Jisas I Visitim Ol Pipol

Stap helpem ol pipol blong biliv long Hem.

wan famli i stap lukluk long skae, mo ol nara pipol long bigtaon oli stap raorao

Plante long ol pipol oli no lisin long ol profet blong God. Be samfala pipol oli biliv long wanem ol profet oli bin tijim. Olgeta we oli biliv oli stap wet long ol saen blong ded blong Jisas Kraes.

3 Nifae 7:16–26; 8:1–4

laetning, ol hariken,wota i fulap, ol etkwek, mo ol faea i prapa spolem gud wan bigtaon

Afta we Jisas i ded long Jerusalem, ol saen ia oli stat. Long olgeta long Amerika, i gat ol hariken, ol etkwek, mo ol faea blong tri aoa. I bin prapa spolem gud plante bigtaon, mo plante pipol oli bin ded. Afta i bin gat tudak blong tri dei.

3 Nifae 8:5–19, 23

wan i traem blong laetem faea, be i no laet nomo mo evri ples i tudak.

Ples i tudak tumas ol pipol oli no save luk san, mun, o ol sta. Oli no save laetem ol faea o ol kandel.

3 Nifae 8:20–23

ples i dak yet, pipol oli stap helpem olgeta gotru long bilding we i brok mo wan man i stap krae mo prea

Plante long ol pipol we oli laef oli harem nogud mo oli fraet. Oli krae mo oli harem nogud from oli no bin sakem sin hariap.

3 Nifae 8:24–25

ples i dak yet, pipol oli lukluk i go antap long skae, mo wan we i stap prea i stop blong krae.

Wantaem nomo, oli harem wan voes. Hem i Jisas i stap toktok long olgeta. Hem i promes blong hilim evriwan we oli sakem sin blong olgeta. Jisas i talem long olgeta se Hem i ded mo i laef bakegen blong helpem evri pipol. Ol pipol oli sapraes tumas mekem se oli stop blong krae. Ples i kwaet long kantri ia blong plante aoa.

3 Nifae 9; 10:1–2

ol famli oli sidaon raon long sekol mo oli smael, mo i nomo tudak

Jisas i toktok bakegen. Hem i talem long ol pipol se bae Hem i helpem olgeta sapos oli jusum blong folem Hem. Tudak i kamaot, mo wol i stop blong muvmuv. Ol pipol oli glad mo oli presem Jisas.

3 Nifae 10:3–10

wan bigfala grup blong pipol oli raonem tempol, mo oli lukluk i go long skae taem ol dak klaod oli stat blong soem laet

Afta wan yia, plante pipol i kam long tempol long graon blong Baontiful. Oli tokbaot Jisas mo ol saen blong ded blong Hem. Taem oli stap toktok, oli harem wan kwaet voes long heven. Long fas ples, oli no bin andastanem. Afta oli harem bakegen.

3 Nifae 8:5; 10:18; 11:1–4

Jisas Kraes i stap kam daon long skae, mo ol pipol oli hapi mo oli welkamem Hem

Taem oli harem voes ia nambatri taem, oli lukluk go antap long heven. Hem i Papa long Heven i stap toktok. Hem i talem long ol pipol blong oli luk mo lisin long Pikinini Boe blong Hem. Afta ol pipol oli luk wan man long waet klos i stap kam daon long heven.

3 Nifae 11:5–8

Jisas Kraes i stanap long medel blong ol pipol, mo ol pipol oli kam long Hem mo tajem ol mak blong nil long han blong Hem

Man ia i stanap long medel blong ol pipol mo i talem, “Mi, Mi Jisas Kraes.” Ol pipol oli foldaon i go long graon. Jisas i talem long olgeta se Hem i bin safa mo ded from evriwan. Hem i bin invaetem wanwan long olgeta blong tajem ol mak long han, leg, mo saed bodi blong hem blong oli save se Hem i Sevya blong wol.

3 Nifae 11:8–14

Jisas Kraes i sidaon long ol step blong tempol, mo ol pipol oli kam long Hem mo tajem ol mak blong nil long ol han blong Hem

Ol pipol oli kam wan afta wan. Oli luk wetem ol ae blong olgeta mo filim wetem han blong olgetawan ol mak long han, leg mo saed blong Hem. Evriwan i save se Hem i man ia nao we ol profet oli stap talem se bae i kam. Oli save se Hem i Sevya blong wol. Ol pipol oli foldaon long ol leg blong Jisas mo oli wosipim Hem.

3 Nifae 11:15–17