Yesu Anawachagua Mitume Kumi na Wawili

“Yesu Anawachagua Wanafunzi Kumi na Wawili,” Hadithi za Kitabu cha Mormoni (2023)

1:57

Yesu Anawachagua Mitume Kumi na Wawili

Uwezo wa kufundisha na kubatiza

Yesu Kristo anaweka mikono Yake juu ya kichwa cha mwanafunzi na kumbariki, na watu wanasimama kuwazunguka na kusali

Wakati Yesu Kristo alipokuja katika mji wa Neema, Alichagua watu kumi na wawili na kuwapa uwezo wa kufundisha na kubatiza. Pia aliwapa uwezo wa kutoa karama ya Roho Mtakatifu. Aliwaita wanafunzi Wake. Wanafunzi walifanya mambo ambayo Yesu aliwafundisha kufanya.

3 Nefi 11:1, 18–22, 41; 12:1; 15:11–12; 18:36–37

Yesu Kristo anafundisha, mwanafunzi anambatiza mtu fulani, na wanafunzi wengine wanasikiliza na kutazama

Yesu aliwafundisha wanafunzi Wake jinsi ya kubatiza. Aliwaambia maneno waliyopaswa kusema. Aliwafundisha kumzamisha mtu majini na kumsaidia kumnyanyua kutoka majini. Yesu alisema daima ubatizo ufanywe kwa namna Aliyowafundisha. Pia Aliwafundisha kuhusu Roho Mtakatifu.

3 Nefi 11:22–28; 35

Yesu Kristo anazungumza na mmoja wa wanafunzi Wake

Yesu aliwataka wanafunzi Wake wapatane na wasibishane. Alisema kwamba walipobishana, hawakufuata mafundisho Yake.

3 Nefi 11:28–30

Yesu Kristo anawashika watu mkono, na watu wanatabasamu na kusikiliza

Yesu aliwafundisha watu kumwamini Yeye, kutubu, na kubatizwa ili kwamba waweze kuishi tena na Baba wa Mbinguni.

3 Nefi 11:31–33

Yesu Kristo akitembea na wanafunzi Wake na watu wengine na kuwafundisha

Yesu aliwaambia wanafunzi Wake kwamba ikiwa watamwamini, wanamwamini Baba wa Mbinguni pia. Roho Mtakatifu angewasaidia kujua kwamba Yesu na Baba wa Mbinguni ni halisi.

3 Nefi 11:35–36

Yesu Kristo anakaa na wanafunzi Wake na watu na kuwafundisha

Wakati Yesu alipomaliza kuwafundisha wanafunzi Wake, aliwaambia waende na kuwafundisha watu wote. Alisema wasiwe na wasiwasi juu ya kile ambacho wangekula, kunywa, au kuvaa. Aliwaambia kwamba kama wangemtumikia Baba wa Mbinguni, Baba wa Mbinguni angewatunza.

3 Nefi 11:41; 13:25–34