Lesona 7–14

Talanoaina o a Tatou Fesili

Mo autu fou taitasi ua filifili lau vasega e talanoaina, fautuaina tagata aoga e faaaoga punaoa o loo maua i le Potu o Talafou, Taiala i Tusitusiga Paia, Konafesi Aoao, Fesoasoaniga mo le Olaga, po o itulau o autu . O autu ua filifilia e mafai ona iloa ai po o le a le punavai po o punavai e tatau ona faaaoga. Afai e te lagona o le a faamanuiaina oe po o au tagata aoga mai punaoa faaopoopo, mafaufau e alu i le itulau Taliina o Fesili Faaleaoaoga Faavae, Talafaasolopito, ma Faaleagafesootai lea e aofia ai Helps by Topics ma Gospel Study Links (o loo maua i le ChurchofJesusChrist.org).

Fautuaina tagata aoga e utuvai i taimi uma mai tusitusiga paia ma upu a perofeta ma saili le uunaiga a le Agaga Paia a o latou suesue i autu eseese. O le auivi o loo mulimuli mai o loo faaata mai ai le mamanu ua faavaeina i lesona 4–6 ma ua mamanuina e faaaoga i soo se autu e mananao au tagata aoga e suesue i ai.

Fautuaga mo le Aoao Atu

E faavae i manaoga o tagata aoga, e mafai ona e amataina le vasega i se tasi o mea nei:

• O se aoaoga laitiiti mai le faaopoopoga A

• O se talanoaga “O Le A Se Mea Fou?” e uiga i lipoti o talafou mai le Newsroom (tagai i le pepa tufa atu 1 i le faaopoopoga E)

• O se talanoaga e uiga i le autu o le asō

Talanoa i le Taua o le Autu

Tuu atu i tagata aoga ni nai minute e talanoaina ai pe aisea e talafeagai ai le autu ua latou filifilia i o latou olaga.

Faaloloto le Malamalama

Valaaulia tagata aoga e aoao atili e ala i le suesueina o le Newsroom, Taiala i Tusitusiga Paia, Konafesi Aoao, Fesoasoani mo le Olaga, po o itulau o Autu . Ina ia taialaina talanoaga faavaega, e mafai ona e tuuina atu i tagata aoga le pepa e tufa atu 2, “Faalolotoina o Lo Tatou Malamalama,” o loo maua i le faaopoopoga E. Manatua e fesoasoani i tagata aoga ia vaai i autu taitasi ma se vaaiga e faavavau ma fesili atu pe faapefea e lo latou aoaoina ona aafia ai lo latou faatuatua i le Faaola ma Lana talalelei.

Faamatala

Fai se tasi o gaoioiga o loo maua i pepa e tufa atu 3–5 i le faaopoopoga E, pe mamanu sau oe lava gaoioiga.

Mafaufau ma Faamaumau

Tuu atu i tagata aoga se taimi e mafaufau loloto ai i mea sa latou aoaoina ma lagonaina i le asō. E mafai ona e faaaogaina fesili o loo i le pepa e tufa atu 6, “Manatunatu ma Faamaumau” (o loo maua i le faaopoopoga E), e taiala ai lenei gaoioiga.

Mo Le Isi Taimi

Faailoa le autu na ioe i ai mo le isi vasega. Valaaulia tagata aoga e suesue a le o le Newsroom, Taiala i Tusitusiga Paia, Konafesi Aoao, Fesoasoani mo le Olaga, po o itulau o Autu e sauniuni ai mo le vasega.