa sa Marcos 10:13–16).
Gipasaylo niya kadto kinsa nakapasakit (tan-awa sa Lucas 23:34).
Gipakita niya kanato kon unsaon sa pag-ampo (tan-awa sa Mateo 6:5–13).

children holding up pictures — Kon magtudlo og mga baruganan sa ebanghelyo, tabangi ang mga bata sa pagpangita og mga paagi sa paggamit niini diha sa ilang mga kinabuhi.

Kantaha ang “Maninguha Kong Mahimong Mahisama Kang Jesus” (SB, 40–41). Hangyoa ang mga bata sa pagpasabut kon unsa ang gitudlo sa awit. Pagpakita og hulagway ni Kristo, ug sultihi ang mga bata nga Siya mitudlo kanato og daghan nga mga butang pinaagi sa Iyang perpekto nga ehemplo. Bahina ang mga bata ngadto sa upat ka mga grupo, ug hatagi ang matag grupo og usa sa mga bahin sa puzzle ug pipila ka blangko nga mga piraso sa papel. Hangyoa sila sa pagbasa og dungan sa kasulatan ug dayon sa pagdrawing og mga hulagway kon sa unsa nga paagi sila makasunod sa ehemplo ni Kristo. Dapita ang matag grupo sa pagpasabut sa ilang kasulatan ug mga hulagway ug sa pagbutang sa ilang bahin sa puzzle diha sa pisara. Human ang puzzle napundok, isulti og dungan ang, “Si Jesukristo ang perpekto nga ehemplo alang kanako.”

Mga semana 2 ug 3: Gitudlo ni Jesukristo kanako ang tarung nga paagi sa pagpuyo.

Ilha ang doktrina (nagkanta): Kantaha ang “Pilia ang Matarung nga Paagi” (SB, 82–83), ug hangyoa ang katunga sa mga bata sa pagpaminaw kon sa unsa nga paagi kita magmalipayon ug ang lain nga katunga sa pagpaminaw kon unsay motabang kanato ug mopakita kanato sa paagi. Paghisgot kon unsa ang nakat-unan sa mga bata gikan sa awit.

I-awhag ang pagsabut (nagdula og tag-an tag-an ug nagbasa og mga kasulatan): Pag-andam og gilis sa mga pulong (wordstrips) nga naglakip sa mosunod nga mga pulong ug mga pakisayran sa kasulatan: gigutom (Mateo 5:6); pasigaa (Mateo 5:16); gugma (Mateo 5:44); ug pag-ampo (Mateo 6:6). Pagpakita og hulagway sa Wali sa Ibabaw sa Bungtod. Ipasabut nga si Jesus mitungas sa usa ka bungtod sa pagtudlo sa Iyang mga disipulo; ang mga butang nga Iyang gitudlo mao karon ang gitawag og ang Wali sa Ibabaw sa Bungtod. Ipakita ang usa sa mga gilis sa mga pulong ngadto sa katunga sa mga bata, ug hangyoa sila sa pag-aksyon sa pulong aron tag-anon sa uban nga mga bata. Basaha og dungan ang katugma nga kasulatan, ug tabangi ang mga bata sa pagsabut kon unsa ang gitudlo ni Jesus ug kon unsaon nato sa pagsunod ang Iyang ehemplo. Balika sa uban nga mga pulong ug mga kasulatan.

I-awhag ang paggamit (naghisgot og mga case studies): Diha sa upat ka piraso nga papel isulat ang mosunod nga mga pagtulun-an ni Jesus: (1) Gigutom ug giuhaw sa pagkamatarung, (2) Pasigaa ninyo ang inyong kahayag, (3) Higugmaa ninyo ang inyong mga kaaway, (4) Mag-ampo ngadto sa Langitnong Amahan. (Hunahunaa ang paggamit og mga hulagway nga nagpakita niini nga mga pagtulun-an alang sa mas gagmay nga mga bata.) Ipakita ang mga papel diha sa lain-laing mga dapit sa kwarto. Pag-andam og mga case studies (tan-awa sa PWLKMT, 161–62) nga nagtabang sa mga bata sa pagsabut kon unsaon sa paggamit niini nga mga pagtulun-an. Sama pananglit, “Usa ka bata sa eskwelahan nagsungog kanimo ug nagtawag kanimo og bati nga pangalan. Unsa ang imong buhaton?” Ribyuha ang mga kasulatan gikan sa tag-an tag-an nga dula nga gihulagway sa ibabaw, ug ipahimangno nga ang mga papel nga gipakita libut sa kwarto tugma ngadto sa mga kasulatan. Pagbasa og case study ngadto sa mga bata, ug dapita sila sa pagbarug ug pag-atubang sa papel nga may pagtulun-an nga motabang kanila sa pagpili sa matarung. Hangyoa ang pipila ka mga bata sa pagpakigbahin kon unsa nga pagpili ang ilang pagahimoon.

Semana 4: Bation nako ang gugma sa Manluluwas kon ako maningkamot nga mahisama ni Jesukristo.

I-awhag ang pagsabut (nagkanta ug naghimo og mga pagpili): Kantaha “Gibati Ko ang Gugma sa Akong Manluluwas” (SB, 42–43). Pagsulat og daghan nga mga case studies nga nagpakita kon unsaon sa usa ka bata nga makasunod sa usa sa mga pagtulun-an ni Kristo. Paglakip usab og pakisayran nga kasulatan diin kana nga pagtulun-an makit-an. Sa ubos mao ang pipila ka mga ehemplo.

Mihangyo si Sara sa iyang manghud nga igsoong babaye sa dili paggamit sa iyang mga krayola, apan ang iyang igsoong babaye migamit lamang gihapon niini. Nga mahisama ni Jesus, si Sara makahimo nga:

Masuko sa iyang igsoong babaye.
Itago ang iyang mga krayola.
Pasayloon ang iyang igsoong babaye.

Mateo 18:21–22.

Si John nagdula og soccer uban sa iyang mga higala, ug nakamatikod siya og laing batang lalaki nga nagbarug nga nag-inusarang nagtan-aw sa dula. Nga mahisama ni Jesus, si John makahimo nga:

Bugal-bugalan ang batang lalaki sa pag-inusara.
Pasagdan ang batang lalaki ug magpadayon sa pagdula uban sa iyang mga higala.
Dapiton ang batang lalaki sa pagdula og soccer uban kanila.

Juan 13:34

Hangyoa ang usa ka bata sa pagbasa sa usa sa mga case studies. Dayon hangyoa siya sa pagbasa sa mga tubag tagsa-tagsa. Dapita ang uban nga mga bata sa pagbarug kon ilang madunggan ang tubag nga mao ang pagsunod sa ehemplo ni Jesus. Dapita ang pipila ka mga bata sa pagbasa og kusog sa kasulatan, ug hisguti kon unsa ang gitudlo ni Jesus. Hisguti kon unsaon nga ang pagsunod sa ehemplo ni Jesus niini nga mga sitwasyon makatabang kanato sa pagbati sa gugma sa Manluluwas. Balika sa matag case study.

girls reading scriptures — Ipabasa og kusog sa mga bata gikan sa mga kasulatan. Tan-awa ang abilidad sa matag bata, ug tabangi ang matag usa sa pag-apil nga malampuson.

I-awhag ang paggamit: Dapita ang mga bata sa pagbuhat unsa ang gusto ni Jesus kanila nga buhaton niini nga semana. Sultihi sila nga sa sunod semana hangyoon nimo sila sa pagpakigbahin kon unsa ang ilang gibuhat ug kon giunsa nila pagbati ang gugma sa Manluluwas.

Mga tabang alang sa lider sa musika

Sa pagtabang sa mga bata sa pagkat-on og bag-ong awit, hunahunaa ang mosunod:

Dapita ang mga bata sa pagsenyas kon ilang makanta ang usa ka piho nga pulong o sa pag-ihap diha sa ilang mga tudlo kon kapila nila makanta ang pulong. Sama pananglit, kantaha ang “Mipadala sa Bugtong Anak” (SB, 20–21), ug hangyoa sila sa pag-ihap diha sa ilang mga tudlo kon kapila nila gikanta ang mga pulong nga “Iyang Anak.”
Pagpili og hulagway ug pulong nga nagrepresentar sa matag hugpong sa mga pulong sa kanta, ug ibutang kini diha sa usa ka piraso nga papel. Sama pananglit, kon imong kantahon ang “Mipadala sa Bugtong Anak” (SB, 20–21), ihulagway ang hugpong sa mga pulong “Unsay paagi’s Amahan aron gugma masayran?” Uban sa usa ka hulagway sa kasingkasing ug sa pulong nga kalumo. Alang sa hugpong sa mga pulong “Mipadala’s Bugtong Anak dinhi’s kalibutan,” ipakita ang hulagway sa pagkatawo ug ang pulong nga kalinaw. Mahimo nimong i-apil ang mga bata pinaagi sa pagpagunit kanila sa hulagway samtang sila nagkanta.