« សំណួរបន្ថែមដែលសួរជាញឹកញាប់ » ក្នុងខែ មករា ឆ្នាំ ២០២១ ។
សំណួរបន្ថែមដែលសួរជាញឹកញាប់
តើខ្ញុំអាចសួរសំណួរអំពីការជាវទស្សនាវដ្តីរបស់ខ្ញុំបានដោយរបៀបណា ?
ចំពោះសំណួរអំពីការជាវទស្សនាវដ្តីរបស់អ្នកសូមមើល store.ChurchofJesusChrist.org ហើយស្វែងរកលេខសម្រាប់តំបន់របស់អ្នក នៅពីក្រោម « ទំនាក់ទំនងមកកាន់យើងខ្ញុំ » ។
តើនរណាអាចទទួលការជាវទស្សនាវដ្តីបោះពុម្ពដោយឥតគិតថ្លៃបាន ?
គណៈប្រធានទីមួយបានលើកទឹកចិត្តដល់អ្នកដឹកនាំវួដ និងសាខាឲ្យជួយសមាជិកចូលមើលមាតិកាទស្សនាវដ្តីបោះពុម្ព ឬជាឌីជីថលពីសាសនាចក្រតាមវិធីខាងក្រោម ៖
ផ្តល់ជូនទស្សនាវដ្ដីដល់សមាជិកថ្មីដែលបានទទួលពិធី បុណ្យជ្រមុជទឹក ៖ បន្ទាប់ពីសមាជិកថ្មីបានទទួលពិធីបុណ្យជ្រមុជទឹក ពួកគេគួរតែត្រូវបានបង្ហាញពីរបៀបចូលមើលទស្សនាវដ្ដីសាសនាចក្រនៅក្នុងកម្មវិធី បណ្ណាល័យដំណឹងល្អ ឬតាមអ៊ីនធឺណិត ។ ប្រសិនបើពួកគេចងបានទស្សនាវដ្តីបោះពុម្ពជាង សូមផ្តល់ជូនការជាវទស្សនាវដ្តីពេញមួយឆ្នាំដោយឥតគិតថ្លៃដល់ពួកគេ ដោយប្រើប្រាស់ថវិការបស់អង្គភាព ។
សូមផ្តល់ទស្សនាវដ្ដីដល់យុវជន និងកុមារ ៖ ដោយប្រើថវិការរបស់អង្គភាពហើយសូមបន្តការជាវជូនដល់កុមារ និងយុវវ័យទាំងអស់ដែលមកព្រះវិហារដោយគ្មានឪពុក ឬម្តាយ ឬអាណាព្យាបាល ។
តើខ្ញុំបញ្ជូនអត្ថបទ អំពីទស្សនៈ និងមតិកែលម្អ ទៅកាន់ទស្សនាវដ្តី ទាំងឡាយដោយរបៀបណា ?
ដើម្បីបញ្ជូនអត្ថបទ គំនិត និងមតិកែលម្អ ទៅកាន់ទស្សនាវដ្តី ទាំងឡាយសូមប្រើតំណភ្ជាប់ខាងក្រោម ៖
លីអាហូណាសូមផ្ញើអត្ថបទ គំនិតនិងមតិកែលម្អ មកកាន់ទស្សនាវដ្តី លីអាហូណា អនឡាញ ។
យុវមជ្ឈិមវ័យប្រចាំសប្ដាហ៍ ៖ សូមផ្ញើអត្ថបទ គំនិតនិងមតិកែលម្អ មកកាន់ទស្សនាវដ្តី យុវមជ្ឈិមវ័យប្រចាំសប្ដាហ៍ អនឡាញ ។
ដើម្បីកម្លាំងនៃយុវជន ៖ សូមផ្ញើអត្ថបទ គំនិតនិងមតិកែលម្អ មកកាន់ទស្សនាវដ្តី ដើម្បីកម្លាំងនៃយុវជន អនឡាយ ឬអ៊ីម៉ែលមកកាន់យើង ftsoy@ChurchofJesusChrist.org ។
ទស្សនាវដ្តីប្រិយមិត្ត ៖ សូមផ្ញើអត្ថបទ គំនិតនិងមតិកែលម្អ មកកាន់ទស្សនាវដ្តី ប្រិយមិត្ត អនឡាយ ឬអ៊ីម៉ែលមកកាន់យើង friend@ChurchofJesusChrist.org ។
ហេតុអ្វីបានជា Ensign និង New Era ផ្លាស់ប្តូរ ?
អស់ជាច្រើនឆ្នាំ សាសនាចក្របានបោះពុម្ពផ្សាយទស្សនាវដ្តីជាភាសាអង់គ្លេសចំនួនបីច្បាប់គឺ ( ទស្សនាវដ្តីប្រិយមិត្ត New Era និង Ensign ) ព្រមទាំងទស្សនាវដ្តីមួយច្បាប់ទៀតត្រូវបានបោះពុម្ព ជាភាសាផ្សេងៗ ( លីអាហូណា ) ។
ចាប់ពីខែ មករា ឆ្នាំ ២០២១ ទស្សនាវដ្តីទាំងនេះនឹងជំនួសឲ្យដោយទស្សនាវដ្តីចំនួនបីច្បាប់នេះដែលនឹងបម្រើដល់សមាជិកទូទាំងពិភពលោកនៅក្នុងភាសាជាច្រើន ៖ ទស្សនាវដ្តីប្រិយមិត្តសម្រាប់កុមារដែលមានអាយុ ៣–១១ ឆ្នាំ ទស្សនាវដ្តីដើម្បីកម្លាំងនៃយុវជនសម្រាប់យុវវ័យដែលមានអាយុ ១១–១៨ ឆ្នាំ និង ទស្សនាវដ្តីលីអាហូណាសម្រាប់មជ្ឈិមវ័យ ។
ទស្សនាវដ្តីសកលទាំងនេះនឹងជួយចែកចាយសារលិខិតដែលមានការរួបរួមគ្នាកាន់តែច្រើនសម្រាប់ក្រុមអ្នកអានដ៏ទូលំទូលាយ ។ ភាពងាយស្រួលនេះក៏អនុញ្ញាតឲ្យសាសនាចក្របញ្ជូនអត្ថបទមាតិកាទៅកាន់តំបន់ផ្សេងៗនៃពិភពលោកកាន់តែញឹកញាប់ដែលមិនធ្លាប់មានពីមុនមកផងដែរ ។
តើខ្ញុំអាចជាវដោយរបៀបណា ?
អ្នកអាចជាវនៅលើគេហទំព័រ store.ChurchofJesusChrist.org តាមរយៈមជ្ឈមណ្ឌលចែកចាយក្នុងមូលដ្ឋាន ឬតាមរយៈការទាក់ទងទៅនាយកដ្ឋានសេវាកម្មទូទាំងពិភពលោក ។ សម្រាប់ជំនួយគាំទ្រនៅសហរដ្ឋ និងប្រទេសកាណាដា សូមទូរសព្ទទៅកាន់លេខ ១-៨០០-៥៣៧-៥៩៧១ ។
តើខ្ញុំអាចទទួលបានទស្សនាវដ្តីញឹកញាប់ប៉ុណ្ណាដែរ ?
ចាប់ពីខែ មករា ឆ្នាំ ២០២១ ទស្សនាវដ្តីដែលបោះពុម្ពជាសៀវភៅ និងជាឌីជីថលនឹងមានឲ្យប្រើប្រាស់ជារៀងរាល់ខែ ដែលមានក្នុងភាសាដូចតទៅ ៖ ស៊ីប៊ូអាណូ, ចិន, ចិនសម្រាយ, ដាណឺម៉ាក, ហូឡង់, អង់គ្លេស, ហ្វាំងឡង់, បារាំង, អាល្លឺម៉ង់, ហុងគ្រី, អ៊ីតាលី, ជប៉ុន, កូរ៉េ, ណ័រវ៉េ, ព័រទុយហ្គាយ, រុស្សី, សាម័រ, អេស៉្បាញ, ស៊ុយអែត, តាកាឡុក, ថៃ, តុងហ្គា និង អ៊ុយក្រែន ។
ភាសាដូចតទៅនេះ នឹងមានជាទស្សនាវដ្តីបោះពុម្ព និងជាឌីជីថលនឹងមានជារៀងរាល់ពីរខែម្តង ( ប្រាំមួយដងក្នុងមួយឆ្នាំ ) ៖ អាល់បានី, អាមេនី, ប៊ីស៊ីឡា, ប៊ុលហ្គារី, ខ្មែរ, ក្រូអាត, ឆែក, អេស្តូនី, ហ្វីជី, ក្រិក, អ៊ីស្លង់,ឥណ្ឌូណេស៊ី, គិរីបាទី, ឡាវៀ, លីទុយអានី, ម៉ាឡាកា, ម៉ាស្សែ, ម៉ុងហ្គោលី, ប៉ូឡូញ, រ៉ូមានី, ស្លូវានី, ស្វាហីលី, តាហ៊ីទី និងវៀតណាម ។ បន្ថែមពីលើនេះ មាតិកាទស្សនាវដ្តីដែលបានជ្រើសរើសដែលនឹងមានជាភាសាទាំងនេះជាឌីជីថលក្នុងរយៈពេលប៉ុន្មានខែដែលទស្សនាវដ្តីបោះពុម្ពជាសៀវភៅមិនមាន ។
ភាសាដូចតទៅនេះ នឹងមានមាតិកាទស្សនាវដ្តីដែលបានជ្រើសរើសជារៀងរាល់ខែតែជាឌីជីថលប៉ុណ្ណោះ ៖ អាហ្វ្រិក, អាម៉ារី, អារ៉ាប់, ភូមា, ឆូគី, អ៊ីហ្វក, ហ្វូនី, ហ្សកហ្ស៊ី, ហៃទី, ហឺស, ហិណ្ឌូ, ហិណ្ឌូ (ហ្វីជី), ម៉ុង, អ៊ីកបូ, អ៊ីឡូកាណូ, គីនីវ៉ាន់ដា, កូសារ៉េន, ឡាវ, លីនដាឡា, ម៉ាឡេ, ម៉ាល់តា, នេប៉ាល់, ប៉ាឡាអួន, ផឺនផេន, អេស សូថូ, ស៊ែប៊ី, សូណា, ស៊ីហាឡា, ស្លូវ៉ាគី, តាមិល, តេលេហ្គូ, ហូលីបា, ស្វាណា, ទួរគី, ធ្វី, អ៊ូរឌូ, ហ្សូសា, យ៉ាប៉ាយ, យូរូវ និង ហ្សូលូ ។