Ngaahi FTE Tānaki Maí

ʻE founga fēfē haʻaku ʻeke ha ngaahi fehuʻi fekauʻaki mo ʻeku totongi makasiní?

Ki ha ngaahi fehuʻi fekauʻaki mo hoʻo totongi makasiní, ʻalu ki he store.ChurchofJesusChrist.org pea kumi ʻa e fika ki he feituʻu ʻokú ke ʻi aí ʻi he “Fetuʻutaki Mai Kiate Kimautolu.”

Ko hai te ne lava ʻo maʻu ha makasini paaki taʻetotongi?

Kuo poupouʻi ʻe he Kau Palesitenisī ʻUluakí ʻa e kau taki ʻo e uōtí mo e koló ke nau tokoniʻi ʻa e kāingalotú ke nau maʻu ha makasini paaki pe fakaʻilekitulōnika mei he Siasí ʻi he ngaahi founga ko ʻení:

ʻOatu ha ngaahi makasini ki he kāingalotu toki papitaiso foʻoú: Hili hono papitaiso ʻo e kāingalotu foʻoú, ʻoku totonu ke fakahā kiate kinautolu ʻa e founga ke maʻu ai ʻa e ngaahi makasini ʻa e Siasí ʻi he polokalama Gospel Library pe ʻi he ʻinitanetí. Kapau ʻoku nau saiʻia ʻi ha makasini paaki, ʻe lava ke ʻoange ha ʻū makasini taʻetotongi ki he kau mēmipa foʻoú kae totongi mei paʻanga ʻa e ʻiunití ʻo feʻunga mo ha taʻu ʻe taha.

ʻOange ʻa e ʻū makasiní ki he toʻu tupú mo e fānaú: ʻI hono ngāue ʻaki e paʻanga ʻa e ʻiunití, ʻoku totonu ke fakaʻatā e totongi makasiní ki he fānau mo e toʻu tupu kotoa pē ʻoku maʻulotu taʻe ʻi ai ha mātuʻa pe tauhi fānaú.

ʻE founga fēfē haʻaku fakahū ha fakamatala, ko ha fakakaukau, pe fevahevaheʻaki ki he ʻū makasiní?

Ke fakahū ha fakamatala, fakakaukau, pe fevahevaheʻaki ki he ʻū makasiní, fakaʻaongaʻi e ngaahi fehokotakiʻanga ʻi laló:

Liahona: Fakahū e ngaahi fakamatalá, fakakaukaú, mo e fevahevaheʻaki ki he Liahoná ʻi he ʻinitanetí.

YA Fakauiké: Fakahū e ngaahi fakamatalá, ngaahi fakakaukaú, mo e fevahevaheʻakí ki he YA Fakauike ʻi he ʻinitanetí.

Ki Hono Fakamālohia ʻo e Toʻu Tupú: Fakahū ʻi he ʻinitanetí e ngaahi fakamatalá, fakakaukaú, mo e fevahevaheʻakí ki he Ki Hono Fakamālohia ʻo e Toʻu Tupú ʻi he ʻinitaneti pe ʻīmeili mai ʻi he [e-mail].

Kaumeʻa: Fakahū mai e ngaahi fakamatalá, fakakaukaú, mo e fevahevaheʻaki ki he Kaumeʻá ʻi he ʻinitaneti pe ʻīmeili mai ʻi he [e-mail].

Ko e hā naʻe liliu ai e Ensign mo e New Era?

Kuo laui taʻu ʻa hono pulusi ʻe he Siasí ʻa e ngaahi makasini ʻe tolu ʻi he lea faka-Pilitāniá (Kaumeʻa, New Era, mo e Ensign), kae pehē ki ha makasini ʻe taha ne liliu ki he ngaahi lea fakafonua kehé (Liahona).

Ne kamata ʻi Sānuali 2021 ʻa hono fetongi ʻo e ngaahi makasini ko ʻení ʻaki e ngaahi makasini ʻe tolu ʻe tokoni fakaemāmani lahi ki he kāingalotú ʻi he ngaahi lea fakafonua kehekehe: ko e Kaumeʻá maʻá e longaʻifānau taʻu 3–11, Ki Hono Fakamālohia ʻo e Toʻu Tupú maʻá e toʻu tupu taʻu 12–18, pea mo e Liahoná maʻá e kakai lalahí.

ʻE tokoni ʻa e ngaahi makasini fakaemāmani lahi ko ʻení ke vahevahe ha ngaahi pōpoaki ʻoku faaitaha angé ʻi ha kau laukonga kehekehe. ʻE hoko foki ʻa e fakatahaʻi ko ʻení ke lava ai ʻe he Siasí ʻo ʻoatu ʻa e fakamatalá ki he ngaahi tapa kehekehe ʻo e māmaní ʻo tuʻo lahi ange ia ʻi ha toe taimi kimuʻa.

‘Oku anga fefē ʻeku totongi ke u ngāue ʻakí?

Te ke lava ʻo lesisita ʻi he store.ChurchofJesusChrist.org, ko hoʻo senitā tufakiʻanga naunau fakalotofonuá, pe ko e fetuʻutaki ki he Potungāue Tokoni Fakaemāmani Lahí. ʻE lava ke telefoni ʻa kinautolu ʻi he ʻIunaiteti Siteití mo Kānatá ki he 1-800-537-5971.

Ko e hā hono tuʻo lahi ʻa ʻeku malava ke maʻu ha makasiní?

Ne kamata ʻi Sānuali 2021 ʻa e malava ke maʻu he māhina takitaha ʻa e makasini kuo pākí mo e fakaʻilekitulōniká ʻi he ngaahi lea fakafonua ko ʻení: faka-Sepuano, faka-Siaina, faka-Siaina kuo Fakafaingofuaʻí, faka-Tenimaʻake, faka-Hōlani, faka-Pilitānia, faka-Finilani, faka-Falanisē, faka-Siamane, faka-Hungali, faka-ʻĪtali, faka-Siapani, faka-Kōlea, faka-Noauē, faka-Potukali, faka-Lūsia, faka-Haʻamoa, faka-Sipeini, faka-Suēteni, Takāloka, Taileni, faka-Tonga mo e faka-ʻIukuleini.

ʻI he ngaahi lea fakafonua ko ʻení, ʻe malava ke maʻu fakahili māhina (tuʻo ono he taʻu) ʻa e makasini kuo pākí mo e fakaʻilekitulōniká: Faka-ʻAlapēnia, ʻAmalekaia, Pisilama, Pulukālia, Kemipoutia, Koloēsia, Seki, ʻEsitonia, Fisēnia, Kalisi, ʻAisileni, ʻInitonēsia, Kilipati, Lativia, Lifuēnia, Malakasi, Māsolo, Mongokōlia, Pōlani, Lumēnia, Siluvenia, Suahili, Tahiti, mo e faka-Vietinemi. ʻIkai ngata aí, ʻe lava ke maʻu e ngaahi fakamatala kuo filifili mei he makasiní ʻi he ngaahi lea fakafonua ko ʻení ʻi he ngaahi māhina ʻoku ʻikai maʻu ai ha makasini kuo pākí.

ʻI he ngaahi lea fakafonua ko ʻení, ʻe maʻu fakaʻilekitulōnika pē ʻi he māhina takitaha ʻa e kanotohi ʻo e makasiní kuo filifili: faka-ʻAfilika, faka-ʻAmaleki, faka-ʻAlepea, faka-Pema, faka-Sūkisi, ʻEfiki, Faniti, faka-Siosiā, faka-Haiti, faka-Hilikeinoni, Hinitī, Hinitī (Fisi), Heimongi, ʻIkipou, ʻIlokano, Kinialuanitā, faka-Kosileieni, faka-Laosi, Lingikala, Malei, faka-Malata, Nepolo, faka-Palau, faka-Ponapei, S. Soto, faka-Sēpia, Souna, Sinihala, Silovaki, Tamila, Teiluku, Silupa, Siuana, faka-Toake, Tuivi, ʻEitu, Siosa, faka-ʻIapisi, Iolipa mo e Sulu.