O Nifai na Parofita

Rawata na kaukauwa cecere mai vua na Turaga

Era vakaisulu tu na Nifai ena isulu totoka era butakoca ka dredrevaki ira na tamata

Era veiliutaki ena korolevu o Saraemala e dua na ilawalawa era vakatokai na daubutako i Ketianitoni. Era yalataka mera veivukei vakai ira me ra cakava na veika ca. Era butakoca ka vakararawataki ira na tamata mera rawata kina na ilavo kei na kaukaua. E vuqa vei ira na tamata era sa laki to vata kei ira na daubutako. Era sa vinakata mera vutuniyau.

Ilamani 6:15–24, 38–39; 7:4–5

Sa tekiduru o Nifai ena nona vale cecere ka masu, ka sa vakaraici koya e dua na Nifai

A vakaitikotiko mai Saraemala na parofita o Nifai. A masu vua na Kalou o Nifai baleta ni rarawataka ni ra sega ni muria tiko na tamata na ivakaro ni Kalou. A kerei ira na tamata o Nifai mera nanuma na veika kece e cakava vei ira na Kalou. Ia e vuqa na tamata era a sega ni vakarorogo. Era kauwaitaka ga vakalevu na ilavo kei na kaukaua ka sega ni talairawarawa vua na Kalou.

Ilamani 7:1–22

A vosa o Nifai ki na dua na ilawalawa Nifai mai na vale cecere, ka ra kailavaki koya yani na tamata

A vakasalataki ira na tamata o Nifai me baleti ira na daubutako. A kaya o koya ni dodonu me ra veivutuni. Eso na turaga ni lewa ni Nifai era sa laki to vata kei ira na daubutako. Era sa cudruvi Nifai ka kaya ni lasu tiko. Era vinakata me ra cudruvi Nifai talega na tamata.

Ilamani 7:22–29; 8:1–7

A vosa yani o Nifai ka yalovi ira e ligana.

E kaya o Nifai ni Kalou e tukuna vei ira na Nona parofita e vuqa na ka. A tukuna vei ira o Nifai ni o ira kece na parofita era vakavulica na nona lako mai o Jisu Karisito. E kaya o koya ni ra a vakasalataki ira na tamata na parofita ni na vakarusai o Jerusalemi kevaka era sega ni veivutuni. A vukei ira mera nanuma tiko ni a vakarusai o Jerusalemi.

Ilamani 8:11–25

E vosa o Nifai ki na dua na ilawalawa Nifai, ka ra vakarorogo na tamata

Ena siga ka tarava, era a tarogi Nifai na turaganilewa mera lawakitaki koya kina. A tukuna vei ira o Nifai na ca sa tiko ena kedra maliwa. Eso na tamata era sa vakabauti Nifai ka kila ni sa parofita.

Ilamani 9:19–41

Eso tale era sega ni vakabauta. Era a veiba kece ka qai biubiu. Sa vakasamataka o Nifai na veika a vakavulica vua na Turaga. A rarawa o koya ena vuku ni nodra caka ca na tamata.

Ilamani 10:1–3

Sa tekiduru ka masu ko Nifai, ka serau vua na rarama

Sa vosa vei Nifai na Turaga. A marau o Koya ni a vakavulici ira na tamata o Nifai. Ena vuku ni nona talairawarawa o Nifai, a solia vei koya na Turaga na kaukauwa digitaki me lewa na veika e vuravura kei lomalagi. E kila na Turaga ni na vakayagataka walega o Nifai na kaukauwa me vukei ira na tamata me ra veivutuni.

Ilamani 10:3–12

Sa vosa o Nifai ki na dua na ilawalawa Nifai, ka ra sega ni kauwaitaki koya na tamata se wadravi koya tu ga.

A tukuna na Turaga vei Nifai me lesu tale vei ira na tamata ka tukuna vei ira me ra veivutuni. A sa lako sara o Nifai. Ia era cudruvi koya na tamata ka sega ni vakarorogo.

Ilamani 10:11–15

era vakasaqarai Nifai na tamata yadra, ka sa lako tani mai vei ira ko Nifai

Era a saga me ra biuti Nifai e valeniveivesu. Ia a vukei Nifai na Yalo ni Kalou me dro.

Ilamani 10:15–17

Sa vakaraica tu o Nifai e dua na korolevu sa kama tiko

Sa vakavulica tikoga o Nifai na vosa ni Kalou. Era se sega tikoga ni vakarorogo na tamata. Era sa tekivu veileti ka veivala vakai ira. Era sa vakacataka vakalevu na daubutako na nodra vala. Sega ni dede, sa yaco na ivalu ena veikoro levu yadua. E levu na tamata era sa mavoa se vakamatei. A yalorarawa kina o Nifai. E sega ni vinakata me ra vakarusai na tamata ena ivalu.

Ilamani 10:17–18; 11:1–4

sa mamaca na vanua, sega na ka e tubu, ka sega na wai, ka ra rairai rarawa ka veivukei vakai ira na Nifai

A kerea o Nifai vua na Kalou me vakavuna e dua na dausiga levu me rawa ni ra nanuma na Turaga na tamata ka veivutuni. A sega ni tau na uca ena vuqa na yabaki. Sa mamaca na qele, ka sega ni tubu rawa na iteitei. Era sa ra viakana na tamata. Era sa muduka na veivala ka tekivu me ra nanuma na Turaga. Era sa veivutuni na tamata ka vakasevi ira laivi na daubutako.

Ilamani 11:3–7, 9–10

Sa masu o Nifai, sa tau tiko na uca, ka ra matadredredre na Nifai ka vakavinavinaka vua na Kalou

Era a kerei Nifai na tamata me masu vua na Turaga. A raica o Nifai ni ra sa veivutuni ka ra sa yali na daubutako. A kerea vua na Turaga me tala mai na uca. A sauma na Turaga na masu nei Nifai. Sa tau mai na uca, ka sa tekivu me tubu na iteitei. Era vakavinavinaka vua na Kalou na tamata. Era kila ni sa parofita o Nifai ka tu vua na kaukauwa cecere mai vua na Kalou.

Ilamani 11:8–18