Alama 51–52

Teanekuma

Pārurura’a i tōna mau ta’ata

E ti’a fa’atere ’o Teanekuma i roto i te nu’u a te tāpena Moroni. Tē tāmata nei ’oia i te pāruru i te mau ’oire ’āti Nephi i te mau ’āti Lamana.

Alama 50:35 ; 52:19

E ’āti Nephi ’o Amalikia tei riro mai ’ei ari’i nō te mau ’āti Lamana. ’Ua hina’aro ato’a ’oia e fa’atere i te mau ’āti Nephi. ’Ua ’aro atu ’oia i te mau ’āti Nephi ’e ’ua haru mai e rave rahi mau ’oire.

Alama 47:1, 35 ; 48:1–4 ; 51:23–28

’Ua haere te nu’u a Teanekuma e ’ōpani i te nu’u a Amalikia ’ia ’aro atu i te mau ’oire ’āti Nephi.

Alama 51:28–30

’Ua ’aro atu te mau nu’u i te mahana tā’āto’a. ’Ua ’aro atu Teanekuma ’e tāna nu’u ma te pūai ’e te ’aravihi hau atu i te nu’u a Amalikia. Aita rā nā nu’u e piti i manuia. I te pōirira’a, ’ua fa’aea nā nu’u e piti i te arora’a ’ia nehenehe ia rātou e fa’afa’aea.

Alama 51:31—32

’Aita rā Teanekuma i fa’afa’aeatāmarū. ’Ua haere ’ōmo’e ’oia ’e tāna tāvini i te pūhapa o Amalikia.

Alama 51:33

’Ua tomo atu Teanekuma i roto i te ti’ahapa o Amalikia. ’Ua taparahi pohe ’oia ia Amalikia, hou Amalikia ’a ara mai ai. ’Ua ho’i atu Teanekuma i tōna pūhapara’a ’e ’ua parau atu i tāna mau fa’ehau ’ia ineine nō te ’arora’a.

Alama 51:33–36

I te arara’a mai te ’āti Lamana, ’ua ’ite atu rātou ē ’ua pohe Amalikia. ’Ua ’ite ato’a rātou ē, ’ua ineine Teanekuma ’e tāna nu’u nō te ’aro ia rātou.

Alama 52:1

’Ua mata’u roa te mau ’āti Lamana ’e ’ua horo ’ē atu rātou. ’Ua fa’atupu te fa’anahora’a a Teanekuma i te mata’u rahi i te mau ’āti Lamana nō te ’aro atu i te tahi atu mau ’oire ’āti Nephi. E taime tō Teanekuma i teienei nō te pāruru maita’i atu ā i te mau ’oire ’āti Nephi. ’Ua ha’a itoito ’oia nō te pāruru i tōna nūna’a. ’Ua nehenehe iāna ’ia pāruru e rave rahi ’oire ’āti Nephi.

Alama 52:2–10