Atamai i Aoaoga Faavae Iloiloga 11

Tauloto ma Malamalama

tagata aoga o loo sii le lima e fai atu se fesili

O le taulotoina o fuaitau o le atamai i aoaoga faavae ma le malamalama i le aoaoga faavae latou te aoaoina e mafai ona valaaulia ai le Agaga Paia i lou olaga ma fesoasoani ia te oe ia avea atili e faapei o Iesu Keriso. O lenei lesona ua faamoemoe e fesoasoani ia te oe e tauloto fuaitau autu o mau mai fuaitau muamua e 12 o le atamai i aoaoga faavae o le Tusi a Mamona ma saili le malamalama atili e ala i le fesili atu ma le taliina o fesili musuia.

Tauloto mau faasino ma fasifuaitau autu o mau

Faaaoga le siata lenei e iloilo ai fuaitau muamua e 12 o le atamai i aoaoga faavae i le Tusi a Mamona. Filifili ni fasifuaitau autu o mau se lua pe tolu e te lei taulotoina. I luga o se fasipepa po o totonu o lau api talaaga mo suesuega, tusi ai le mau faasino ma le fasifuaitau autu o le mau a o fai leotele ia upu. Toe fai le faagasologa lenei mo ni nai taimi seia oo ina mafai ona e taulotoina le fasifuaitau atoa mai le mafaufau. Ona see atu lea i le isi au fuaitau.

Fuaitau ma Fasifuaitau Autu Muamua e 12 o le Atamai i Aoaoga Faavae

Tusi Lesona a le Faiaoga o le Tusi a Mamona (2024)

Mau Faasino	Fasifuaitau Autu o le Mau
Mau Faasino 1 Nifae 3:7	Fasifuaitau Autu o le Mau “O le a ou alu ma fai mea ua poloaiina e le Alii.”
Mau Faasino 2 Nifae 2:25	Fasifuaitau Autu o le Mau “Na pa’ū Atamu ina ia i ai tagata; ma ua i ai tagata, ina ia latou maua le olioli.”
Mau Faasino 2 Nifae 2:27	Fasifuaitau Autu o le Mau “Ua latou saoloto e filifili le saolotoga ma le ola e faavavau … pe … [o] le faatagataotauaina ma le oti.”
Mau Faasino 2 Nifae 26:33	Fasifuaitau Autu o le Mau “Ua tutusa tagata uma i le Atua.”
Mau Faasino 2 Nifae 28:30	Fasifuaitau Autu o le Mau O le Atua e “tuu atu i le fanauga a tagata lea fuaitau i luga o lea fuaitau, ma lea mataupu i luga o lea mataupu.”
Mau Faasino 2 Nifae 32:3	Fasifuaitau Autu o le Mau “Ia taumamafa fiafia i afioga a Keriso; aua faauta, o afioga a Keriso o le a taʼu mai ai ia te outou mea uma e tatau ona outou faia.”
Mau Faasino 2 Nifae 32:8–9	Fasifuaitau Autu o le Mau “E ao ina outou tatalo e le aunoa.”
Mau Faasino Mosaea 2:17	Fasifuaitau Autu o le Mau “Pe a outou auauna atu i o outou uso a tagata, ua nao lo outou auauna atu lava lea i lo outou Atua.”
Mau Faasino Mosaea 2:41	Fasifuaitau Autu o le Mau “O i latou o e e tausi i poloaiga a le Atua … e faamanuiaina i latou i mea uma.”
Mau Faasino Mosaea 3:19	Fasifuaitau Autu o le Mau “[Tuu] ese le tagata natura ma [avea] ma tagata paia e ala i le togiola a Keriso le Alii.”
Mau Faasino Mosaea 4:9	Fasifuaitau Autu o le Mau “Ia talitonu i le Atua; … ia talitonu ua ia te ia le poto uma.”
Mau Faasino Mosaea 18:8–10	Fasifuaitau Autu o le Mau Ia “papatisoina i le suafa o le Alii, o se molimau … ua outou ulu atu i se feagaiga faatasi ma ia.”

Faia o ni fesili musuia

O fesili musuia o se vaega taua o le faagasologa o le aoaoina. I le taimi o Lana galuega i la le tino, sa tele ina faia e le Faaola ni fesili na valaaulia ai tagata aoao e mafaufau, lagona, ma faatino ia upumoni sa Ia aoao atu (tagai Mataio 16:13–16; Ioane 6:66–69). Atonu na e maitauina se mātua, faiaoga, po o se taitai o le Ekalesia na faia ni fesili na fesoasoani ia te oe e malamalama atili ai i le talalelei pe faafesootai ai mea o loo e aoaoina i lou lava olaga. O le faia ma le taliina o fesili musuia e mafai ona avea ai le faagasologa o le aoaoina o se aafiaga e sili atu ona faaauai ma anoa mo oe.

E tele ituaiga o fesili eseese. O le asō o le a e maua ai le avanoa e faataitai ai le faia ma le taliina o fesili musuia e fesoasoani ia te oe e malamalama ai i fuaitau o le atamai i aoaoga faavae.

O faataitaiga nei o ituaiga o fesili eseese e mafai ona faaaoga pe a suesue i tusitusiga paia. O fesili mo faataitaiga e faatatau i upumoni o loo aoaoina i le 2 Nifae 32:8–9.

O fesili e fesoasoani ai ia te oe ia malamalama i le matalalaga o mau

• O ai o loo tautala i le 2 Nifae 32:8–9?

• O ai o loo tautala i ai o ia? Aisea?

O fesili e fesoasoani ai ia te oe ia malamalama i le anotusi poo uiga o mau

O nei fesili e mafai ona fesoasoani ia i tatou e faailoa ai aoaoga faavae ma mataupu faavae.

• O le a se mea na faamoemoe le tusitala tatou te aoaoina?

• O le a sou manatu i le uiga o le “tatalo e le aunoa, ma ia le faavaivai”? (2 Nifae 32:9).

O fesili e fesoasoani ai ia te oe e malamalama ai i aoaoga faavae ma mataupu faavae i tusitusiga paia

• O le a sou manatu e mafai faapefea e le tatalo e le aunoa ona aafia ai lo tatou sootaga ma le Tama Faalelagi?

• O le a se mea e mafai ona fesoasoani tatou te manatua ai e tatalo e le aunoa, e tusa lava pe tatou te le fia faia?

aikona, faamaumau

1. Faamaea mea nei:

   Filifili se tasi o fuaitau o le atamai i aoaoga faavae i le va o le 1 Nifae 3:7 ma le Mosaea 18:8–10. Tusi ni fesili se tolu—tasi mo vaega taitasi o i luga—e mafai ona e fesili ai e uiga i le fuaitau o le atamai i aoaoga faavae. Tagai i faataitaiga ua tuanai pe afai e te manaomia se fesoasoani. Tali fesili taitasi e te tusia.

   Mafaufau e suesue lau fuaitau o le atamai i aoaoga faavae na filifilia ma se mātua, tei, po o se uo ma fai atu ia i latou e tali mai i au fesili.