Nutrisyon sa Bata

Isip mga miyembro sa Ang Simbahan ni Jesukristo sa mga Santos sa Ulahing mga Adlaw, kita nakigsaad sa pag-atiman sa tanang anak sa Dios sa tibuok kalibotan. Ang atong tumong mao ang pagserbisyo ug pag-amuma sa mga bata aron sila makaabot sa ilang hingpit nga potensiyal. “Walay makatawhanon nga paningkamot ang mas sukaranan ngadto sa Simbahan ni Kristo kay sa pagpakaon sa gigutom,” miingon ang Kinatibuk-ang Presidente sa Relief Society nga si Camille N. Johnson. “Mapasalamaton kami nga adunay mga paagi sa pakigtambayayong sa maanindot nga mga organisasyon ug sa paghatag og kahupayan sa mga bata ug batan-on nga mga inahan nga nanginahanglan og maayo. Samtang magkauban kaming moserbisyo, among gilugway ang maabtan sa mahigugmaon nga mga bukton ni Kristo.”

Daghang mga bata sa tibuok kalibotan ang nag-antos sa epekto sa malnutrisyon. Ang mga bata nagkinahanglan og igo nga nutrisyon, ilabi na gikan sa pagpanamkon hangtod sa dos o tres anyos. Ang mga sustansya nga ilang madawat importante kaayo alang sa husto nga paglambo sa utok, lawas, ug immune system. Tungod kay kini nga panahon hilabihan ka importante sa paglambo sa usa ka bata, ang Simbahan nakatutok sa mga paningkamot sa pagtabang og dugang nga gagmayng mga bata nga maka-access sa komprehensibo nga pag-atiman sa nutrisyon, lakip sa sustansiyado nga mga pagkaon, luwas nga mainom nga tubig, gisuportahan nga access ngadto sa mga serbisyo sa lokal nga klinika, ug ubang mga butang nga makatabang sa mga bata nga husto nga motubo.

Ang labing malamposon nga mga programa sa nutrisyon nakigtambayayong sa mga paningkamot sa lokal nga lebel diha sa lokal nga mga komunidad, ilabi na uban ang pag-apil sa mga babaye. Ang Simabahan talagsaon nga naorganisar aron sa paghatag niini nga mga matang sa solusyon pinaagi sa mga konseho sa ward, pagpangalagad, ug sa Relief Society. Agig dugang, ang Simbahan nakigtambayaong sa mga organisasyon sa tibuok kalibotan aron sa pagpalambo sa nutrisyon alang sa tanang bata nga nanginahanglan.

Gamita ang mga kapanguhaan diha sa link sa ubos aron mas makat-on mahitungod sa nutrisyon sa bata, sa unsang paagi kini makaapekto sa atong mga pamilya, ug unsaon nimo nga mas mapalambo ang nutrisyon sa imong kaugalingong pamilya.

Pagkat-on og Dugang mahitungod sa Nutrisyon sa Bata