Nabii Moroni

Kuwa na upendo msafi wa Kristo.

Moroni alikuwa nabii wa mwisho wa Wanefi. Alipigana katika vita vikubwa kati ya Wanefi na Walamani. Familia yake na kila mtu alijua alikufa katika vita. Watu katika nchi walikuwa waovu. Walimuua mtu yeyote aliyeamini katika Yesu Kristo. Moroni aliamini katika Yesu. Asingekana kwamba Yesu ni Mwokozi.

Mormoni 8:2–10; Moroni 1:2–3

Moroni anabeba mabamba ya metali na kujificha pamoja nayo asionwe na kundi la askari

Baba yake Moroni, Mormoni, alikuwa akiandika historia ya watu wao kwenye mabamba ya metali. Kabla ya Mormoni kufa, alimkabidhi mabamba hayo Moroni. Moroni alilazimika kujificha ili kulinda maisha yake mwenyewe na mabamba.

Mormoni 6:6; 8:1–5, 13; Moroni 1:1–3

Moroni akiwa amekaa ndani ya pango na akiandika kwenye mabamba ya metali

Maisha yalikuwa magumu kwa Moroni, lakini alibaki mwaminifu. Aliandika kile Mormoni alichofundisha kuhusu hisani, upendo msafi wa Kristo. Mormoni alisema watu wanapaswa kuomba kwa Mungu kwa nguvu zote za mioyo yao ili kupata upendo huu. Alisema Mungu hutoa hisani kwa wale ambao kwa dhati wanamfuata Yesu.

Moroni 7:32–33, 40–48; 10:20–21, 23

Familia inafurahia kuhusu kupewa chakula, na Moroni anatabasamu

Moroni aliwapenda Walamani ingawa baadhi yao walikuwa wamemuua kila mtu aliyemjua na walitaka kumuua na yeye. Aliandika mambo mengi kwenye mabamba ya metali ili kuwasaidia Walamani katika siku zijazo. Alitumaini wangesoma kumbukumbu siku moja na kumwamini Yesu tena.

Mormoni 8:1–3; Moroni 1:1–4; 10:1

Moroni akiwa juu ya kilima cha nyasi na akiandika kwenye mabamba ya metali

Moroni aliwaalika watu wote wanaosoma kumbukumbu kufikiria kuhusu jinsi Mungu kwa upendo alivyowajali watoto Wake. Aliwaalika kusali na kumuuliza Mungu kama kumbukumbu ni ya kweli. Alisema kama wana imani katika Yesu na kweli wanataka kujua, Mungu atawajulisha ukweli. Watajua kwa uwezo wa Roho Mtakatifu.

Utangulizi wa Kitabu cha Mormoni; Moroni 10:1–5

Moroni anazika mabamba ya metali na kusogeza mwamba juu ya mahali bamba zilipofichwa

Moroni alimaliza kuandika kumbukumbu. Kisha alizika mabamba ya metali ardhini. Yesu alimwambia Moroni kwamba historia iliyoandikwa kwenye mabamba siku moja ingebariki maisha ya watoto wa Mungu ulimwenguni kote.

Mormoni 8:4, 14–16

kijana Joseph Smith anasogeza mwamba na kuona mabamba ya metali na Liahona

Miaka mingi baadaye, Mungu alimtuma Moroni, kama malaika, kumwonyesha mvulana mdogo aliyeitwa Joseph Smith ambapo mabamba ya metali yalizikwa. Joseph aliitwa na Mungu kuwa nabii. Mungu alimsaidia Joseph kutafsiri mabamba ili watu waweze kusoma kile kilichoandikwa juu yake. Kumbukumbu sasa inaitwa Kitabu cha Mormoni.

Utangulizi wa Kitabu cha Mormoni