Pagkaadik

Kinatibuk-ang Pagpasabot

Ang pagkaadik usa ka padayon nga pagsalig sa usa ka makadaot nga kinaiya o substansiya. Kini makabalda sa abilidad sa pagpaminaw sa Espiritu ug malimitahan ang paggamit sa kabubut-on. Daghan kinsa nanglimbasog sa pagkaadik nag-antos sa kaulaw ug mahimong mobati nga ang pagkaayo dili na posible. Apan uban sa Dios, walay dili mahimo (tan-awa sa Lucas 1:37). Ang tanan mahimong mamaayo, maulian, ug mapanalipdan pinaagi ni Jesukristo ug sa Iyang Pag-ula.

Ang pagkaadik mahimong maglakip sa paggamit o pag-abuso sa mga substansiya sama sa tabako, ilimnong makahubog, mga ilegal nga druga, ug sa mga giresita nga druga, ingon man sa mga kinaiya sama sa paggamit sa pornograpiya, mga dili husto nga pagkaon, pagpalabi sa paggasto, ug pagsugal. Dili tanan relasyon nga aduna ang usa ka tawo uban sa ingon nga substansiya hilabihan ka grabe igo nga matawag nga pagkaadik, apan kini nga mga kinaiya mahimong mograbe ngadto sa makaadik nga pamatasan. Ang pagsalig o sayop nga paggamit sa maong mga butang mahimong makabalda sa inadlaw-adlaw nga kinabuhi ug kinahanglan gayod nga seryusohon. Kini nga mga pagsulay mahimong bug-at sa pamati ug magkinahanglan og panahon aron mabuntog, apan kon ang mga indibidwal adunay tulubagon, magbaton og hugot nga pagtuo kang Jesukristo, ug makadawat og mahigugmaong tabang gikan sa uban, sila mahimong mausab.

Dugang nga mga Kapanguhaan

• Mangita og Miting aron sa Maulian gikan sa Pagkaadik

• Presentasyon mahitungod sa Programa aron Maulian gikan sa Pagkaadik

• Pagkaadik

• Pagsugal

• Pulong sa Kaalam

• Pornograpiya, Tabang sa Kinabuhi, ChurchofJesusChrist.org

• Maulian gikan sa Pagkaadik nga mga Bidyo

• Landscape sa Pangisip: Pagkaadik Gipasabot (bidyo)