Abuso
fPosible ba ang Pagpasaylo?

“Posible ba ang Pagpasaylo?” Tabang alang sa mga Biktima (2018).

“Posible ba ang Pagpasaylo?” Tabang alang sa mga Biktima.

Posible ba ang Pagpasaylo?

Ang pagpasaylo mahimo lamang pinaagi sa gahum sa Manluluwas nga si Jesukristo. Kon ikaw biktima sa pang-abuso, mahimong bation nimo nga ang pagpasaylo ingon og imposible nga buhaton. Ang hugaw nga mga hunahuna ug mga pagbati nga miabut gikan sa sakit sa pang-abuso mahimong grabe kaayo. Mahimo usab nga bation nimo nga ikaw dili na gayud makalingkawas niini. Mahimo usab nga bation lamang nimo ang gibug-aton sa “pagpasaylo ug pagkalimot” mahitungod sa pang-abuso ug bation nga nakasala nga ikaw adunay lisud nga panahon sa pagpasaylo.

Adunay nagkalainlaing mga ang-ang sa pisikal, emosyonal, mental, ug espiritwal nga mga kadaot nga miresulta gikan sa pang-abuso, ug walay usa nga makatino sa kahimtang sa kasakit gawas kanimo. Ang matag kadaot nagkinahanglan og panahon nga mamaayo, ug ang mas lawom nga kadaot nagkinahanglan og mas dugay nga panahon, sama lamang sa nabali nga bukton mas taas ang panahon nga mamaayo kay sa gamay nga samad. Mas lawom ang kadaot—kon pisikal, emosyonal, mental, o espiritwal man—mas dugay kini nga mamaayo.

Ang Pagpasaylo Nagkinahanglan og Panahon

Samtang imong gibuhat pinaagi sa proseso sa pagkaayo, ikaw makahimo, uban sa panabang sa Ginoo, pagsugod sa pagpasaylo niadtong kinsa nakapasakit kanimo. Mahimo nga ikaw dili dayon makapasaylo. Kining abilidad sa pagpasaylo nagagikan sa gahum sa atong Manluluwas nga si Jesukristo, kinsa, pinaagi sa Pag-ula, midala diha sa Iyang Kaugalingon ug gibati ang mao gayud nga sakit nga imong gibati karon (Alma 7:11–12). Mahimong mawagtangan ka sa impluwensya niini nga sakit nga anaa kanimo. Ang Ginoo nahigugma kanimo bisan unsa pa ka lawom ang sakit karon o unsa ka dugay kini maayo.

Si Presidente James E. Faust miingon: “Ang pagpasaylo dili kanunay diha-diha dayon. … “Kasagaran kanato nagkinahanglan og panahon sa pagbuhat pinaagi sa sakit ug pagkanawad-an. Makakita kita sa tanang matang sa mga katarungan sa paglangay sa pagpasaylo. Usa niini nga mga katarungan mao ang paghulat sa mga nakahimo og sayop nga maghinulsol sa dili pa kita mopasaylo kanila. Apan kana nga paglangan makahimo kanato sa pagwala sa kalinaw ug kalipay nga maato unta” (“Ang Makaalim nga Gahum sa Pagpasaylo,” Liahona, Mayo 2007, 68).

Unsa ang Gidala sa Pagpasaylo

Ang pagpasaylo nagtabang kanato sa pagpuyo diha sa kalinaw ug hingpit nga kalipay sa makausa pa.

Si Presidente Faust mikutlo ni Dr. Sidney Simon: “Ang pagpasaylo mao ang pagbuhi ug paggamit og maayo sa kusog nga kaniadto nahurot sa pagbaton og pagdumot, paghambin og kasuko, ug pagdala-dala og wala maayo nga samad. Kini mao ang pagdiskubre pag-usab sa mga kalig-on nga naa na kanato og sa paggamit sa atong walay kinutuban nga kapasidad sa pagsabut ug pagdawat sa ubang mga tawo ug sa atong kaugalingon” (sa “Ang Makaalim nga Gahum sa Pagpasaylo,” 68).

Ang pagpasaylo wala magkahulugan sa pagkalimot sa sala nga sukad nahitabo o sa pagpakaaron-ingnon nga kini wala gayud mahitabo. Kini wala magkahulugan nga ikaw nagtugot sa pang-abuso sa pagpadayon. Kini wala magkahulugan nga posible alang sa tanang mga relasyon nga mamaayo. Ug kini wala magkahulugan nga ang sad-an dili patubagon sa iyang mga binuhatan. Kini nagkahulugan nga ang Manluluwas makatabang kanimo sa pagpasaylo.

Si Elder Jeffrey R. Holland sa Korum sa Napulog Duha ka mga Apostoles mitudlo kon unsaon sa pagpasaylo og grabe nga mga sala. Siya miingon “Kini … importante alang sa pipila kaninyo nga nagsinati og tinuod nga kasakit nga maghunahuna kon unsa [ang Manluluwas] wala mag-ingon. Wala Siya mag-ingon, ‘Kamo wala tuguti nga mobati og tinuod nga kasakit o tinuod nga kaguol gikan sa napusgay nga kasinatian nga imong naangkon gikan sa uban.’ Wala usab Siya mag-ingon, ‘Aron makapasaylo sa hingpit, ipadayon ang makadaot nga relasyon o balik ngadto sa abusado, makadaot nga kahimtang.’ Apan bisan pa man sa labing grabe nga kalapasan nga tingali moabut kanato, molampos kita batok sa atong sakit kon motunob lamang kita sa dalan sa tinuod nga pagkaayo. Kana nga dalan mao ang pagpasaylo nga gisubay ni Jesus sa Nazaret, kinsa nagtawag sa matag usa kanato, ‘Umanhi ka ug sumunod Kanako ’” (“Ang Pangalagad sa Pagpasig-uli (Reconciliation),” Liahona, Nob. 2018).

Pagpasaylo sa Imong Kaugalingon

Mahimo nga ikaw naghunahuna nga nanginahanglan ka sa pagpasaylo sa imong kaugalingon tungod sa pang-abuso. Palihug hinumdumi nga dili ikaw ang mabasol alang sa mga lihok sa uban (tan-awa sa “Unsa kaha kon ako naghunahuna nga ang pang-abuso akong sayop?”).

Mahimo usab nga ikaw nakigbisog sa pagpasaylo sa imong kaugalingon alang sa sayop nga mga pagpili nga imong nahimo aron sa pagsagubang sa sakit sa pang-abuso. Importante nga makat-unan kon unsaon pagbaton og kalooy alang sa imong kaugalingon. Ang Ginoo nag-ingon nga Siya “nagpahiangay sa iyang mga kalooy sumala sa mga kahimtang sa mga anak sa katawhan” (Doktrina ug mga Pakigsaad 46:15). Nahibalo siya kon unsa ang imong gikinahanglan ug unsaon Niya nga makatabang kanimo.

Mga Kapanguhaan sa Komunidad ug sa Simbahan

(Pipila sa mga kapanguhaan nga gilista sa ubos wala gimugna, gipalambo, o gikontrolar sa Ang Simbahan ni Jesukristo sa mga Santos sa Ulahing mga Adlaw. Samtang kini nga mga materyal gituyo aron magsilbe isip dugang nga mga kapanguhaan, ang Simbahan wala magsuporta sa bisan unsa nga sulod [content] nga dili pinasubay sa mga doktrina ug mga pagtulun-an niini.) Ang uban niini nga mga kapanguhaan mahimong anaa sa Iningles lamang.

May Kalabutan nga mga Artikulo