Agosto

Ako Nagpili sa Pagpuno sa Akong Kinabuhi sa mga Butang Nga Nagdapit sa Espiritu

“Kon adunay mga butang nga mahiyason, matahum, o maayo og dungog o dalaygon, kami naninguha sa pagpangita niining mga butanga” (Mga Artikulo sa Hugot nga Pagtuo 1:13).

Awit: “Maninguha Kong Mahimong Mahisama Kang Jesus”

(SB, 40–41)

Dugangi ang mga ideya nga gihatag dinhi og pipila sa imong kaugalingon. Matag semana, pagplano og mga paagi sa (1) pag-ila sa doktrina, (2) pagtabang sa mga bata sa pagsabut niini, ug (3) pagtabang kanila sa paggamit niini diha sa ilang mga kinabuhi. Pangutan-a ang imong kaugalingon, “Unsa ang buhaton sa mga bata aron makakat-on, ug unsaon nako sa pagtabang kanila nga mobati sa Espiritu?”

Semana 1: Ang pagbaton og maayo nga mga higala motabang kanako sa pagpili sa matarung.

I-awhag ang pagsabut ug paggamit (naminaw og istorya): I-asoy ang mosunod nga istorya: “Duha ka bata nga mga lalaki nakakita og usa ka parisan nga guba nga sapatos diha sa dalan. Sa layo ilang makita ang usa ka tawo nga nagtrabaho sa umahan. Usa sa mga batang lalaki misugyot nga ilang tagoan ang mga sapatos ug dayon bantayan ang reaksyon sa tawo.” Hangyoa ang mga bata sa pagpakigbahin kon unsay ilang isulti ngadto niining bata nga lalaki. Dayon i-asoy ang tibuok istyorya. “Ang lain nga batang lalaki misugyot nga imbis tagoan ang mga sapatos, kinahanglan nga ilang butangan og pilak nga sinsilyo ang matag usa, ug kana ang ilang gibuhat. Sa wala madugay ang tawo mibalik. Sa diha nga iyang nakit-an ang mga sinsilyo, napuno siya sa pasalamat nga miluhod siya ug mihalad og pag-ampo sa pagpasalamat. Misulti siya mahitungod sa iyang asawa, kinsa masakiton, ug sa iyang mga anak, kinsa walay pagkaon, ug mihangyo siya sa Ginoo sa pagpanalangin ni bisan kinsa nga mitabang kaniya. Ang mga batang lalaki mibati og usa ka butang nga mainit diha sa ilang mga kasingkasing ug mapasalamaton nga sila mipili sa matarung” (tan-awa sa Gordon B. Hinckley, sa Conference Report, Abr. 1993, 71; o Ensign, Mayo 1993, 54). Pagdapit og daghan nga mga bata sa pagpakigbahin og mga panahon sa diha nga ang mga maayong mga higala nakatabang kanila sa pagpili sa matarung.

Semana 2: Kinahanglan nga ako magbasa, maminaw ngadto, ug motan-aw sa mga butang nga makapahimuot sa Langitnong Amahan.

Ilha ang doktrina (nagtan-aw og leksyon nga naggamit og butang): Ipakita sa mga bata ang usa ka panaksan nga puno sa prutas ug usa ka panaksan nga puno sa hugaw. Pangutan-a ang mga bata hain ang maayo nga kan-on ug ngano. Ipasabut nga ang Langitnong Amahan gusto nga pun-on nato ang atong mga hunahuna sa mga butang nga maayo alang kanato imbis sa mga butang nga makadaot. Dapita sila sa pagsulti, “Kinahanglan nga ako magbasa, maminaw ngadto, ug motan-aw sa mga butang nga makapahimuot sa Langitnong Amahan,” naghimo og yano nga mga aksyon alang sa magbasa, maminaw ngadto, ug motan-aw sa.

I-awhag ang pagsabut (naghisgot sa doktrina): Sultihi ang mga bata nga kon kita maghimo og mga pagpili nga dili makapahimuot sa Langitnong Amahan mahimo nga mawagtangan kita og usa ka butang nga importante kaayo. Hangyoa sila sa pagpaminaw kon unsa kana nga importanting butang samtang imong basahon ang unang paragraph ubos sa “kalingawan ug ang Medya” gikan sa alang sa Kalig-on sa mga Kabatan-onan (tan-awa usab “Ang Akong mga Sumbanan sa Ebanghelyo”). Pangutan-a ang mga bata kon sila nakadungog ba kon unsay atong mawagtang kon kita naghimo og sayop nga mga pagpili (ang Espiritu). Bahina ang mga bata ngadto sa tulo ka mga grupo up papuli-puliha sila sa pagbisita sa tulo ka estasyon: “Pagbasa,” Pagpaminaw,” ug “Pagtan-aw.” Diha sa matag estasyon dapita ang mga bata sa pagbasa, pagpaminaw ngadto, o sa pagtan-aw sa usa ka butang nga makapahimuot sa Langitnong Amahan. Hisguti kon unsa ang ilang gibati sa diha nga sila nagbasa, naminaw ngadto o nagtan-aw sa mga butang nga makapahimuot ngadto sa Dios.

Mga Semana 3 ug 4: Kinahanglan akong buhaton ang mga butang sa Igpapahulay nga motabang kanako sa pagpabilin nga suod ngadto sa Langitnong Amahan.

Ilha ang doktrina (nagsag-ulo og kasulatan): Sultihi ang mga bata nga ikaw mohatag kanila og pipila ka timaan sa pagdiskubre og importante nga mensahe. Isulat ang unang litra sa matag pulong sa Exodo 20:8 diha sa pisara (H M A A N I A S P N ). Ipasabut nga ang mga letra mao ang unang mga letra sa matag pulong sa mensahe. Ihatag ang sunod nga timaan pinaagi sa pagpakita og hulagway ni Moises ug sa Napulo ka mga Sugo. Dayon dapita ang mga bata sa pagpangita sa Exodo 20:8 ug basaha kini og dungan. Ipadiskubre sa mga bata ang koneksyon tali sa mga letra diha sa pisara ug sa kasulatan. Tabangi ang mga bata sa pagmemorya sa kasulatan pinaagi sa pagtudlo ngadto sa mga letra diha sa pisara samtang ilang balikon pagsulti ang kasulatan sa makadaghan nga mga higayon.

children around teacher with basket — Ang pagpahiangay sa mga kalihokan sa gidak-on sa Primary motabang sa pagpaapil og mas daghan nga mga bata. Niini nga kalihokan, kon ang imong Primary daghan, hunahunaa ang pagbaton og daghan nga mga basket ug pagtugot sa mga bata sa pagpakigbahin sulod sa ginagmay nga mga grupo.

I-awhag ang pagsabut (naghisgot ug nagkolor): Bahina ang mga bata ngadto sa upat ka mga grupo. Hatagi ang matag grupo og usa ka paragraph gikan sa seksyon “Pagtuman sa Adlaw nga Igpapahulay” diha sa Alang sa Kalig-on sa mga Kabatan-onan nga basahon. Ipahisgot kanila ang paragraph diha sa ilang mga grupo ug dayon makigbahin kon unsay ilang nakat-unan ngadto sa ubang mga bata. Hatagi ang matag bata og usa ka piraso nga papel, ug dapita sila sa pagdraw og pipila ka maayong mga butang nga buhaton sa Igpapahulay. Hangyoa ang pipila ka mga bata sa pagpakigbahin sa ilang mga drawing ngadto sa uban nga Primary. Awhaga sila sa pagpakigbahin kon unsay ilang nakat-unan ngadto sa ilang mga pamilya diha sa panimalay.

I-awhag ang pagsabut (naghimo og kasulatan nga kalihokan): Sa dili pa ang Primary, pag-andam og basket nga puno og mga piraso sa papel nga nagrepresentar sa mana nga gamiton sa panahon niini nga kalihokan. Isulat ang mosunod nga mga pangutana diha sa pisara:

Unsa nga pagkaon ang gihatag sa Ginoo alang sa mga Israelite?
Pila ang ilang pagakuhaon sa matag adlaw?
Unsa ang ilang pagabuhaton sa ikaunom nga adlaw?
Unsa ang lahi sa Igpapahulay?

Papaminawa ang mga bata alang sa mga tubag samtang ikaw nag-asoy sa istorya sa mga Israelite nga nanguha og mana (tan-awa sa Exodo 16:11–31) Hangyoa sila sa pagpatindog kon ilang madungog ang tubag sa usa sa mga pangutana. Ipaistorya og balik sa usa ka bata ang bahin sa istorya nga nagtubag sa pangutana. Dayon ipadayon ang istorya. Kon ikaw nahuman na, pakigsulti sa mga bata mahitungod kon ngano ang Ginoo dili gusto sa mga Israelite nga manguha og mana sa Igpapahulay. Ipapiyong sa mga bata ang ilang mga mata ug magpakaaron ingnon nga natulog. Dalia ang pagkatag sa “mana” libut sa kwarto. Pabukha ang mga bata sa ilang mga mata ug pakuhaa sa ilang bahin sa mana (usa o duha ka piraso) Hangyoa ang mga bata sa pagpabalik og butang sa mana ngadto sa basket. Samtang ang matag bata nagbuhat sa ingon, hangyoa sila sa pagpakigbahin og angay nga paagi sa paghupot sa Igpapahulay nga balaan nga adlaw.

Mga tabang alang sa lider sa musika

Aron sa pagtabang sa mga bata nga makat-on sa “Maninguha Kong Mahimong Mahisama Kang Jesus” (SB, 40–41), hunahunaa ang mosunod:

Kantaha ang awit ngadto sa mga bata. Dapita sila sa pag-ihap diha sa ilang mga tudlo kon pila ka higayon imong gikanta ang pulong maningkamot o nagpaningkamot. Kantaha og usab ang awit, ug papakpaka ang mga bata sa ritmo samtang ikaw nagkanta.
Pagpakita og yano nga mga hulagway nga may importante nga mga pulong gikan sa matag hugpong sa mga pulong sa awit libut sa kwarto sa Primary (sama sa mahisama, mosunod, gugma, mobuhat ug mosulti, gitintal, ug naminaw), nagbilin sa bongbong diha sa atubangan sa kwarto nga hawan. Hangyoa ang mga bata sa pagpaminaw samtang ikaw nagsugod sa pagkanta sa awit. Dapita sila sa pagpatudlo sa hulagway nga gihunahuna nila nga mipares sa mga pulong nga imong gikanta. Hangyoa ang usa ka bata sa pagpabutang niini didto sa atubangan nga bongbong. Ipakanta sa tanan ang nahibilin sa awit. Padayon sa pagkanta ug balika ang kalihokan alang sa matag hulagway. Dayon ipakanta sa mga bata ang tibuok awit sa makadaghang higayon. Sa daklit pagpamatuod sa importansya sa pagpaningkamot nga mahisama ni Jesus.

Mga hulagway anaa sa sharingtime.lds.org