Yesu Anashiriki Sakramenti

Daima kumkumbuka Yeye

Yesu Kristo anazungumza na kundi kubwa la watu, na wanafunzi Wake wanamletea mkate na divai

Baada ya Yesu kuwaponya wagonjwa na kuwabariki watoto wadogo, Alianzisha sakramenti kwa watu wote waliokusanyika kumsikiliza Yeye. Aliwaomba wanafunzi Wake walete mkate na divai.

3 Nefi 17; 18:1–2

Yesu Kristo anamega mkate nusu na kuwapatia wanafunzi Wake

Yesu alimega mkate na kuubariki. Aliwapa wanafunzi kuula. Aliwaomba wanafunzi kutoa mkate kwa watu wote.

3 Nefi 18:3–4, 6

Yesu Kristo anashikilia vipande vya mkate, na picha za msalaba na kaburi tupu ziko nyuma Yake

Yesu alisema kila mtu aliyemwamini na kubatizwa anapaswa kula mkate. Wanapofanya hivyo, wanapaswa kukumbuka mwili Wake. Aliwakumbusha watu kuhusu wakati walipohisi alama za misumari katika mikono na miguu Yake na jeraha ubavuni Mwake.

3 Nefi 11:14–15; 18:3–7

Yesu Kristo anampa mmoja wa wanafunzi Wake kikombe chenye divai

Kisha Yesu akawapa wanafunzi divai ili wanywe. Aliwaomba wanafunzi kutoa divai kwa watu wote.

3 Nefi 18:8–9

Yesu Kristo anapiga magoti na kusali katika Bustani ya Gethsemane

Yesu alisema kila mtu aliyetubu na kubatizwa anapaswa kunywa divai. Alimuomba kila mtu aliyekunywa divai akumbuke damu Yake. Aliwakumbusha kwamba Alitoa damu Yake wakati alipoteseka na kufa kwa ajili yao.

3 Nefi 18:11

Yesu alisema kwamba kula mkate na kunywa divai ilikuwa ni amri. Kwa kula mkate na kunywa divai, watu walimwonyesha Baba wa Mbinguni kwamba walitaka kutii amri Zake na kumkumbuka Yesu. Yesu alisema watabarikiwa kwa Roho Mtakatifu kama wangefanya mambo haya.

3 Nefi 18:7, 10–14

Yesu Kristo anazungumza na watu, na wanatabasamu

Baada ya watu kula mkate na kunywa divai, walijazwa na Roho Mtakatifu. Kisha watu wakamsifu Yesu.

3 Nefi 18:4–5, 9; 20:9