Yesu Anawatembelea Watu

Kumsaidia kila mtu kumwamini Yeye

familia inatazama angani, na watu wengine kwenye mji wanabishana

Watu wengi hawakuwasikiliza manabii wa Mungu. Lakini baadhi ya watu waliamini kile manabii walichofundisha. Waumini hawa walisubiri ishara za kifo cha Yesu Kristo.

3 Nefi 7:16–26; 8:1–4

radi, dhoruba, mafuriko, matetemeko ya ardhi, na moto vinaangamiza mji

Baada ya Yesu kufa Yerusalemu, ishara zilianza. Katika Amerika, kulikuwa na dhoruba, matetemeko ya ardhi, na moto kwa saa tatu. Miji iliharibiwa, na watu wengi walikufa. Kisha kulikuwa na giza totoro kwa siku tatu.

3 Nefi 8:5–19, 23

mtu anajaribu kuwasha moto, lakini hauangazi na kila kitu kina giza

Giza lilikuwa totoro kiasi kwamba watu hawakuweza kuona jua, mwezi, au nyota. Hawakuweza hata kuwasha moto au mishumaa.

3 Nefi 8:20–23

bado ni giza, watu wanasaidiana kutoka kwenye jengo lililobomoka, na mtu analia na kusali

Watu wengi ambao bado walikuwa hai walikuwa na huzuni sana na kuogopa. Walilia na kusikitika kwamba walikuwa hawajatubu mapema.

3 Nefi 8:24–25

bado ni giza, watu wakiangalia angani, na mtu anayesali ameacha kulia

Ghafla, walisikia sauti. Ilikuwa ni Yesu akizungumza nao. Aliahidi kumponya kila mtu aliyetubu. Yesu aliwaambia Alikuwa amekufa na kurudi tena kuwasaidia watu wote. Watu walishangaa sana kiasi kwamba waliacha kulia. Kulikuwa na ukimya katika nchi kwa saa nyingi.

3 Nefi 9; 10:1–2

familia zinakaa katika duara na kutabasamu, na hakuna giza tena

Yesu alizungumza tena. Aliwaambia watu kwamba Angewasaidia kama wangechagua kumfuata Yeye. Giza liliondoka, na dunia ikaacha kutetemeka. Watu walikuwa na furaha na walimsifu Yesu.

3 Nefi 10:3-10

kundi kubwa la watu wakikusanyika kuzunguka hekalu, na wanatazama juu angani wakati mawingu meusi yakianza kuonyesha mwanga

Takribani mwaka mmoja baadaye, watu wengi walikuja hekaluni katika nchi ya Neema. Walizungumza kuhusu Yesu na ishara za kifo Chake. Wakiwa wanazungumza, walisikia sauti tulivu kutoka mbinguni. Mwanzoni, hawakuweza kuielewa. Kisha wakaisikia tena.

3 Nefi 8:5; 10:18; 11:1–4

Yesu Kristo anashuka kutoka mawinguni, na watu wana furaha na wanamkaribisha

Waliposikia sauti mara ya tatu, walitazama kuelekea mbinguni. Alikuwa ni Baba wa Mbinguni akizungumza. Aliwaambia watu wamwone na kumsikiliza Mwanaye. Kisha watu wakamwona mtu katika joho jeupe akishuka chini kutoka mbinguni.

3 Nefi 11:5–8

Yesu Kristo anasimama miongoni mwa watu, na watu wanakuja Kwake na kugusa alama za misumari katika viganja Vyake

Mtu yule alisimama miongoni mwa watu na kusema, “Mimi ni Yesu Kristo.” Watu walianguka chini. Yesu aliwaambia Yeye alikuwa ameteseka na kufa kwa ajili ya kila mtu. Aliwaalika watu kugusa alama katika mikono Yake, miguu, na ubavu ili kwamba waweze kujua Yeye ni Mwokozi wa ulimwengu.

3 Nefi 11:8–14

Yesu Kristo anakaa juu ya ngazi za hekalu, na watu wanamwendea na kugusa alama za misumari katika viganja Vyake

Watu walienda kwa Yesu mmoja mmoja. Waliona kwa macho yao wenyewe na kuhisi kwa mikono yao wenyewe alama mikononi Mwake, miguuni, na ubavuni Mwake. Wote walijua kwamba Yeye ndiye yule ambaye manabii walisema angekuja. Walijua Yeye ndiye Mwokozi wa ulimwengu. Watu walianguka miguuni mwa Yesu na kumwabudu.

3 Nefi 11:15–17