Yesu Anawabariki Watoto

Kuonyesha upendo Wake kwao

Yesu Kristo anasimama kwenye ngazi za hekalu na anazungumza na kundi la watu

Yesu Kristo aliwafundisha watu mambo mengi. Aliona kwamba walihitaji muda kufikiria kuhusu kile walichojifunza. Aliwaomba waende nyumbani na kuomba kwa Baba wa Mbinguni ili waelewe kile Alichowafundisha. Kisha Yesu aliahidi kuwatembelea tena siku iliyofuata.

3 Nefi 17:1-4

Yesu Kristo anatabasamu na kuinua mkono Wake juu

Watu walilia kwa sababu walimtaka Yesu abakie zaidi. Yesu aliwapenda watu. Aliweza kuona kwamba imani yao ilikuwa imara sana. Aliwaambia wawalete Kwake watu waliokuwa wagonjwa au waliokuwa wanaumia kwa njia yoyote. Alitaka kuwaponya kila mmoja wao.

3 Nefi 17:5–8

Yesu Kristo akimsaidia mtoto mgonjwa, na watoto wengine wako karibu wakitabasamu

Watu walienda Kwake na wanafamilia wao wagonjwa na marafiki. Yesu alimponya kila mmoja wao. Walikuwa na furaha. Walipiga magoti na kuibusu miguu Yake.

3 Nefi 17:9–10

Yesu Kristo anazungumza na mtoto, na watu wamekusanyika kumzunguka Yesu pamoja na watoto wao

Yesu aliwaomba wawalete watoto wao wadogo Kwake. Watu waliwaleta watoto wao na kuwaweka chini karibu na Yesu.

3 Nefi 17:11–12

Yesu Kristo anapiga magoti na kusali, na watoto na watu wazima wanapiga magoti kumzunguka Na kusali

Baada ya watoto wote kuwepo pamoja Naye, Yesu aliwaomba watu kupiga magoti. Alipiga magoti pia. Kisha alisali kwa Baba wa Mbinguni. Alisema vitu vya kushangaza ambavyo maneno Yake hayangeweza kuandikwa. Watu walijawa na furaha.

3 Nefi 5:13-18

Yesu Kristo anatabasamu, na tone la machozi linadondoka kutoka kwenye jicho Lake

Yesu aliwaambia watu kwamba walibarikiwa kwa sababu ya imani yao Kwake. Yesu alihisi shangwe nyingi kiasi kwamba alianza kulia.

3 Nefi 5:19–21

Yesu Kristo anamkumbatia mtoto, na watoto wengine wako karibu na wanatabasamu

Kisha Yesu akambariki kila mtoto, mmoja mmoja. Aliomba kwa Baba wa Mbinguni kwa ajili ya kila mmoja wao. Kisha aliwaomba watu wawaangalie watoto wao.

3 Nefi 5:21–23

Yesu Kristo anazungumza na watoto, na malaika wanashuka kutoka mawinguni na kukusanyika karibu na watoto

Malaika walikuja kutoka mbinguni na kukusanyika kuwazunguka watoto. Wakati malaika walipowabariki watoto, nuru ya mbinguni iliwazunguka. Katika siku nyingine, Yesu alikutana na watoto na kuwabariki tena. Pia aliwabariki watoto kuweza kuzungumza. Hata watoto wachanga walizungumza. Watoto waliwafundisha wazazi wao mambo ya kushangaza.

3 Nefi 17:23–25; 26:14, 16