Alma 24; 53; 56–57

Ol Mama blong wan Yang Ami

Stap tijim ol pikinini blong trastem God

Ol Antae-Nifae-Lihae oli lavem Lod mo evri pipol. Ol mama oli tijim ol pikinini blong olgeta se oltaem oli save trastem God. Oli tijim olgeta blong kipim ol komanmen blong Hem.

Alma 26:31–34; 27:12, 27–30; 56:47–48; 57:21, 26

Ol Man blong Nifae mo Leman oli stap faet agensem olgeta long wan bigfala wo. Ol Man blong Nifae oli stap faet blong protektem ol pipol blong olgeta mo Ol Antae-Nifae-Lihae.

Alma 48–52; 53:10–13

From ol sin blong olgeta blong bifo, Ol Antae-Nifae-Lihae oli bin mekem wan kavenan , o wan spesel promes, wetem God blong oli neva faet bakegen. Be oli lavem Ol Man blong Nifae mo oli wantem help.

Alma 24:6–19; 53:10–13

Ol Antae-Nifae-Lihae bae oli go faet long wo. Be profet Hileman mo ol nara Jos lida oli winim tingting blong olgeta blong oli kipim promes blong olgeta mo bae oli no faet. Ol Antae-Nifae-Lihae oli wajem ol fren blong olgeta oli gotru fulap harem nogud mo trabol, be oli kipim kavenan blong olgeta wetem God.

Alma 53:13–15

Ol pikinini boe blong Ol Antae-Nifae-Lihae oli no bin mekem promes ia we papa mo mama blong olgeta i mekem. Naoia olgeta oli mekem promes long olgetawan blong faet from fridom blong olgeta.

Alma 53:16–17

Oli gat bigfala strong tingting. Oli lanem long mama blong olgeta se sapos oli nogat tu tingting, God bae i proteketm olgeta.

Alma 53:20; 56:47

Ol pikinini boe oli biliv long mama blong olgeta. Ol pikinini boe oli fetful long God mo kipim ol komanmen blong Hem. Oli trastem se Lod bae i kipim olgeta i sef . Ol mama blong olgtea i save se God bae i protektem ol pikinini boe blong olgeta.

Alma 53:20–21; 56:47–48; 57:20–21, 26