Unsaon sa Paggamit sa Musika sa Primary

Ang katuyoan sa musika sa Primary mao ang pagtudlo sa mga bata sa ebanghelyo ni Jesukristo ug sa pagtabang kanila nga makakat-on sa pagsunod niini. Ang mga kanta sa Primary naghimo sa pagkat-on nga mas makalingaw, nagtabang sa mga bata nga makakat-on ug nagpahinumdom sa mga kamatuoran sa ebanghelyo, ug nagdapit sa Espiritu.

Ang mosunod mao ang mga pamaagi nga motabang kanimo sa pagtudlo sa mga bata sa ebanghelyo pinaagi sa musika. Ang mga ehemplo motabang kanimo sa mga awit nga gisugyot niini nga outline. Tan-awa sa seksyon nga“Unsaon sa Paggamit ang Musika sa Primary” sa 2010 ug 2011 nga mga outline alang sa dugang nga mga ideya.

Itudlo ang Ebanghelyo pinaagi sa Musika

Ang pipila sa mga leksyon nga gitudlo diha sa Primary gitudlo pinaagi sa musika. Ang musika makadugang sa pagsabut sa mga bata sa mga baruganan sa ebanghelyo ug makalig-on sa ilang mga pagpamatuod (PWLKMT, 174). Hunahunaa ang pagpangutana mahitungod sa usa ka awit sa pagtabang sa mga bata nga makasabut sa kahulugan niini. Sama pananglit, “Buhata Unsa ang Matarung” (Mga Himno ug Mga Awit sa mga Bata, nu. 34) nagtudlo nga kita wala pasagdi nga nag-inusara sa paghimo og mga desisyon sa kinabuhi; ang Balaang Espiritu mogiya kanato sa paghimo og matarung nga mga pagpili. I-draw ang outline sa tulo ka mga taming sa PAM diha sa pisara ug isulat ang mosunod nga mga pangutana sa sulod niini. “Kinsa ang mogiya kanako sa pagpili og matarung?” “Kanus-a ang tabang mosanag ngari kanako?” Ug “Unsa ang gisaad kon ako nagpili sa matarung?” Itudlo ang unang taming, basaha ug dungan ang mga pangutana, ug papaminawa ang mga bata samtang imong kantahon ang awit ug dayon motindog kon ilang madungog ang tubag. Ipakanta kanila ang tubag dungan kanimo sa pipila ka mga higayon. Kini motabang kanila sa paghinumdom sa mga pulong ngadto sa tuno. Balika sa uban nga mga pangutana. Paghisgot og mga hugpong sa mga pulong nga mahimong malisud alang sa mga bata sa pagsabut. Kantaha ang tibuok nga awit, ug pahinumdumi ang mga bata nga kon sila nagkanta niini, sila nagpamatuod nga ang Balaan nga Espiritu motabang kanato kon kita naminaw ug naghimo og matarung nga mga pagpili.

Dugangi ang kalig-on sa mga baruganan sa ebanghelyo: Ang paghatag og musika sa panahon sa pagpakigbahin nagtabang sa pagdugang sa kalig-on sa mga baruganan nga gitudlo sa kapangulohan sa Primary. “Ang musika maoy usa ka labing maayo nga paagi sa pagdapit sa Espiritu sa Ginoo nganha sa imong leksyon. Ang musika nagtabang kanato sa pagpahayag sa mga pagbati nga mahimong malisud sa pagpahayag pinaagi sa isulti nga pulong” (Teaching Guidebook [2001], 10).

Apila ang Tanan nga mga Bata sa mga Kalihokang Pang-musika

Ang mga bata sa tanang edad ug mga abilidad uyon sa musika ug ganahang moapil og mga kalihokang pang-musika. Ang mga ritmo sa mga awit nagtabang sa mga bata sa paghinumdom kon unsa ang ilang gikanta ug ang mensahe sa mga pulong. Samtang ikaw nagkanta sa “Barugan ang Kamatuoran” (SB, 81), hunahunaa ang paglain-lain sa kapaspason ug sa kakusgon sa kanta. Hunahunaa ang pagtudlo og mga pulong nga pang-musika sama sa legato (hinay ug hapsay) ug staccato (dali ug putol-putol) ug ipakanta sa mga bata ang awit sa duha ka mga paagi.

Ang mga bata gusto usab nga moapil nga may lihok, sama sa pagpakpak sa kapaspason o pagpares og mga aksyon sa kamot ngadto sa mga pulong. Sa awit nga “Ang Tawong Maalam ug ang Tawong Walay Kaalam” (SB, 132), mga aksyon sa kamot motabang sa mga bata sa paghatag og gibug-aton sa mga pulong sa awit. Makagamit usab ikaw og mga aksyon kon nagkanta sa “Ang Kaisug ni Nephi” (SB, 64–65). Sama pananglit, hangyoa ang mga bata sa pagpakaaron ingnon nga naggunit og taming diha sa usa ka kamot samtang sila nagkanta sa “Moadto’g,” pagpakaaron ingnon nga naggunit og espada nga ipalabaw sa ulo samtang sila nagkanta sa “Moadto’g buhaton ko ang sugo sa Dios,” ug nagmartsa diha sa gibarugan samtang sila nagkanta sa “Siya mohatag paaging matuman ko kini.” Dapita ang mga bata sa paghimo og ilang kaugalingong angay nga mga aksyon alang sa bisan unsa nga mga awit (ang pipila ka mga aksyon mahimo nga dili angay alang sa pasundayag diha sa sakrament miting ).

Pangutana: Paggamit og mga pangutana aron ang mga bata moapil sa buhat. Ang mga pangutana nagtabang nga matumong ang pagpaminaw sa mga bata ug madugangan ang ilang pagsabut sa mga baruganan sa ebanghelyo (tan-awa sa SB, 149). Hinumdumi ang pagsulti sa mga pangutana sa paagi nga ang mga bata makadiskubre sa tubag samtang ilang gikanta ang awit.

Ribyuha ang mga Awit sa Pagdugang og Kalig-on sa mga Baruganan sa Ebanghelyo

Tip: Awhaga ang mga bata sa pagkanta og Primary nga mga awit sa family home evening, sa panahon sa pagtuon sa kasulatan, ug sa uban nga angay nga mga panahon.

Samtang ikaw nagtudlo og awit, kinahanglan nga imong balikon pag-usab kini og makadaghan aron ang mga bata makakat-on niini. Kinahanglanon usab nimo ang pagribyu sa mga awit sa tibuok tuig sa pagpabilin niini nga presko sa mga hunahuna sa mga bata. Human gitudlo ang usa ka awit ribyuha ug kantaha kini sa nagkalain-laing makalingaw nga mga paagi. Padayuna ang pagkanta og mga awit bisan human sa pasundayag diha sa sakrament miting aron ang mga bata mahinumdom niini. Hunahunaa ang pagsulat sa mga awit nga imong gusto nga ribyuhon sa mga bata sa diha sa nagkalain-lain nga mga butang (sama pananglit, mga bulak diha sa flower vase, isda nga papel diha sa danawan, mga balahibo sa pabo, mga dahon sa kahoy, o mga kasingkasing nga gi-tape libut sa kwarto). Papilia ang mga bata tagsa-tagsa og usa ka butang ug dayon ipakanta ang awit. Ang mosunod mao ang pipila ka dugang nga mga ideya kon unsaon ang pagribyu sa mga awit (mga biswal anaa sa sharingtime.lds.org):

• Singing Cube: Paghimo og cube nga may nagkalain-laing mga aksyon nga gisulat sa matag kilid. Hangyoa ang usa ka bata sa pagpaligid sa cube sa pagpiho kon unsa nga aksyon ang ilang himoon samtang sila nagkanta.

  

• Mga Batang Babaye Nagkanta/Mga Batang Lalaki Nagkanta: Paghimo og hulagway sa usa ka batang lalaki ug hulagway sa usa ka batang babaye ug ipapilit o i-tape kini ngadto sa lain-lain nga mga lipak. Samtang nagribyu og usa ka awit, pagbinayloay og mga hulagway aron mahibaloan kon kinsa ang kinahanglang mokanta. Kini maghupot sa mga bata nga abtik nga moapil.

  

• Nagkanta nga mga Puppets: Kopyaha ug guntinga ang usa sa mga gihulagway diha sa pahina 53 sa manwal sa nursery, Tan-awa ang Inyong Gagmay nga mga Bata, nga makoloran sa matag bata. Ipapilit o i-tape ang matag gihulagway ngadto sa usa ka bulsita aron mahimo nga mga puppet. Dapita ang mga bata sa pagkanta uban ang ilang mga puppet.

  
  
  

• Paglabay ngadto sa Basket: Pagdapit og usa ka bata sa paglabay og usa ka bulsita o kinumot nga piraso nga papel ngadto sa basket. Kon siya makahimo niini sa unang pagsulay, pakantaha ang mga bata og kausa sa bersikulo; kon duha ka pagsulay ang kinahanglan, pakantaha sila og kaduha sa bersikulo, ug padayunon.