Tē ho’i nei ’o Iesu i tōna Metua

Tāvini i tāna mau pipi hou ’oia ’a ho’i ai

Iesu Mesia e paraparau ra i te hō’ē pupu ta’ata

’Ua ha’api’i Iesu i te mau ta’ata i tāna ’evanelia. ’Ua ha’api’i ’oia ia rātou ’ia here i te Atua ’e ’ia tāvini i te tahi ’e te tahi. Fātata roa, e ho’i atu Iesu i tōna Metua ra. ’Ua ani ’oia i te mau pipi ’ia tāmau noa i te ha’api’i i te mau ta’ata, i muri a’e i tōna ho’ira’a.

3 Nephi 11:41 ; 28:1

Iesu Mesia mata ’ata’ata ’e e fa’atoro ra i tōna rima i ni’a

Hou ’oia ’a ho’i ai, ’ua ani Iesu i tāna mau pipi tāta’itahi e aha tā rātou e hina’aro ’ia rave ’oia nō rātou. ’Ua parau te rahira’a o te mau pipi ē, e hina’aro rātou e ora ’e Iesu i muri a’e i tā rātou tāvinira’a iāna i te fenua nei. ’Ua parau fafau Iesu ia rātou ē, e ora rātou ’e ’ōna i muri a’e i tō rātou pohera’a.

3 Nephi 28:1–3

Toru ’o te mau pipi e ’oto ra nō te mea tē pe’ape’a roa ra rātou, nō te parau ia Iesu i te mea tā rātou i hina’aro. ’Ua ’ite rā Iesu e aha tā rātou e hina’aro ra iāna. ’Ua hina’aro rātou e ora ē tae roa i te tae-piti-ra’a mai o te Fa’aora, ’ia ti’a ia rātou e tauturu e rave rahi atu ā ta’ata ’ia haere mai ia Iesu ra.

3 Nephi 28:4–7, 9

Iesu Mesia e paraparau ra i nā pipi e toru

’Ua parau fafau Iesu ia rātou ē e’ita rātou e pohe. E fa’aea rātou i te fenua nei ’e e tauturu i te ta’ata ’ia haere mai iāna ra ē tae roa i tōna tae-piti-ra’a mai.

3 Nephi 28:7–11

Iesu Mesia e pa’i’uma ra na te reva ’e ’ua hā’atihia e te māramarama

’Ua tāpe’a atu Iesu i te pipi tāta’itahi i tōna manimani rima, ’eiaha ra nā e toru tei hina’aro e fa’aea mai. I muri iho reva atu ra Iesu ’e ’ua ho’i atu i te Metua i te ao ra.

3 Nephi 28:1, 12

E mata ’ata’ata tō nā e toru pipi ’e ’ua ’ana’ana ri’i

I muri a’e te reira, ’ua vētea te mau ra’i ’e ’ua reva atu nā pipi e toru i te ra’i. ’Ua ’ite ’e ’ua fa’aro’o rātou e rave rahi mea fa’ahiahia ’e ’ua parauhia rātou ’eiaha e paraparau atu i te reira. ’Ua taui-ato’a-hia tō rātou tino ’ia ’ore rātou ’ia pohe ’aore rā ’ia fa’ari’i i te māuiui.

3 Nephi 28:13–15, 36–40

’Ua ho’i mai te mau pipi ’e ’ua tāmau noa i te ha’api’i i te mau ta’ata nō ni’a ia Iesu. ’Ua hina’aro te mau ta’ata e pe’e ia Iesu ’e ’ua bāpetizohia i roto i tāna ’Ēkālesia. Tei roto te here o te Atua i tō rātou ’ā’au, ’e ’ua fa’a’ite rātou i te mau mea ato’a tā rātou i fa’ari’i i te tahi ’e te tahi. ’Ua ’oa’oa rātou ’e ’ua ha’amaita’i te Atua ia rātou. ’Ua ora te mau ta’ata ato’a i roto i te hau fātata e 200 matahiti te maoro.

3 Nephi 28:16–18, 23 ; 4 Nephi 1:1–23