Kiwil jun li saqen, xb’aan laj Jon McNaughton

10 enero

K’a’ut naq aajel ru li xb’een k’utb’esink?

Xtikib’ankil li Tzol’leb’ ut Sumwank; Jose Smith—Resilal 1:1–26

K’uub’ank na’leb’ sa’ komonil

B’eresinb’il xb’aan jun komon re li awa’b’ejil re li molam malaj tzoleb’aal; 10-20 k’asal

Sa’ xtiklajik li ch’utam, yehomaq sa’ komonil li ch’ol aatin choq’ reheb’ li molam re li Tijonelil re Aaron malaj li ch’ol aatin choq’ reheb’ li Saaj Ixq. Toja’ naq tex’aatinaq chirixeb’ li na’leb’ chanchaneb’ li tz’iib’anb’ileb’ arin, ut teek’uub’ eena’leb’ re naq toj teeb’aanu li k’a’ru nekeye (naru teesik’ ru k’a’ru tex’aatinaq wi’ sa’ li ch’utam re li awa’b’ejil):

• Sa’ qamolam malaj qatzoleb’aal. Ani taaraj ru qatenq’ ut qatij? K’a’ru naru taqab’aanu re xtenq’ankil? Ani raj taqab’oq sa’ jun ch’ina k’anjel qik’in?

• Li k’a’ru teneb’anb’il sa’ qab’een. K’a’ru lee k’anjel ak xqachoy xb’aanunkil? K’a’ru k’anjel toj tento taqab’aanu? Chan ru ak xqab’oqeb’ jalan chi chalk rik’in li Kristo, ut chan ru toj taqab’oqeb’ jalan chik?

• Sa’ li qayu’am. K’a’ru toje’ xqanumsi li xkawob’resi lix nawom qach’ool? K’a’ru yooko chixk’ulb’al sa’ li qayu’am, ut chan ru taqatenq’a qib’ chiqib’il qib’?

A’ yaal jo’ na’ajman, b’aanu a’in sa’ xraqik li tzolok:

• Ch’olob’ xyaalaleb’ li na’leb’ li xe’k’utman.

• Ye wi’chik k’a’ru li xeye sa’ li ch’utam a’in naq teeb’aanu.

Xkʼutb’al li tzolʼlebʼ

B’eresinb’il xb’aan jun aj jolominel malaj jun li saaj; 25–35 k’asal

Xkawresinkil aawib’ sa’ musiq’ej

Us ta ak numenaq 200 chihab’ chaq naq kixwiq’ib’ rib’ laj Jose Smith chi tijok sa’ li loq’laj k’iche’, li sumeek kixk’ul toj nim xwankil sa’ li qayu’am anajwan. K’oxlaheb’ li osob’tesink nakak’ul laa’at xb’aan naq li Yuwa’b’ej ut li K’ajolb’ej ke’xk’ut rib’ chiru laj Jose. K’a’ut naq aajel ru naq li saaj te’xk’ul xnawomeb’ xch’ool chirix li xb’een k’utb’esink rik’in li Santil Musiq’ej? Chan ru taatenqʼahebʼ chixkʼulbʼal? Naru tatxtenq’a li aatin re li jolomil ch’utub’aj-ib’ re abril 2020, li xninq’ehi 200 chihab’ re li xnimal ru k’utb’esink a’in.

Chixjunileb’ li saaj naru te’xk’ul xnawom xch’ool chirix li xb’een k’utb’esink.

Tzolok sa’ komonil

Xb’aan naq toj saaj laj Jose Smith naq kixk’ul li xb’een k’utb’esink, maare li saaj te’xtaw ru chi us lix yalb’al xq’e laj Jose chixsik’b’al li yaal. K’e xhoonaleb’ li saaj chixwotzb’al li neke’xk’oxla ut li neke’reek’a chirix Jose Smith—Resilal 1:1–26. Xb’aanunkil a’in naru tixtenq’aheb’ chixkawob’resinkil lix nawomeb’ xch’ool naq li Dios Yuwa’b’ej ut li Jesukristo ke’xk’ut rib’ chiru laj Jose Smith.

• K’a’ruheb’ li na’leb’ re li evangelio naqatzol rik’in li k’a’ru kixk’ul laj Jose Smith sa’ li loq’laj k’iche’? Eb’ li saaj naru te’ril li resil laj Jose sa’ Jose Smith—Resilal 1:7–20 ut te’xwotz k’a’ru neke’xtaw. (Li Dios narab’i ut naxsume li qatij; laj Satanas wan xwankilal, a’b’an nim wi’chik lix wankilal li Dios chiru a’an; moko raqenaq ta li k’utb’esinb’il na’leb’.) Chan ru noko’osob’tesiik xb’aaneb’ li na’leb’ a’in?

• Naru taapatz’ reheb’ li saaj naq te’ril li aatin chirix li xb’een k’utb’esink li xyeeman sa’ li jolomil ch’utub’aj-ib’ re abril 2020 (chi’ilmanq ChurcofJesusChrist.org). Maare te’ril li raatin li Awa’b’ej Russell M. Nelson “Chawab’i a’an” (Jolomil ch’utub’aj-ib’ re abril 2020). Patz’ reheb’ naq te’xwotz li aatin xe’xtaw ut li neke’reek’a chirix li xb’een k’utb’esink.

• Chixjunileb’ li Awa’b’ej re li Iglees ke’xch’olob’ xyaalal lix santil k’anjel li profeet aj Jose Smith. Eb’ li saaj naru te’ril xch’olob’ahomeb’ sa’eb’ li hu Enseñanzas de los Presidentes de la Iglesia. (Wan jun ch’ol chirix li profeet aj Jose Smith sa’ lix k’ihaleb’ li hu a’in. Re rilb’al b’ar wankeb’ li ch’ol a’in, chi’ilmanq Temas del Evangelio, “Primera Visión,” topics.ChurchofJesusChrist.org.) Wiib’ oxib’ kutan ma texwanq sa’ tzoleb’aal, naru taapatz’ reheb’ li saaj naq te’xsik’ ru jun Awa’b’ej ut te’xwotz jun aatin kixye, li truuq raj chixtenq’ankil jun li ras riitz’in chixtawb’al ru li xb’een k’utb’esink.

• Naru taapatz’ reheb’ li saaj naq te’xtzol “La restauración del Evangelio de Jesucristo por conducto de José Smith” sa’ li ch’ol 3 re Predicad Mi Evangelio ([2019], 36–38) ut naq te’xch’olob’ k’a’ru li xb’een k’utb’esink chirib’ileb’ rib’. Naru taapatz’ reheb’ naq te’xye resil li kixk’ul laj Jose Smith rik’in li aatin kixye a’an sa’ Jose Smith—Resilal 1:16–17.

• Ma neke’xnaw li saaj naq wankeb’ wiib’ oxib’ resil li xb’een k’utb’esink? Chixjunileb’ li esil nokohe’xtenq’a chixtawb’al ru b’ayaq chik chirix li k’a’ru kik’ulman sa’ li loq’laj k’iche’. Naru taaye chi k’osb’il ru li na’leb’ wan sa’ xtiklajik li “Relatos de la Primera Visión” sa’ Ensayos sobre Temas del Evangelio (topics.ChurchofJesusChrist.org). Toja’ naq naru taapatz’ reheb’ li saaj naq te’ril lix ch’olob’ankil li kaahib’ chi esil, li tz’iib’anb’il sa’ li raqal “Relatos de la Primera Visión.” Naru ajwi’ te’ril tz’aqaleb’ li esil sa’ li enlace. K’a’ru xe’xtaw li naxkawob’resi lix nawomeb’ xch’ool chirix li xb’een k’utb’esink? Naru teeril li video “Pide a Dios: La Primera Visión de José Smith” (history.ChurchofJesusChrist.org), li naxk’ut li xb’een k’utb’esink jo’ yeeb’il resil sa’ li kaahib’ chi esilal a’an. K’a’ut naq us naq wankeb’ wiib’ oxib’ li esil chirix li xb’een k’utb’esink? Chan ru nokohe’xtenq’a chixtawb’al ru li qaChoxahil Yuwa’ ut li Jesukristo?

K’anjelak rik’in paab’aal.

Waklesi xch’ooleb’ li saaj chixk’oxlankil ut chixtz’iib’ankil chan ru te’xb’aanu li k’a’ru x’ok sa’ xk’a’uxleb’. Chan ru naq li tzolok xe’xb’aanu anajwan tixtenq’aheb’ sa’ li neke’raj xjayalinkil sa’ xyu’ameb’? Wi te’raj, eb’ li saaj naru te’xwotz li neke’xk’oxla.

Xkomon chik li tenq’

• Mateo 3:13–17; Hechos 7:54–60; 3 Nefi 11:3–10 (Li Dios Yuwa’b’ej ut li Jesukristo neke’xk’ut rib’ chiru li wankeb’ sa’ ruchich’och’)

• “¿Qué aprendemos sobre la naturaleza de Dios mediante la Primera Visión?” sa’ li video “Cara a Cara con el Presidente Eyring y el Elder Holland” (video choq’ reheb’ li saaj, 4 marzo, 2017), FacetoFace.ChurchofJesusChrist.org

Li k’utuk jo’ li Kolonel

Li Kolonel kixb’oqeb’ lix tzolom chixch’olob’ankil xyaalal li k’a’ru kixk’ut. Naq ke’xb’aanu, li Musiq’ej kixtoch’ xch’ooleb’. Chan ru taatenq’aheb’ li saaj chixch’olob’ankil xnawomeb’ xch’ool? (Chi’ilmanq Li k’utuk jo’ li Kolonel [2016], 11.)

Chi’ilmanq ajwi’ “Prepárese para enseñar” (video, ChurchofJesusChrist.org).