22 ni Okosita

Cava na Vuna e Vinakata kina na Turaga Me’u Bulabula Tu?

Vunau kei na Veiyalayalati 89–92

Veivakasalataki Vata

Liutaki mai na dua na lewe ni mataveiliutaki ni kuoramu se kalasi; rauta ni 10–20 na miniti

Ena itekivu ni soqoni, cavuta vata na iToko ni Kuoramu ni Matabete i Eroni se na iToko ni Goneyalewa. Qai liutaka e dua na veivosaki ena veika vakaoqo, ka tuvanaka na sala eso me vakayacori kina na veika sa veivosakitaki (rawa ni o digitaka ena dua na soqoni ni mataveiliutaki na veika me veivosakitaki):

• Noda kuoramu se kalasi. O cei e vou tu ki na noda tabanalevu, ka da na veivuke vakacava mera vakataukeitaki? Na cava eda sa cakava tiko me vakaibalebale kina na noda gauna ena kuoramu se kalasi?

• Noda itavi se icolacola. Na cava na itavi kei na icolacola eso e tiko vei keda vaka cauravou kei na goneyalewa? E rawa vakacava ni da vakayacori ira vakavinaka?

• Noda bula. Na cava eda sa cakava tiko meda vakataki Jisu Karisito vakalevu cake ka ciqoma na Nona kaukauwa ena noda bula? Na cava eda sa cakava tiko me vukea na noda matavuvale me lako mai ki Vua?

Ena itini ni lesoni, ke veiganiti, cakava na ka oqo:

• Vakadinadinataka na ivakavuvuli eso sa vakatavulici.

• Vakananumi ira na lewe ni kuoramu se kalasi ena ituvatuva kei na veisureti a caka ena gauna ni bose.

Vakavulica na iVunau

Liutaki mai vua e dua na iliuliu itabaqase se itabagone; rauta ni 25-35 na miniti

Vakarautaki Iko Vakayalo

Sa ka rawarawa ki na so na tamata mera vakasamataka na Vosa ni Vuku, e kune ena Vunau kei na Veiyalayalati 89, me vaka e dua na ivola ni caka se kua. E sa tiko ena Vosa ni Vuku eso oya, ia e umani tale tu ga kina na ivakavuvuli eso ni kena vakabulabulataki tu na yagoda. E vakavulica talega ni sa vakayarayarataka na noda ituvaki ni bula ni vakasama, lomada, kei na bula vakayalo na sala eda qarauna kina na yagoda. Na veivakalougatataki cava so o sa ciqoma ena nomu sasagataka tu mo tutaka e dua na ituvaki ni bula vinaka?

Era sa na rairai vulica na lewe ni nomu kuoramu se kalasi na Vosa ni Vuku ni ra wilika na Vunau kei na Veiyalayalati 89–92 ena macawa oqo. E rawa ni o vukei ira vakacava ni kila vakamatata na veivakalougatataki vakayago ka vakayalo e yaco mai na talairawarawa ki na ivakatakila oqo? O rawa ni raica na veivakararamataki e veivuke ena railesuvi ni tukutuku ena Gospel Topics“ “Word of Wisdom” (topics.ChurchofJesusChrist.org) se “Tiko Bulabula Vakayago” ena Me iSakisaki ni iTabagone ([2011], 25–27).

Ni da karona na yagoda e sa vakayarayarataka na noda ituvaki ni bula ni vakasama, lomada, kei na bula vakayalo.

Vulica Vata

Me tekivutaki e dua na veivosaki ni Vosa ni Vuku, vola na veivosa oqo ena papa: Vakayago, Vakasama, Vakayalo, kei na Veimaliwai. Sureta na lewe ni kuoramu se kalasi mera wilika na Vunau kei na Veiyalayalati 89:18–21 ka veivosakitaka na sala e rawa ni tutaki kina na yalayala eso ena veitikina ki na veivanua oqo. Na veivakalougatataki cava so e rawa ni yaco mai e na talairawarawa ki na Vosa ni Vuku? Eda sa vakila vakacava na veivakalougatataki oqo ki na noda bula?

• Sa rawa ni ra vulica na lewe ni nomu kuoramu se kalasi e levu na ka vakai ira ena caka ni dua na lisi vakasoqoni ni veika era sa cakava tiko e bulabula tu. Wasea vakailawalawa na lewe ni kuoramu se kalasi, ka lesia yadua na ilawalawa me vaqara e dua se sivia na yatuvosa ni ivolanikalou ena matai ni digo ena ruku ni “iVurevure Veitokoni Eso,” ena vakaraici ni dina eso me baleta na bulabula ni yago. Me ra qai wasea na ilawalawa yadua na ka era sa vulica ka vola na nodra vakasama ena papa. Eda na sausaumi vakacava ki na veitaro vakaoqo: Cava na vuna e solia kina vei keda na Kalou na lawa eso me baleta na bulabula ni yago? Cava na vuna eda talairawarawa kina vei ira?

• Era na rairai tarogi na lewe ni nomu kuoramu se kalasi ena taro eso me baleta na vuna era sega ni gunu alakaolo, vakatavako, se vakayagataki waigaga ni veivakamatenitaki kina. Era na sauma vakacava na veitaro oqo? Sa rawa ni ra vaqara na “Tiko Bulabula Vakayago” ena Me iSakisaki ni iTabagone (tabana e 25–27) ka raica na ivakasala kei na veivakalougatataki yalataki eso era rawa ni wasea vei ira na tani. Na sala cava e tara na noda veiwekani kei na Kalou ena noda qarauna na yagoda? E sa rawata vakacava na lewe ni kuoramu se kalasi na ivakadinadina ni sa dau vakalougatataka na nodra bula na talairawarawa ki na Vosa ni Vuku?

• Na veika sa sotavi e vakaraitaka na veivakalougatataki ni talairawarawa ki na Vosa ni Vuku sa rawa ni vakauqeti ira na lewe ni kuoramu se kalasi mera gumatua sara ni bulataka na lawa oqo. Sa rawa mo wasea e dua na ka o sotava ena nomu bula se na ka e sotava o Peresitedi Thomas S. Monson e wasei ena nona itukutuku “iVakavuvuli kei na iYalayala” (Liaona, Nove. 2016, 78–79). Na vidio “Leave the Party” (ChurchofJesusChrist.org) e tiko kina e dua tale na ivakaraitaki. Sa rawa ni o vakauqeti ira na lewe ni kuoramu se kalasi mera wasea na veika era sa sotava.

• Me tekivutaki e dua na veivosaki ena sala me vorati kina na veitemaki me saqata na Vosa ni Vuku, o na via vakaraitaka ki na nomu kuoramu se kalasi e dua na icori ni siwa (se dua na kena yaloyalo). E dau cavilaki ira vakacava na ika na icori ni siwa? Na isau ni veitaro oqo sa rawa ni kune ena vidio “You Will Be Freed,” (ChurchofJesusChrist.org; raica talega na M. Russell Ballard, “Na iNaki Qaseqase ni Vunica,” Liaona, Nove. 2010, 108–10). Era vakacava tu na icori ni siwa ki na ka e dau cakava o Setani me cavilaki se lawakitaki keda kina? Na itukutuku cava e tiko vei Peresitedi Ballard me baleti ira na rawai tu ena veivakatotogani? E rawa vakacava ni da vukea e dua ka sotavi dredre voli ena veitemaki me gole vua na iVakabula? (raica na ivolanikalou enai karua ni digo ena ruku ni “iVurevure Veitokoni Eso”).

Cakacaka ena Vakabauta

Vakauqeti ira na lewe ni kuoramu se kalasi mera vakasamataka vagumatua ka vola na ka era na cakava mera vakayacora kina na veivakauqeti era ciqoma nikua. E semati vakacava na lesoni nikua ki na veilalawa era sa cakava? Kevaka e ra vinakata, sa rawa ni wasea na lewe ni kuoramu se kalasi na nodra vakasama.

iVurevure Veitokoni

• Taniela 1:3–20; 1 Korinica 6:19–20; Vunau kei na Veiyalayalati 88:124; 89:5–21(Sa ka bibi vua na Turaga na sala eda karona kina na yagoda)

• Mosaia 7:33; Alama 13:27–29; Ica 12:27 (Na inuinui vei ira era sotavi dredre tu ena veivakatotogani)

• Na ilavelave ena Okosita 2019 ni New Era kei na Ensign (ilavelave digitaki me baleta na yago)

Veivakavulici ena iVakarau ni iVakabula

Ena veituvaki kecega, na iVakabula esa noda ivakaraitaki ka dauveituberi. Ni ko vakarau tu mo veivakavulici, vakasamataka na ivakarau ni veivosaki ni Turaga vata kei ira na tani kei na ivakarau o rawa ni veivosaki kina ena sala e veilaveti ka vakayaloqaqataki ira o vakavulica.