1 Nifai 16–17

Ol meri long Ples nogat man i stap

Wokabaut wantaim Bikpela

ol meri i wok

Ol pikinini meri bilong Ismael i wokabaut wantaim famili bilong ol long ples nogat man i stap. Wokabaut i bin hat. Bihain long sampela taim, ol i maritim ol pikinini man bilong Lihai na Saraia.

1 Nifai 16:7; 17:1

ol pikinini meri i sore arere long matmat bilong Ismael.

Wanpela de, Ismael i bin dai. Ol pikinini meri bilong em i sore tru. Ol i misim papa bilong ol. Ol pikinini meri i wari olsem ol na ol famili bilong ol bai dai long ples nogat man i stap. Ol i kros long Lihai na Nifai, na ol i laik go bek long Jerusalem.

1 Nifai 16:34–36

ol sista i kamfotim wanpela narapela

Nek bilong Bikpela i toktok long ol pikinini meri bilong Ismael na ol famili bilong ol. Ol i tanim bel, na Bikpela i blesim ol.

1 Nifai 16:39

Saraia wantaim ol yangpela pikinini

Ol meri kisim ol bebi long hap nogat man i stap. Saraia tu i bin kisim tupela moa pikinini man, Jacob na Joseph.

1 Nifai 17:1; 18:7

ol famili i wokabaut

Bikpela i helpim ol meri long wokabaut bilong ol. Em i blesim ol wantaim planti milk bilong ol bebi. Em i helpim ol meri i kamap strong taim ol i wokabaut.

1 Nifai 17:1–3

ol mama na ol pikinini insait long haus sel

Bikpela i tok olsem Em bai lidim ol pikinini meri na ol famili i go long promis len. Bikpela i promis olsem ol famili bai gat olgeta samting ol bai nidim taim ol i wokabaut. Em i mekim ol kaikai ol i painim long bus i gutpela long kaikai, na Em i gaidim ol.

1 Nifai 17:3, 5, 12–14

ol famili long nambis

Bihain long eitpela krismas long ples nogat man i stap, ol famili i kamap long solwara. Ol meri i amamas wantaim ol famili bilong ol. Dispela ples long solwara i luk nais tumas. Ol i kolim Planti bikos em i pulap long ol prut na ol hani bilong kaikai. Bikpela i redim olgeta dispela bilong ol.

1 Nifai 17:4–6