Sura ya 48
Amani katika Amerika
Baada ya Yesu kurejea mbinguni, wanafunzi Wake walianzisha Kanisa Lake nchini kote.
Watu waliotubu dhambi zao walibatizwa na kupokea Roho Mtakatifu.
Punde Wanefi wote na Walamani waliongoka. Hawakubishana na kila mmoja wao alikuwa mkweli.
Hakukuwa na tajiri wala masikini. Watu walishiriki kila kitu, na wote walikuwa na vile walivyohitaji.
Wanafunzi walifanya miujiza mingi katika jina la Yesu Kristo. Waliponya wagonjwa na kuwarudishia uhai waliokufa.
Watu walijenga miji mipya mahali ambapo mingine ilikuwa imeharibiwa.
Walitii amri za Mungu. Walifunga na kusali na kukutana pamoja mara kwa mara kusikia neno la Mungu.
Watu walikuwa na furaha.
Hapakuwa na wanyang’anyi, waongo, wauaji. Watu hawakuwa tena wamegawanyika katika Wanefi na Walamani lakini wote walikuwa wamoja, watoto wa Kristo.
Bwana aliwabariki watu katika kila kitu walichofanya.
Waliishi kwa amani kwa miaka 200. Watu walikuwa matajiri sana.