Aoaoga laiti 9

Auala e Lototoa ai ae Le o le Faafiamalosi Pe a Talanoaina le Talalelei

Faamatalatala

Faamanatu i le vasega na aoao atu e le Aposetolo o Paulo le talalelei ma le lototele maoae ma le talitonu maumaututu. Sa ia tautino mai i se tasi taimi, “Ou te le ma i le talalelei ia Keriso” (Roma 1:16). E mafai ona tatou faapea o Paulo o se faiaoga lototoa. Na fautuaina e Alema lona atalii o Sepulona e “faaaoga le lototoa, ae le o le faafiamalosi” i talanoaga o le talalelei (Alema 38:12). Faailoa atu i tagata aoga e i ai ni mea patino e mafai ona tatou faia ina ia tatou lototoa lelei ai ma aloese mai le taumamao mai le maasiasi ae ia aloese foi i mailei o le fiamalosi. Faaali atu ma faitau leotele lapataiga nei:

• Tatou te soona ta‘u atu pe a tatou tautino atu le malamalama e sili atu nai lo mea ua faaalia mai e le Alii e ala mai i perofeta anamua ma aso nei. E le lava ona [tatou] ta‘u atu pe a tatou tuuina atu upumoni autu o le talalelei i auala e le manino, le mautonu, pe le mautinoa.

• Ua tatou tamau pe a tatou faailoa atu o tatou manatu e pei o ni mea moni e le mafai ona finauina ma le mafai ona masalomia pe a leai ni tali manino. Tatou te palaai pe a tatou le tutu atu mo mea ua tatou iloa e moni.

• Afai tatou te le iloa se tali i se fesili, o le tali sili lava o le fai atu o se tala e pei o le “Ou te le o mautinoa,” “Ou te le iloa,” po o le “Lelei le fesili; sei o tatou aoao atili faatasi e uiga i lena mea.”

Ituaiga

Toe iloilo koluma muamua e lua o loo i le siata lenei faatasi ma tagata aoga e fesoasoani ai ia i latou e vaai i faafitauli i le soona lafoaia, manatu faatauvaa, ma le le fiafia po o le matamuli. Ona faaaoga lea o le koluma “Toefaaupu” e faapupula ai pe faapefea ona tatou faia le uluai faamatalaga ia toa ae le o le faafiamalosi.

Faamatalaga	Faafitauli	Toefaaupu
Faamatalaga Ua i ai i taitai o le Ekalesia le pule paia, ma po o le a lava le mea na latou fai mai ai o le aoaoga faavae aloaia lea mo le Ekalesia.	Faafitauli O le vaega ua faatusilima o loo mulimuli mai o se faataitaiga o le soona ta‘u atu: “Ua i ai i taitai o le Ekalesia le pule paia, ma po o le a lava le mea na latou fai mai ai o aoaoga faavae aloaia mo le Ekalesia.” Pe a tatou soona tali atu, e mafai ona tatou fatuina ni faamoemoega le moni mo i tatou lava ma isi.	Toefaaupu Ua i ai i taitai o le Ekalesia le pule paia, ma a latou saunoa i le tofi o lo latou valaauga i lalo o le uunaiga a le Agaga Paia, e mafai ona tatou aoaoina le mafaufau ma le finagalo o le Alii (tagai Mataupu Faavae ma Feagaiga 68:3–4; 2 Peteru 1:21). Peitai, e le o mea uma na ta‘ua e taitai ua mavae po o taitai o le Ekalesia o loo i ai nei ua ta’ua o “aoaoga faavae aloaia” mo le Ekalesia. O la tatou aoaoga faavae e le faatapulaaina i nisi o faamatalaga lē manaia pe tuufua. Ae, o aoaoga faavae o le Ekalesia e le aunoa ona aoao atu ma e uso uma o le Au Peresitene Sili ma le Korama a Aposetolo e Toasefululua (tagai “How can I know if something I hear is ‘official doctrine’?,” New Era, Fep. 2017, 41).
Faamatalaga O aoaoga a le Ekalesia e uiga i le faaipoipoga e foliga mai ua leva. Atonu e i ai se aso o le a ogatasi ai taitai o le Ekalesia ma le lalolagi ma faamaonia le faaipoipoga a le itupa e tasi.	Faafitauli O lenei faamatalaga ua le lava ona ta‘u atu e ala i le taulimaina o le aoaoga faavae o le faaipoipoga e le tumau ma e oo ai i suiga i le lalolagi.	Toefaaupu Ou te iloa sa tele ni suiga i lo tatou sosaiete i tausaga talu ai nei e faatatau i le faaipoipoga ma le aiga. Ou te faafetai ua tuuina mai e le Au Peresitene Sili ma le Korama a Aposetolo e Toasefululua ia i tatou le taitaiga manino ina ua latou fai mai, “O le faaipoipoga i le va o se alii ma se tamaitai ua faauuina e le Atua” (“O Le Aiga: O Se Folafolaga i le Lalolagi,” ChurchofJesusChrist.org).
Faamatalaga E sese le talitonuga o le faagasologa o le tupuga ae o le tagata. E tetee i ai le Ekalesia. O se tasi e talitonu i le faagasologa o le tupuga ae o le tagata e le tatau ona talitonu o le Atua o le Foafoa.	Faafitauli O lenei faamatalaga ua soona ta‘u atu ona e lei faaalia auiliili mai e le Alii le ala na Ia foafoaina ai mea uma, o lea tatou te le iloa ai pe o le a foi le tele o vaega o le teori o le tupuga ae o le tagata e ogatusa ma le Foafoaga. Mo lenei mafuaaga, e lei i ai se tulaga aloaia o le Ekalesia e faatatau i le teori o le tupu ae o le tagata (tagai “What Does the Church Believe about Evolution?,” New Era, Oct. 2016, 41). E faapea fo’i ona tamau aua ua faaleaoga ai se fesili fa’asaienisi e aunoa ma se fa’amaoniaga.	Toefaaupu Sa i ai ni a‘u lava fesili e uiga i le tupuga ae o le tagata Mai mea e mafai ona ou iloa, e le‘i i ai se tulaga aloaia o le Ekalesia i lenei autu. Ou te le o nofouta i soo se faaaliga e uiga i le tupuga ae o meaola. O le mea ua ou aoaoina mai la‘u suesuega e faapea o le Atua o le Foafoa o le lalolagi, ma sa Ia foafoaina Atamu ma Eva i Lona lava faatusa (tagai Autu, “Foafoaga,” ChurchofJesusChrist.org).
Faamatalaga Ioe, ou te iloa e moni le Tusi a Mamona. O loo i ai ni aoaoga lelei. Ae e tofu tagata uma ma a latou lava upumoni. O lea ou te le faapea atu ai e sili atu ona taua nai lo se isi lava tusi e mafai ona e faitauina.	Faafitauli O lenei faamatalaga ua le lava ona ta‘u atu ai le taua ma le mana o le Tusi a Mamona. O loo aumaia ai le Tusi a Mamona i se ala palaai .	Toefaaupu Ioe, ou te iloa e moni le Tusi a Mamona. Ou te talitonu o le afioga a le Atua. Faatasi ai ma le Tusi Paia, o se molimau mamana ia Iesu Keriso. O loo aoao mai ai upumoni e faavavau e mafai ona suia ai lou olaga.

Faaaoga

Tuu atu i tagata aoga le tufaaga lenei, ma valaaulia i latou e faatumu le siata. E mafai ona e fai atu i tagata aoga e galulue i ni paga pe faia i ni vaega toalaiti.

Toefaaupuina o Faamatalaga e Aloese ai mai le Soona Ta‘u Atu, Le Lava ona Ta‘u Atu, Tamau, po o le Palaai

Taliina o A‘u Fesili o le Talalelei—Aoaoga laiti 9: Auala e Lototoa ai ae Le o le Faafiamalosi pe a Talanoaina le Talalelei

Faamatalaga	Faafitauli	Toefaaupu
Soo se tasi na i ai se faapau pepe ua ta‘usalaina i le fasioti tagata. O le a latou le o lava i le malo selesitila.
O le tulafono o le legavia e matuai ogaoga lava. E leai se tasi e ola moni ai. Ou te mautinoa afai e te alofa moni i se tasi, e le afaina i le Atua pe afai e te lua feusuai.
O le aofai o tagata e te papatisoina i lau misiona e fuafua lea i lou faatuatua. O le tele o lou faatuatua, o le tele foi lena o au papatisoga.
Afai e te auai i le Ekalesia ma ola i le talalelei, o le a faigofie lou olaga ma o le a itiiti ou luitau.

© 2022 Puletaofia e le Intellectual Reserve, Inc. Ua taofia aia tatau uma.

Toefaaupuina o Faamatalaga e Aloese ai mai le Soona Ta‘u Atu, Le Lava le Ta‘u Atu, Tamau, po o le Palaai

A lava le taimi, tuu atu i tagata aoga le avanoa e faasoa mai ai mea sa latou aoaoina pe fai ni fesili.