1 Nifae 18

Wan Strong Win long Solwota

Stap Faenem Paoa long Lod

Lod i talem long Lihae se hem i taem blong oli go long sip. Ol famli oli fulumap plante kaekae blong kaekae taem oli stap travel. Afta olgeta evriwan oli go long sip mo sel i go from graon blong promes.

1 Nifae 18:5–8

Afta plante dei long solwota sam long ol pipol oli stat blong nomo gat respek mo gud fasin. Oli fogetem se Lod i bin helpem olgeta.

1 Nifae 18:9

Nifae i wari se maet oli bin mekem Lod i no hapi. Sip blong olgeta bae i no sef sapos oli nogat help blong Lod. Nifae i askem ol brata blong hem blong oli stop.

1 Nifae 18:10

Leman mo Lemyul i kros tumas long Nifae. Oli bin fasem hem mo oli no gud long Nifae. Oli no bin obei long Lod, mo Liahona i stop blong wok. I no longtaem wan strong win i kam. Afta long tri dei long strong win, olgeta evriwan oli fraet se bae oli draon.

1 Nifae 18:10–13

Famli blong Nifae i krae long Leman mo Lemyul blong karemaot rop long Nifae. Be Leman mo Lemyul oli wantem yet blong letem eniwan blong karemaot rop long Nifae. Saraea mo Lihae tufala i harem nogud mo tufala i sik tumas. Strong win i no bin stop.

1 Nifae 18:17–19

Long nambafo dei, Leman mo Lemyul i save se sip bae i draon i no longtaem. Tufala i sakem sin mo karemaot rop long Nifae. Taem Nifae i prea, strong win i stop. Liahona i wok bakegen. Nifae i yusum blong stiarem sip long stret daereksen.

1 Nifae 18:14–15, 20–22

Afta long plante dei, ol famli oli kasem graon blong promes.

1 Nifae 18:23