Kallim̧ur M̧okta 2022
Jānwōde 9. Ewi Wāween an Anij Kōņaan Bwe in Kea kōn Mennin Kōm̧anm̧an ko An, ekoba Ānbwinnū? Jenesis 1–2; Moses2–3; Ebream 4–5

“Jānwōde 9. Ewi Wāween an Anij Kōņaan Bwe in Kea kōn Mennin Kōm̧anm̧an ko An, ekoba Ānbwinnū? Jenesis 1–2; Moses 2–3; Ebream 4–5,” Itok, Ļoor Eō—N̄an Doulul ko an Priesthood eo an Aron im Kūlaaj ko an Doulul eo an Jiron̄ ro: Unin Kōnono ko an Katak ko an 2022 (2021)

“Jānwōde 9. Ewi Wāween an Anij Kōņaan Bwe in Kea kōn Mennin Kōm̧anm̧an ko An, ekoba Ānbwinnū? Itok, Ļoor Eō—N̄an Doulul ko an Priesthood eo an Aron im Kūlaaj ko an Doulul eo an Jiron̄ ro: Unin Kōnono ko an Katak ko an 2020

likao in ej etetal ilo turin ļeik eo

Jānwōde 9

Ewi Wāween an Anij Kōņaan Bwe in Kea kōn Mennin Kōm̧anm̧an ko An, ekoba Ānbwinnū?

Jenesis 1–2; Moses 2–3; Ebream 4–5

pija ej bōk jikin kapilōk doon

Ko̧o̧njeļ Ippān Doon

Kar tōl jān eo juon uwaan būreejtōnji eo an doulul eo ak kūlaaj eo; 10–20 minit ko

Ilo jinoin kweilo̧k eo, āliji ippān doon Unin Tōl eo an Doulul eo an Jiron̄ Ro ak Unin Tōl eo an Doulul eo an Priesthood eo an Aron Innām tōl juon iien ekōnono kōn jerbal in lo̧mo̧o̧r eo im mour ijo eutiej tata ilo ami kōjerbal juon ak elōn̄ļo̧k kajjitōk ko ilaļ ak kajjitōk ko am̧ make (lale Bok in Bōk Meļeļe, 10.2, 11.2, ChurchofJesusChrist.org). Karōk n̄an kōm̧m̧an ekkar n̄an ta ko kar ekōnono kaki.

  • Mour kōn gospel eo. Ta eo jaar kōnono kake iien eo āliktata, im ta kūr ko im ijjitōn̄ ko raar kōm̧m̧ane? Ta eo em̧ōj ad kōm̧m̧ani n̄an kōm̧m̧ani kūr ko im ijjitōn̄ ko?

  • Kea kōn ro rej pād ilo aikuj. Ta eo jemaron̄ ba ak kōm̧m̧ane n̄an tōpar im jipan̄ ro remaron̄ en̄jake aer ajimakeke ak ettoļo̧k jān Jemedwōj Ilan̄?

  • Karuwaineneik aolep n̄an bōk gospel eo. Ta jet iaan wāween ko jemaron̄ jipan̄ ro jet en̄jake iakwe eo an Jisōs Kraist?

  • Kobaik baam̧le ko n̄an indeeo. Ta ļōmņak ko jemaron̄ kwaļo̧ki ippān ro jet n̄an jipan̄ kōkajoorļo̧k baam̧le ko ad?

Ilo jem̧ļo̧kin katak in, n̄e ekkar, kōm̧m̧ane laajrak in:

  • Kam̧ool kōn katak ko kar katakin kaki.

  • Kakeememej ro uwaan kūlaaj eo ak doulul eo kōn karōk ko im kūr ko me kar kōm̧m̧ane ilo iien kweilo̧k eo.

Katakin Katak eo

Kar tōl jān juon ritōl erūtto ak jodikdik; 25–35 minit ko

Ekkatak Ippān Doon

N̄an jipan̄ jodikdik ro ļōmņak ta eo remaron̄ kōm̧m̧an n̄an kōkm̧anm̧an ļo̧k aer kea kōn kōm̧anm̧an eo an Anij, je taitōļ kein rej elaajrak ioon boot eo: Rikōm̧anm̧an Eo, Kōm̧anm̧an Eo im Eddo ko Ad. Kajjitōk ippāer n̄an etale Jenesis 1–2 im je ta eo rej ekkatak kōn Rikōm̧anm̧an eo im Kōm̧anm̧an eo. Ta eo jej ekkatak kōn eddo ko ad? (lale eļaptata Jenesis 1:26–28; 2:15). Ļōmņak kein me rej elaajrak remaron̄ jipan̄ jodikdik ro ekōnono kōn eddo ko ad n̄an kea kōn kōm̧anm̧an ko an Anij.

  • Ewi wāween am̧ jipan̄ ro kwoj katakin er meļeļe bwe ānbwinnier rej kōm̧anm̧an an Anij ekwojarjar? N̄an waanjon̄ak, kwomaron̄ kajjitōk ippāer ta eo jej ekkatak kōn ānbwinnid jān bok in 1 Korint 6:19–20; Moses 2:26–27; Ebream 4:26–27. Ta meļeļein naan ko “nememein” im “jōkjōkin”? Jerbal ippān doon n̄an kōm̧m̧ane juon laajrak in jet men ko me jemaron̄ kōm̧m̧ane n̄an kea kōn ānbwinnid. (Lale “Ājmour ilo Ānbwin im En̄jake,” ilo N̄an Kōkajoorļo̧k Jodikdik ro [booklet, 2011], 25–27.)

  • Rūm̧m̧an ded ro ekkā aer jelm̧ae ennaan ko me rej kōm̧m̧an bwe ren en̄jake aer jab karbōb kōn ānbwinnier. Karuwaineneik jodikdik ro n̄an alooje pija in alooj eo “God’s Greatest Creation” (ChurchofJesusChrist.org). Kajjitōk ippāer n̄an kappukot ennaan ko me rej jipan̄ er en̄jake kam̧m̧olool kōn ānbwinnier (bar lale Russell M. Nelson, “Your Body: A Magnificent Gift to Cherish,” New Era, Aug. 2019, 2–7). Ta eo jemaron̄ jeere n̄an jipan̄ juon m̧ōttam̧ ak uwaan baam̧le eo en̄jake aer jab karbōb kōn ānbwinnin?

    2:48

  • Karuwaineneik jodikdik ro n̄an kadikdik riit juon ak elōn̄ļo̧k eoon ko, kappukot meļeļe ko kōn etke Anij ekar kōm̧anm̧an laļ im wāween An kōņaan kōj bwe jen kea kake: Jenesis 1:26–28; 2:15; 1 Nipai 17:36; Katak im Bujen Ko 49:19–21; 59:15–20; 104:13–18; Moses 2:26–31; 3:15. Kajjitōk ippāer n̄an kwaļo̧k ļōmņak ko aer kōn eoon kein kajjojo. Innem karuwaineneik er n̄an jerbal ippān doon n̄an kōm̧m̧an juon laarak in men ko me remaron̄ kōm̧m̧ani make iaer ak āinwōt juon kurup n̄an kakūrm̧ool eddo ko aer n̄an kea kōn laļ in (lale itia ko ilo “Supporting Resources”). Ta oktak ko me jej aikuj kōm̧m̧ani ilo ļōmņak im kōm̧m̧an ko ad n̄an kōm̧anm̧anļo̧k ad kea kōn laļ in?

  • Ļōmņak in karuwaineneik ro uwaan kūlaaj ak doulul eo n̄an itok n̄an kweilo̧k ippān juon men eo ej kwaļo̧k aibojooj eo an laļ in me Anij ekar kōm̧anm̧ane, āinwōt juon jin̄a, pija, ak poem. Karuwaineneik er n̄an kwaļo̧k ta eo rekar bōktok im en̄jake ko aer kōn kōm̧anm̧an ko an Anij. Kwaļo̧k pija in alooj eo “Our Home” (ChurchofJesusChrist.org), im kajjitōk ippāer n̄an ron̄jake men ko me rej kwaļo̧k wāween an Anij en̄jake kōn laļ in im rej im̧we er n̄an kea kake.

    1:34

Jerbal kōn Tōmak

Rōjan̄ ro uwaan kūlaaj eo ak doulul eo n̄an kejōkļo̧kjeņ im je ta eo renaaj kōm̧m̧ane n̄an mour ekkar n̄an im̧we ko rej en̄jaki rainin. Eļan̄n̄e rej kōņaan, remaron̄ kwaļo̧k ļōmņak ko aer. Karuwainene er n̄an ļōmņak kōn ekōjkan an jerbali im̧we ko aer naaj kōkajoorļo̧k jem̧jerā eo aer ippān Jemedwōj Ilan̄ im Jisōs Kraist.

Kein Jipan̄ ko rej Rie

Wāween ko jemaron̄ kea kake laļ in:

  • Katōk jet ine, wōjke, ak juon jikin kallip.

  • Kūntak kobej ilo jukjuk in pād eo.

  • Ejaake juon būrajāāk in karreo im recycle an ro ipeļaakūm̧.

  • Etal im tallōn̄ toļ im kejōkļo̧kjeņ kōn men ko kwoj kam̧m̧oolol kaki.

  • Kōm̧m̧an jet pija ak jin̄n̄a ko jān itōm̧ ko kwonaaj kar tin juļo̧ki, im kwaļo̧ke ilo juon kurup in kwaļo̧k kōn jin̄n̄a ak pija.

  • Kālet wāween ko me kwomaron̄ kōjparok jarōm im dān.

Teaching in the Savior’s Way

Leļo̧k n̄an ro uwaan kūlaaj ak doulul eo elōn̄ iien ko rem̧m̧an n̄an katakin doon ilo kūlaaj, bwe en ekkā an em̧m̧an aer ekkatak jān doon im jān en̄jake in katakin ko.