3 Nephi 18 ; 20

Tē ’ōpere nei Iesu i te ’ōro’a mo’a

’Ia ha’amana’o noa iāna

I muri a’e i tō Iesu fa’aorara’a i te feiā ma’i ’e te ha’amaita’ira’a i te mau tamari’i ri’i, ’ua vauvau ’oia i te ’ōro’a mo’a i te mau ta’ata ato’a tei putuputu mai nō te fa’aro’o iāna. ’Ua ani ’oia i tāna mau pipi ’ia ’āfa’i mai i te tahi pāne ’e te uaina.

3 Nephi 17 ; 18:1–2

’Ua vāvāhi Iesu i te pāne ’e ’ua ha’amaita’i i te reira. ’Ua hōro’a ’oia i te reira i te mau pipi nō te ’amu. ’Ua ani ’oia i te mau pipi ’ia hōro’a i te pāne i te mau ta’ata ato’a.

3 Nephi 18:3–4, 6

’Ua parau Iesu e ti’a i te mau ta’ata ato’a tei ti’aturi iāna ’e ’ua bāpetizohia ’ia ’amu i te pāne. ’Ia nā reira ana’e rātou, e ti’a ia rātou ’ia ha’amana’o i tōna tino. ’Ua fa’aha’amana’o ’oia i te mau ta’ata i te taime ’a ’ite ai rātou i te mau puta naero i roto i tōna nā rima ’e te ’āvae ’e te pēpē i tōna ’ao’ao.

3 Nephi 11:14–15 ; 18:3–7

I muri iho ’ua hōro’a Iesu i te uaina i te mau pipi nō te inu. ’Ua ani ’oia i te mau pipi ’ia hōro’a i te uaina i te mau ta’ata ato’a.

3 Nephi 18:8–9

’Ua parau Iesu e ti’a i te mau ta’ata ato’a tei tātarahapa ’e tei bāpetizohia ’ia inu i te uaina. ’Ua ani ’oia i te mau ta’ata ato’a tei inu i te uaina ’ia ha’amana’o i tōna toto. ’Ua fa’aha’amana’o ’oia ia rātou ē ’ua hōro’a ’oia i tōna toto ’a mamae ai ’e ’a pohe ai ’oia nō rātou.

3 Nephi 18:11

’Ua parau Iesu ē, e fa’auera’a te ’amura’a i te pāne ’e te inura’a i te uaina. Ma te ’amura’a i te pāne ’e te inura’a i te uaina, ’ua fa’a’ite te mau ta’ata i te Metua i te ao ra ē ’ua hina’aro rātou e ha’apa’o i tāna mau fa’auera’a ’e e ha’amana’o ia Iesu. ’Ua parau Iesu e ha’amaita’ihia rātou ’e te Vārua Maita’i mai te peu e rave rātou i teie mau mea.

3 Nephi 18:7, 10–14

I muri a’e i tō te mau ta’ata ’amura’a i te pāne ’e te inura’a i te uaina, ’ua ’ī rātou i te Vārua Maita’i. I muri iho ’ua ’ārue te mau ta’ata ia Iesu.

3 Nephi 18:4–5, 9 ; 20:9