Itulau Tomua o le Tusi a Mamona

Itulau Autu

O le Faamoemoega o le Tusi a Mamona

O Moronae, le atalii o Mamona, o loo tusitusi i luga o papatusi auro

Aisea tatou te manaomia ai le Tusi a Mamona a o lea ua i ai afioga a le Atua i le Tusi Paia? I le itulau autu o le Tusi a Mamona, o loo fesoasoani mai ai le perofeta o Moronae ia i tatou ia malamalama i le pogai e taua tele ai le Tusi a Mamona. O lenei lesona ua faamoemoe e fesoasoani ia te oe e malamalama ai ma faamatala ia faamoemoega o le Tusi a Mamona.

O le taua o le iloaina o se faamoemoega o se mea

Na e vaai ea muamua i se meafaigaluega e pei o lea o loo faaalia i le ata? Vaai faalemafaufau i le tatau ai ona faamalamalama le faamoemoega ma le taua o se meafaigaluega e le masani ai se isi tagata.

Ata o le vaai-fetū

• Aisea e fesoasoani ai le iloa ma malamalama i le faamoemoega po o le taua o se mea a o lei faaaogaina pe faasoa atu i isi?

• E faapefea ona fesootai lenei mea i le malamalama ai i le faamoemoega ma le taua o le Tusi a Mamona?

Mafaufau pe faapefea sou lagona to’a i le faamatalaina o le faamoemoega ma le taua o le Tusi a Mamona i se tasi e leai sona malamalama i ai. A o e suesue lenei lesona, vaavaai mo mea e fesoasoani e te malamalama ai i le faamoemoega ma le taua o le Tusi a Mamona ma le ala e te faasoa atu ai lou malamalama i isi.

Malamalama ai i le faamoemoega ma le taua o le Tusi a Mamona

Kopi le fuaiupu le uma lenei i lau api faamaumau o suesuega.

O le Tusi a Mamona na tusia mo …

O le itulau autu o loo i ai upu mulimuli na tusia e Moronae i le lautusi mulimuli o papatusi auro. Faitau le itulau autu ma parakalafa muamua e tolu o le faatomuaga o le Tusi a Mamona. Vaavaai mo ni auala e faauma ai le fuaiupu o loo i luga. E ono fesoasoani fesili nei a o e faia lenei mea.

• O ai na tusia i ai le Tusi a Mamona?

• O ai e faatatau i ai le tusi a Mamona?

• Aisea na tusia ai le Tusi a Mamona?

(Mo nisi faamatalaga, tagai “O Se Faamalamalamaga Puupuu e uiga i le Tusi a Mamona” i le itulau tomua.)

Na molimau mai Elder Ulisses Soares o le Korama a Aposetolo e Toasefululua i le faamoemoega o le Tusi a Mamona.

Elder Ulisses Soares

Ou te molimau atu o le Tusi a Mamona o le meafaigaluega lea a le Atua ina ia faataunuu ai le faapotopotoina o Isaraelu i o tatou aso ma ia fesoasoani ai i tagata ia iloa Lona Alo, o Iesu Keriso. (Ulisses Soares, “O Le Oo Mai o le Tusi a Mamona,” Liahona, Me 2020, 35)

• O le a se mea ua e aoaoina mai i au lava suesuega faapea ma le saunoaga a Elder Soares e uiga i faamoemoega o le Tusi a Mamona?

O se tasi o upumoni atonu na e faailoaina mai e faapea o le Tusi a Mamona na tusia e fesoasoani ai e faapotopoto Isaraelu ma faatalitonu tagata uma o Iesu o le Keriso.

• O le a se faamaoniga ua e vaaia i lenei mea i le parakalafa lona lua o le itulau autu?

Filifili se tasi o gaoioiga nei e faamaea.

Gaoioiga A: O le Tusi a Mamona ua faamoemoe e fesoasoani e faapotopoto Isaraelu

O le Tusi a Mamona e tele ina faasino i le feagaiga na faia e le Alii e faapotopoto ai Isaraelu. Faitau le saunoaga a Peresitene Russell M. Nelson ma le lua pe tolu o mau o loo i lalo.

Peresitene Russell M. Nelson

[I] le Tusi a Mamona, o le a e aoaoina ai le aoaoga faavae o le faapotopotoina, upumoni e uiga ia Iesu Keriso, Lana Togiola, ma le atoaga o Lana talalelei e le o maua i le Tusi Paia. O le Tusi a Mamona e totonugalemu i le faapotopotoina o Isaraelu. O le mea moni, pe ana leai le Tusi a Mamona, o le a le tupu le faapotopotoina folafolaina o Isaraelu. (Russell M. Nelson ma Wendy W. Nelson, “Faamoemoe o Isaraelu [faigalotu a le autalavou i le lalolagi, 3 Iuni, 2018],” faaopoopoga i le New Era ma le Ensign, 13, ChurchofJesusChrist.org)

• 1 Nifae 15:14–18

• 1 Nifae 22:11–12

• 2 Nifae 29:14

• Mamona 9:36–37

• Moronae 10:31

• O le a sou manatu e faapefea ona fesoasoani le Tusi a Mamona e faapotopoto Isaraelu?

Mafaufau loloto pe na faapefea ona fesoasoani le Tusi a Mamona ia te oe po o isi ina ia faapotopotoina atu i le Ekalesia moni a Iesu Keriso. Mafaufau e tusifaamaumau faamanuiaga ua oo mai ona o lenei faapotopotoina.

• Faamata e faapeī ona ese lou olaga e aunoa ai ma le Tusi a Mamona?

• O ai e mafai ona e faasoa atu i ai le Tusi a Mamona?

Gaoioiga E: O le Tusi a Mamona ua faamoemoeina na te faatalitonu tagata uma o Iesu o le Keriso

Manatunatu toto’a i mea ua e iloa e uiga ia Iesu Keriso ma le ala ua aafia ai la oulua sootaga ma Ia i le Tusi a Mamona. Ona faaalu lea o sina taimi e lisi ai ni mau se lua pe tolu mai le Tusi a Mamona o loo aoaoina ai oe e uiga ia Iesu Keriso. Afai e te manaomia se fesoasoani, tagai i le “Iesu Keriso” i le faasino upu i le fusitolu po o le Tusi a Mamona.

• O a ni mea o fesoasoani nei fuaiupu ia oe e malamalama ai e uiga ia Iesu Keriso?

aikona, faamaumau

1. Faamaea le gaoioiga lenei:

   Vaai faalemafaufau i le talanoa atu ai i se uo e le masani i le Tusi a Mamona pe e le o lagonaina sona aoga tele. O le a se mea e mafai ona e faasoa atu i lenei tagata e uiga i le Tusi a Mamona ma lona faamoemoega? Mafaufau e faaaofia ai aafiaga patino, fasifuaitau mai le itulau autu ma le faatomuaga, po o soo se mau faasino mai le Tusi a Mamona e te lagona atonu e aoga.

Tuu i le Faitalia: O e Manao e Aoao Atili?

O a isi punaoa e mafai ona fesoasoani ia te au e malamalama ai i le Tusi a Mamona ma ona faamoemoega?

O vitio nei, o loo maua i le ChurchofJesusChrist.org, e fesoasoani e faamalamalama le natura ma faamoemoega o le Tusi a Mamona.

• “O le Itulau Autu ma le Faaliliuga o le Tusi a Mamona” (6:04)

• O le A le Tusi a Mamona? O se Vaaiga Aoao e 60-Sekone” (1:13)

• “Ua Faasaoina e Moronae le Talafaamaumau mo Aso e Gata Ai” (3:26)

O le a le uiga o nisi o faaupuga o loo i le itulau autu ?

O faauigaga nei e mafai ona fesoasoani e te malamalama ai i nisi o faaupuga mai le itulau autu o le Tusi a Mamona.

• O Le Aiga o Isaraelu e faatatau i e tupuga mai ia Aperaamo, Isaako, ma Iakopo. E le gata i lea, o le aiga o Isaraelu e aofia ai i latou e le o ni suli moni mai ia Aperaamo, Isaako, ma Iakopo ae ua taliaina le savali o le talalelei toefuataiina ma o mai i le Ekalesia toefuataiina e ala i feagaiga ma sauniga e tatau ai.

• O Tagata Iutaia na muai faatatau lava i soo se tasi mai le ituaiga o Iuta (o se tasi o ituaiga e sefululua o Isaraelu). Peitai, o tusitala i le Tusi a Mamona, sa tele ina latou faaaogaina lenei faaupuga e faasino ai ia i latou uma o e sa nonofo i le Malo i Saute o Iuta i taimi o le Feagaiga Tuai (2 Nifae 30:4; 33:8), e ui atonu o i latou o ni e tupuga mai i isi ituaiga o Isaraelu (Alema 10:3). E faatatau foi i “tagata o ola i tapuaiga, ituaiga o olaga, ma tu ma aga faa-Iutaia ae atonu o se Iutaia i lona fanau mai pe leai foi” (Taiala i Tusitusiga Paia, “Tagata Iutaia, “Jews,” scriptures.ChurchofJesusChrist.org).

• Nuuese o lona uiga “o atunuu” (Bible Dictionary, “Gentile”). “O nisi taimi e faasino i tagata e le o ni o le gafa o Isaraelu, o nisi taimi o tagata e le o ni gafa o Iutaia, ma o nisi foi taimi o malo e aunoa ma le talalelei, tusa lava pe o i ai se toto Isaraelu i tagata. O lenei faaaogaina mulimuli e faapitoa lava le uiga o le upu e pei ona faaaogaina i le Tusi a Mamona ma le Mataupu Faavae ma Feagaiga” (Taiala i Tusitusiga Paia, “Gentiles,” scriptures.ChurchofJesusChrist.org).

• O se otootoga o se tusiga o se mea ua faapuupuu.

• O se toe vaega o se vaega o totoe.

Aisea e taua tele ai le Tusi a Mamona?

Ina ia malamalama i le aafiaga taua o le Tusi a Mamona i le tele o olaga o tagata, mafaufau e suesue le savali a Peresitene Russell M. Nelson “O Le Tusi a Mamona: Faamata e Faape’i Lou Olaga e aunoa ma Ia?” (Liahona, Nov. 2017, 60–63). Ia gauai atu i le vaega “Lisi a Peresitene Nelson o le Tusi a Mamona” i le faaiuga o le savali.

Na faape’i foliga o le uluai itulau autu o le Tusi a Mamona?

E mafai ona e maimoa i se ata o le itulau autu i le tusiga a le lomitusi iinei.

E mafai ona e maimoa i se ata o le itulau autu i le lomiga muamua o le Tusi a Mamona iinei.