Zotërimi Doktrinor: Alma 41:10

“Ligësia Kurrë Nuk ka Qenë Lumturi”

Tek Alma 41:10, ti mësove se “ligësia kurrë nuk ka qenë lumturi”. Ky mësim mund të të ndihmojë të mësosh përmendsh fragmentin e zotërimit doktrinor dhe frazën kyç të shkrimit të shenjtë për vargun tek Alma 41:10, ta shpjegosh doktrinën dhe të ushtrosh zbatimin, në situata nga jeta reale, e parimeve të marrjes së njohurisë shpirtërore.

Mëso përmendsh dhe shpjego

Për të të ndihmuar ta mësosh përmendsh, përsërite disa herë frazën kyç dhe referencën e zotërimit doktrinor, “Alma 41:10: ‘Ligësia kurrë nuk ka qenë lumturi’”. Përpiqu ta shikosh atë më pak çdo herë që e përsërit. Nëse do të të pëlqente një sfidë shtesë, përpiqu ta mësosh përmendsh të gjithë fragmentin. Mund të jetë e dobishme të përdorësh programin kompjuterik Doctrinal Mastery [Zotërimi Doktrinor].

1. Plotësoje veprimtarinë vijuese:

   Mendo për një situatë ku do të ishte e dobishme për dikë të dinte doktrinën që jepet mësim tek Alma 41:10. Më pas shpjego se si doktrina mund të ndihmojë në atë situatë.

Ushtroje vënien në zbatim

2. Plotësoje veprimtarinë vijuese me përkitje:

   Shqyrtoje secilin prej tre parimeve vijuese të marrjes së njohurisë shpirtërore te Dokumenti Bazë i Zotërimit Doktrinor (2022). Më pas lidhi thëniet A–F me parimin e duhur. Çdo parim ka dy thënie që lidhen me të.

   1. “Vepro me Besim”

   2. “Shqyrtoji Konceptet dhe Pyetjet me një Këndvështrim të Përjetshëm”

   3. “Kërko Kuptueshmëri të Mëtejshme nëpërmjet Burimeve të Caktuara në Mënyrë Hyjnore”

   1. “Presidenca e Parë dhe Kuorumi i Dymbëdhjetë Apostujve – profetët e Zotit në tokë sot – janë një burim jetik i së vërtetës.”

   2. “Kur kërkojmë ta zhvillojmë kuptueshmërinë tonë dhe t’u japim zgjidhje shqetësimeve, është e rëndësishme që ne të mbështetemi te dëshmia që kemi tashmë për Jezu Krishtin.”

   3. “Ne i marrim parasysh [pyetjet] në kontekstin e planit të shpëtimit dhe mësimeve të Shpëtimtarit.”

   4. “Kur mësojmë t’i dallojmë burimet e pabesueshme dhe t’u shmangemi atyre, kjo mund të na mbrojë nga keqinformimi dhe nga ata që përpiqen ta shkatërrojnë besimin.”

   5. “Ne kërkojmë ndihmën e Frymës së Shenjtë, me qëllim që t’i shohim gjërat ashtu sikurse i sheh Zoti.”

   6. “Ndërsa vazhdojmë të kërkojmë përgjigje, duhet të jetojmë sipas besimit – duke mirëbesuar se përfundimisht do t’i marrim përgjigjet që kërkojmë.”

Përgjigjet mund të gjenden në fund të këtij mësimi.

Lexoje skenarin vijues:

Bledi, një anëtar i Kishës, po has vështirësi për të kuptuar rëndësinë e zbatimit të urdhërimeve të Perëndisë. Kohët e fundit ai të tha: “Njoh shumë njerëz që i shkelin urdhërimet dhe duket se kanë jetë shumë të mirë. Si mund të thuash se, për të qenë i lumtur, duhet të zbatosh urdhërimet?” Ti mund ta shohësh sinqeritetin e pyetjes së Bledit, por e ndien se ke nevojë për pak kohë për t’i mbledhur të gjitha mendimet e tua për t’u përgjigjur. Të dy bini dakord të flisni më shumë rreth pyetjes së tij të nesërmen.

Përdore atë që ke mësuar dhe ndier gjatë studimit të vargut tek Alma 41:10 dhe parimet e marrjes së njohurisë shpirtërore për t’u përgatitur për të diskutuar pyetjen e Bledit.

Kërko kuptueshmëri të mëtejshme nëpërmjet burimeve të caktuara në mënyrë hyjnore

1. Shkrimet e shenjta janë burime të caktuara në mënyrë hyjnore që mund të na ndihmojnë t’u përgjigjemi pyetjeve tona. Lexo tek Alma 41:10 dhe gjej të paktën një fragment tjetër të zotërimit doktrinor që mund të të ndihmojë të përgjigjesh.

2. Mendo për disa burime që do ta ftoje Bledin t’i shqyrtonte për informacion shtesë. Mund të shpjegosh madje se çfarë e bën një burim të besueshëm për sa i përket çështjeve shpirtërore.

Shqyrtoji konceptet ose pyetjet me një këndvështrim të përjetshëm

Pyetjet vijuese mund të të ndihmojnë të përcaktosh supozimet që po bën Bledi:

• Çfarë supozimesh mund të ketë ai për urdhërimet ose lumturinë?

• Cilat mësime të ungjillit lidhen ose sigurojnë përgjigje për pyetjen e tij?

• Si mendon, çfarë duhet të dijë Bledi rreth Atit Qiellor, planit të Tij dhe se si Ai i trajton fëmijët e Tij?

Vepro me besim

Bledi mund të veprojë me besim duke u përpjekur t’i kuptojë më mirë urdhërimet e Atit Qiellor. Zgjedhja për t’i zbatuar urdhërimet ndërsa kërkon kuptueshmëri më të madhe rreth rëndësisë së tyre do të ishte gjithashtu të vepruarit me besim. Zgjidh të paktën dy urdhërime dhe përcakto se si zbatimi i tyre mund ta ndihmojë Bledin të përjetojë lumturi ose se si shkelja e tyre mund të çojë në mjerim. Ti mund të tregosh gjithashtu se si zbatimi i këtyre urdhërimeve të ka sjellë lumturi.

2. Shkruaji një përgjigje Bledit. Shpjegoji se si ai mund ta zbatojë secilin nga parimet e marrjes së njohurisë shpirtërore dhe doktrinën që jepet mësim tek Alma 41:10 për të gjetur përgjigje për pyetjen e tij.

Përgjigjet për veprimtarinë me përkitje janë: 1) B, F; 2) C, E dhe 3) A, D.