“Giya alang sa Dali nga Pagsugod: Pagtubag sa Akong mga Pangutana sa Ebanghelyo––Relihiyon 280,” Giya alang sa Dali nga Pagsugod: Pagtubag sa Akong mga Pangutana sa Ebanghelyo––Relihiyon 280 (2022)

“Giya alang sa Dali nga Pagsugod,” Giya alang sa Dali nga Pagsugod: Pagtubag sa Akong mga Pangutana sa Ebanghelyo––Relihiyon 280 (2022)

Giya alang sa Dali nga Pagsugod

Pagtubag sa Akong mga Pangutana sa Ebanghelyo––Relihiyon 280

Pasiuna

Ang Pagtubag sa Akong mga Pangutana sa Ebanghelyo usa ka talagsaon nga kurso sa institute nga nagtugot sa mga estudyante sa pagpili og may kalabotan sa ebanghelyo nga mga hilisgotan nga ilang makita nga mahinungdanon ug gusto nga hisgotan. Ang mga magtutudlo wala gilaoman nga mahimong mga eksperto sa unod sa mga hilisgotan nga gipili sa mga estudyante. Hinuon, ang mga estudyante ug mga magtutudlo dungan nga magkat-on. Ang mga magtutudlo mogamit og gibase sa baroganan nga proseso sa pagkat-on nga makatabang sa pagpahigayon og bukas, tinud-anay, ug makabayaw nga diskusyon.

Pagsugod

Sa dili ka pa magsugod niini nga panaw uban sa imong mga estudyante, himoang pamilyar ang desinyo sa kurso. Ang pagbuhat niiining nag-una nga mga lakang makapaniguro nga ikaw ug ang imong mga estudyante magsugod niini nga panaw sa pagkat-on ngadto sa eksakto nga direksiyon ug sa lig-on nga pundasyon:

Lakang 1: Ang Kinatibuk-ang Pagpasabot.Rebyoha ang talaan sa mga sulod ug basaha ang pasiuna. Dayon irekord ang unsay labing nakapahinam kanimo bahin niini nga kurso ug bisan unsa nga mga kabalaka nga ikaw anaa.

Lakang 2 Ang mga Sangpotanan sa mga Nakat-onan.Pangitaa ang mga sangpotanan sa nakat-onan diha sa leksiyon 1, ug ikonsiderar sa unsang paagi nga ang pagsunod kanila makapalig-on sa hugot nga pagtuo sa imong mga estudyante diha kang Jesukristo ug sa Iyang gipahiuli nga Simbahan.

Lakang 3 Giya nga mga Baroganan.Rebyoha ang leksyion 1–3, ug pangitaa ang labing mahinungdanon nga mga baroganan nga gitudlo niini nga mga leksiyon. Dayon hinuklogi sa unsang paagi nga ang paggamit niini nga mga baroganan makapahimutang sa mga diskusyon sa imong klase diha sa lig-on nga pundasyon sa dihang maghisgot og lisod nga mga hilisgotan.

Lakang 4: Usa ka Sundanan alang sa Pagkat-on.Adto sa leksiyon 4 ug ilha ang “sundanan alang sa pagkat-on” nga mogiya sa imong mga diskusyon sa klase. Ikonsiderar ngano nga tingali importante ang paggamit niini nga sundanan samtang nagtudlo sa leksiyon 4–6, sa dili pa magsugod ang imong mga estudyante sa pagpili sa ilang kaugalingon nga mga hilisgotan sa leksiyon 7–14.

Lakang 5: Mubo nga mga Pagbansay [Microtrainings].Basaha ang pasiuna alang sa mubo nga mga pagbansay diha sa Apendiks A. Himoa nga pamilyar sa matag mubo nga pagbansay. Hunahunaa unsaon ug kanus-a nimo kini gamiton aron mas manindot ang kasinatian sa pagkat-on sa imong mga estudyante.

Hisgoti Kini

Pagtakda og oras sa pakig-istorya sa imong koordinitor o direktor sa institute bahin niini nga kurso. Ipakigbahin kaniya ang imong mga pangutana ug mga kabalaka. Sa kinatibuk-an sa kurso, duol sa imong koordinitor o direktor sa institute kon gikinahanglan.