Alma 24; 53; 56–57

Nënat e një Ushtrie të Rinjsh

Mësimdhënia ndaj fëmijëve për t’i mirëbesuar Perëndisë

Anti‑nefi‑lehitët i donin Zotin dhe të gjithë njerëzit. Nënat u mësuan fëmijëve të tyre se mund të mirëbesonin gjithmonë te Perëndia. Ato iu mësuan që t’i zbatonin urdhërimet e Tij.

Alma 26:31–34; 27:12, 27–30; 56:47–48; 57:21, 26

Nefitët dhe lamanitët po bënin një luftë të madhe kundër njëri‑tjetrit. Nefitët po luftonin për të mbrojtur popullin e tyre dhe anti‑nefi‑lehitët.

Alma 48–52; 53:10–13

Për shkak të mëkateve të tyre të kaluara, anti‑nefi‑lehitët kishin bërë një besëlidhje, ose premtim të veçantë, me Perëndinë për të mos luftuar më kurrë ndaj askujt. Por ata i donin nefitët dhe donin të ndihmonin.

Alma 24:6–19; 53:10–13

Anti‑nefi‑lehitët do të shkonin të luftonin. Mirëpo profeti Helamani dhe udhëheqës të tjerë të Kishës i bindën ata se duhej ta mbanin premtimin e tyre për të mos luftuar. Anti‑nefi‑lehitëve iu desh të shikonin miqtë e tyre të kalonin shumë dhembje dhe shqetësime, por e mbajtën besëlidhjen e tyre me Perëndinë.

Alma 53:13–15

Bijtë e anti‑nefi‑lehitëve nuk e kishin bërë premtimin që kishin bërë prindërit e tyre. Tani ata bënë premtimin e tyre se do të luftonin për liri.

Alma 53:16–17

Ata kishin guxim të madh. Ata kishin mësuar nga nënat e tyre se, po të mos dyshonin, Perëndia do t’i mbronte.

Alma 53:20; 56:47

Bijtë besonin te nënat e tyre. Bijtë ishin besnikë ndaj Perëndisë dhe i zbatonin urdhërimet e Tij. Ata mirëbesuan se Perëndia do t’i mbronte ata. Nënat e dinin se Perëndia do t’i mbronte bijtë e tyre.

Alma 53:20–21; 56:47–48; 57:20–21, 26