3 Nifae 28; 4 Nifae 1

Jisas I Gobak long Papa blong Hem

Stap givim seves long ol disaepol blong Hem bifo Hem i gobak

Jisas i tijim ol pipol gospel blong Hem. Hem i tijim olgeta blong oli lavem God mo givim seves long wanwan long olgeta. I no long taem, Jisas bae i gobak long Papa blong Hem. Hem i askem ol disaepol blong gohed blong tijim ol pipol afta we bae Hem i gobak.

3 Nifae 11:41; 28:1

Bifo i Hem i gobak, Jisas i askem wanwan long ol disaepol blong Hem, wanem oli wantem blong Hem i mekem blong olgeta. Plante long ol disaepol oli wantem blong gobak mo stap wetem Jisas afta we oli finisim blong wok blong Hem daon long wol. Jisas i promes long olgeta se bae oli stap wetem Hem afta we bae oli ded.

3 Nifae 28:1–3

Tri long ol disaepol oli harem nogud from se oli wari blong talem wanem oli wantem long Jisas. Be Jisas i save wanem oli wantem long Hem. Oli wantem blong laef kasem Seken Kaming blong Sevya blong oli save helpem fulap moa pipol blong kam long Jisas.

3 Nifae 28:4–7, 9

Jisas i promes long olgeta se bae oli no ded. Bae oli stap long wol ia mo helpem ol pipol blong kam long Hem kasem long Seken Kaming blong Hem.

3 Nifae 28:7–11

Jisas i tajem wanwan long ol disaepol be i no olgeta tri we bae oli stap long wol ia kasem taem hem i kambak. Afta Jisas i gobak mo stap wetem Papa long Heven.

3 Nifae 28:1, 12

Afta long hemia, ol heven oli open mo olgeta tri disaepol oli tekem olgeta i go long heven. Olgeta oli luk mo harem plante naesfala samting mo oli talem long olgeta blong no talem ol samting ia. Ol bodi blong olgeta oli jenis blong mekem se oli no save ded o harem bodi i soa.

3 Nifae 28:13–15, 36–40

Ol disaepol oli kambak mo gohed blong tijim ol pipol abaot Jisas. Ol pipol oli wantem folem Jisas mo oli kasem baptaes long Jos blong Hem. Lav blong God i stap long ol hat blong olgeta, mo oli serem evri samting we oli gat tugeta. Oli hapi mo God i bin blesem olgeta. Oli laef long pis blong kolosap 200 yia.

3 Nifae 28:16–18, 23; 4 Nifae 1:1–23