Alma 59–62

Kapten Moronae mo Pahoran

Paoa we i kam long God

Ol Man blong Nifae mo Leman oli stap long wo. Moronae hem i kapten blong ol ami blong Ol Man blong Nifae. Ol lida blong Ol Man blong Nifae oli no sendem inaf soldia o kakae. Moronae i kros mo i raetem wan leta i go long Pahoran, lida blong Ol Man blong Nifae.

Alma 59:3–13; 60:1, 3–5

Long leta blong hem, Moronae i askem Pahoran from wanem hem i no sendem help i kam. Moronae i ting se Pahoran i no wantem save long ol pipol mo hem i wantem paoa. Moronae i wantem ol pipol blong hem blong oli fri.

Alma 60

Pahoran i harem nogud from se ol ami oli nogat help. Hem i wantem blong helpem Moronae, be i no save nomo. Sam long Ol Man blong Nifae oli stap agensem hem.

Alma 61:1–4

Ol Man blong Nifae ia oli singaotem olgeta ol man blong king. Oli wantem gat paoa blong olgetawan mo tek ova long ol pipol. Olgeta i tekemaot paoa ia blong stap olsem wan lida long Pahoran.

Alma 51:5; 61:3–5, 8

Pahoran i wantem gohed blong lukaotem Ol Man blong Nifae blong hem i save helpem olgeta. Olsem Moronae, hem i wantem Ol Man blong Nifae blong folem God mo kipim fridom blong olgeta. Hem i wantem tumas blong oli nomo faet wetem eni wan. Be hem i wantem faet sapos hem i blong kipim ol pipol blong hem i sef.

Alma 61:9–14, 19–20

Pahoran i askem Ol Man blong Nifae blong helpem hem blong faet blong protektem ol famli blong olgeta, fridom blong olgeta, mo raet blong olgeta blong wosipim God. Hem i save se Spirit blong God bae i stap wetem olgeta taem oli jus blong faet from wanem i raet. Plante long Ol Man blong Nifae oli kam blong helpem Pahoran blong faet from kantri blong olgeta.

Alma 61:5–7, 14–15

Pahoran i raetem wan leta i go long Moronae. Hem i no kros long Moronae. Hem i talem long Moronae wanem i stap hapen. Hem i askem Moronae blong kam mo helpem hem blong faet agensem ol man blong king. Pahoran i save se sapos oli folem God, oli no nid blong fraet. God bae i protektem olgeta mo helpem olgeta.

Alma 61:9, 14–21

Moronae i fulap wetem hop from fet blong Pahoran. Be hem i harem nogud from se sam long Ol Man blong Nifae oli stap faet agensem ol pipol blong olgetawan mo no stap obei long God. Moronae i tekem wan ami mo i go blong helpem Pahoran. Hem i holem taetol blong fridom evri ples hem i go. Taosen long Ol Man blong Nifae oli mekem desisen ia blong oli faet from fridom blong olgeta.

Alma 62:1–5

Moronae mo Pahoran oli bin winim ol man blong king wetem ol ami blong olgeta. Pahoran i kam lida blong Ol Man blong Nifae bakegen. Moronae i sendem plante man blong helpem ol ami blong Ol Man blong Nifae. Hem i sendem tu kakae i go long ol ami Naoia we Ol Man blong Nifae oli bin kam wan, oli bin winim fulap faet. Oli karembak plante bigtaon blong Ol Man blong Nifae we Ol Man Ol Man blong Leman oli tekem.

Alma 62:6–32