Sura ya 37
Nefi na Lehi gerezani
Nefi na Lehi walikuwa wana wa Helamani Helamani aliwataka wao kuwa wenye haki kama Lehi na Nefi ambao walitoka Yerusalemu.
Helamani aliwafundisha wanawe kuamini katika Yesu Kristo. Walijifunza kwamba msamaha huja kupitia imani na toba.
Nefi na Lehi walikwenda kufundisha neno la Mungu kwa Wanefi na Walamani. Maelfu ya watu walibatizwa.
Wakati Nefi na Lehi walipokwenda kwenye nchi ya Nefi, jeshi la Walamani liliwatupa gerezani na halikuwapa chakula kwa siku nyingi.
Walamani walikwenda gerezani kuwauwa Nefi na Lehi lakini hawakuweza kwa sababu walikuwa wamelindwa kwa uzio wa moto ambao ungemuunguza yoyote ambaye angejaribu kuwagusa.
Nefi na Lehi hawakuungua kwa moto. Waliwaambia Walamni kwamba nguvu za Mungu zilikuwa zinawalinda.
Ardhi na kuta za gereza zilianza kutikisika. Wingu jeusi liliwazunguka watu gerezani, na waliogopa.
Sauti kutoka juu ya giza iliongea. Ilikuwa ni ya ukimya kama mnong’ono, lakini kila mmoja aliisikia.
Sauti iliwaambia watu kutubu na kuacha kujaribu kuwauwa Nefi na Lehi.
Sauti ilinena mara tatu, na ardhi na kuta za gereza ziliendelea kutikisika. Walamani hawakuweza kukimbia kwa sababu ilikuwa giza sana na walikuwa wakiogopa sana.
Mnefi ambaye alikuwa ni muumini wa Kanisa aliona kwamba nyuso za Lehi na Nefi zilikuwa ziking’aa gizani.
Nefi na Lehi walikuwa wakitazama kuelekea mbinguni na kuongea. Muumini yule aliwaambia Walamani wawaangalie. Walishangaa Nefi na Lehi walikuwa wakiongea na nani.
Muumini yule aliyekuwa akiitwa Aminadabu, aliwaambia Walamani kwamba Nefi na Lehi walikuwa wakiongea na malaika.
Walamani walimuuliza aminadabu ni kwa jinsi gani wangeweza kuondoa giza. Aliwaambia watubu na kusali mpaka wawe na imani katika Yesu Kristo.
Walamani walisali mpaka wingu la giza likaondoka.
Wakati giza lilipoondoka, watu waliona nguzo ya moto ikiwazunguka. Moto haukuwaunguza au kuunguza kuta za gereza.
Walamani walihisi shangwe kuu, na Roho wa Mungu aliijaza mioyo yao.
Sauti ilinong’ona, ikisema wangefarijiwa kwa sababu ya imani yao katika Yesu Kristo.
Walamani waliangalia juu kuona wapi sauti ilitokea. Waliwaona malaika wakishuka chini kutoka mbinguni.
Karibu watu 300 waliona na kusikia kile kilichotokea gerezani. Walikwenda na kuwaambia wengine.
Wengi wa Walamani waliwaamini na wakatupa silaha zao za kivita.
Walamani waliacha kuwachukia Wanefi na kuwarudishia ardhi yao waliyokuwa wameichukua. Walamani wakawa wenye haki zaidi kuliko Wanefi.
Walamani wengi walikwenda na Nefi na Lehi na kufundisha wote Wanefi na Walamani.