3 Nifae 18; 20

Jisas I Serem Sakramen

Oltaem tingbaot Hem

Afta we Jisas i hilim olgeta we oli sik mo blesem ol smolsmol pikinini, Hem i introdiusum sakramen long olgeta pipol we oli kam tugeta blong harem Hem. Jisas Kraes i askem ol disaepol blong Hem blong oli karem sam bred mo waen.

3 Nifae 17; 18:1–2

Jisas i brekem bred mo i blesem. Hem i givim long ol disaepol blong Hem oli kakae. Hem i askem ol disaepol blong Hem blong givim bred long evri pipol.

3 Nifae 18:3–4, 6

Jisas i talem se evriwan we oli biliv long Hem mo oli kasem baptaes oli sud kakae bred ia. Taem oli mekem olsem, oli mas tingbaot bodi blong Hem. Hem i rimaenem ol pipol abaot olsem wanem taem oli filim mak blong nil long ol han mo ol leg mo soa long saed blong Hem.

3 Nifae 11:14–15; 18:3–7

Afta Jisas i givim long ol disaepol blong Hem waen blong dring. Hem i askem ol disaepol blong Hem blong givim waen long evri pipol.

3 Nifae 18:8–9

Jisas i talem se evriwan we oli sakem sin mo kasem baptaes oli sud drink waen ia. Hem i askem evriwan we oli dring waen blong tingbaot bodi blong Hem. Hem i rimaenem olgeta se Hem i givim blad blong Hem taem Hem i safa mo ded from olgeta.

3 Nifae 18:11

Jisas Kraes i talem se blong kakae bred mo dring waen i wan komanmen. Taem yu stap kakae bred mo dring waen, ol pipol oli soem long Papa long Heven se oli wantem blong kipim olgeta komanmen blong Hem mo tingbaot Jisas. Jisas i talem se bae oli blesem olgeta wetem Tabu Spirit sapos oli mekem ol samting ia.

3 Nifae 18:7, 10–14

Afta we Jisas i kakae bred mo dring waen, oli fulap wetem Tabu Spirit. Afta ol pipol oli presem Jisas.

3 Nifae 18:4–5, 9; 20:9