Pene 25
Tē ha’api’i ra Aarona i te metua tāne o te Ari’i Lamoni
’Ua arata’i te Vārua ia Aarona ’e tōna mau hoa i te fenua i Nephi nō te ha’api’i i te metua tāne o Lamoni, te ari’i o i te mau ’āti Lamana ato’a.
’Ua parau Aarona i te ari’i ē o ’oia te taea’e o Amona. Tē feruri ra te ari’i i te maita’i o Amona ’e nō ni’a i te mea tā Amona i parau iāna.
’Ua ani Aarona i te ari’i tē ti’aturu ra ānei ’oia i te Atua. ’Ua parau te ari’i ’aita ’oia i pāpū, tera rā ’ua parau ’oia e ti’aturi ’oia mai te mea e parau Aarona ē tē vai nei te Atua. ’Ua ha’apāpū Aarona i te ari’i ē tē ora nei te Atua.
’Ua tai’o Aarona i te pāpa’ira’a mo’a i te ari’i. ’Ua ha’api’i ’oia iāna nō ni’a i te hāmanira’ahia te fenua, te hi’ara’a o Adamu ’e te misiōni a Iesu Mesia.
’Ua ui atu te ari’i e aha te mea e ti’a iāna e rave nō te fāri’i i te Vārua Maita’i ’e ’ia ineine nō te ora i pīha’i iho i te Atua. ’Ua ineine te ari’i nō te rave i te mau mea ato’a, ’oia ato’a i te vaiihora’a i tōna bāsileia.
’Ua parau Aarona i te ari’i e ti’a iāna ’ia tātarahapa hope roa i tāna mau hara. E ti’a iāna ’ia pure ’e ’ia roa’a te fa’aro’o i te Atua.
’Ua pure te ari’i nō te ’ite tē vai mau ra ānei te hō’ē Atua. ’Ua parau ’oia e ha’apae ’oia i tāna mau hara ato’a.
’Ua topa te ari’i i ni’a i te repo ’e e au ra ’ua pohe. I te ’itera’a te ari’i vahine iāna, ’ua mana’o ’oia ’ua taparahi pohe Aarona iāna.
’Ua fa’aue te ari’i vahine i tōna mau tāvini ’ia taparahi pohe ia Aarona ’e tōna mau hoa, ’ua ri’ari’a rā te mau tāvini. ’Ua tono ’oia ia rātou e ti’i mai i te tahi mau ta’ata nō te rave i te reira.
Hou te ti’a’a rahi e putuputu mai ai ’e e fa’atupu i te mārōra’a, ’ua rave mai Aarona i te rima o te ari’i ’e ’ua parau iāna ’ia ti’a mai i ni’a. ’Ua ti’a mai te ari’i i ni’a.
’Ua tāmarū te ari’i i tāna vahine ’e i tāna mau tāvini tei ri’ari’a, i muri iho ’ua ha’api’i ’ia rātou i te ’evanelia. ʼUa ti’aturi pā’āto’a rātou ia Iesu Mesia.